GENESIS 40
40
1Kepuggummeähyahmahgud dush kahishquahahyaug oonoo, oosegenega‐wenenemun owh Egypting duhzhe keche‐oogemah kuhya oobuhquazheguneka‐wenenemun oogenishkeähwaun oodoogemahmewaun enewh Egypting duhzhe keche‐oogemaun.
2Pharaoh dush oogenishkanemaun enewh neezh oomezhenahwamun, enewh ookeche‐segenega‐wenenemun, kuhya ookeche‐buhquazheguneka‐wenenemun.
3Kuhya oogekebahquahwaun emuh oowegewaumening enewh menesenoo‐oogemaun, emuh kebahquahoode‐weguhmigoong kahduhzhe‐kebahquahoond Joseph.
4Owh dush menesenoo‐oogemah oogeähnoonaun Josephun cheguhnuhwanemahnid enewh, Joseph dush oogebuhmeetuhwaun: wanebik dush kekebahquahegahzoowun.
5¶ Nuhyazh dush keënahbanduhmoog ingooding tebikuk, papukkaun keënahbunduhmoog, papukkaun dush keëzhenesittootahgwudene oodenahbunduhmoowinewaun, enewh oosegenega‐wenenemun kuhya oobuhquazheguneka‐wenenemun owh Egypting duhzhe keche‐oogemah, kahkebahquuhoondjig emuh kebahquuhoodewegummigoong.
6Kekezhab edush kepeendega Joseph emuh anduhzhe‐ahyahnid, oogekuhnuhwahbuhmaun dush, benuh dush kekeche‐kushkanduhmoon.
7Oogekuhgwajemaun dush enewh oodoogemaunsemun owh Pharaoh enewh ganuhwanemahjin emuh oodoogemahmun oowegewaumening, oo‐oo keënaud, Wagoonan suh kashkanduhmingin wanjeëzhenahgoozeyag noongoom kezheguk?
8Oo‐oo dush oogeëgoon, Ningeënahbundahmin, kah dush ahweyah neweenduhmahgoosenaun azhenesittootahgwuk. Joseph dush oo‐oo oogeënaun, Kahnuh ween Kesha‐Muhnedoo ahwese wanjenesittootahgwuk, enahbunduhmoowinun? weenduhmuhweshig kedenahbunduhmoowinewaun, kepahgoosanemenim.
9Owh dush keche‐segenega‐wenene oogeweenduhmoowaun Josephun oodenahbunduhmoowin, oo‐oo dush oogeënaun, Emuh nindenahbunduhmoowining ningewahbuhmah zhooweminahgahwunzh;
10Owh dush zhooweminahgahwunzh nesing keëzhepuhka-tegwunuhgeze: kuhya kesahgebuggeze, kuhya kewahhegoonewe; kuhya kemenewe, kuhya keühdittanoon zhooweminun:
11Ningetuhkoonaun dush Pharaoh oomenequahjegun: kuhya ningeöodahpenaunun enewh zhooweminun, kuhya ningesenebegenaunun emuh Pharaoh oomenequahjeguning, ningeënenuhmahwah dush Pharaoh ewh menequahjegun.
12Joseph dush oo‐oo oogeënaun, Mesuh maunduh azhenesittootahgwuk kedenahbunduhmoowin: Ewh nesing kahëzhepuhkategwunuhgezid owh zhooweminahgahwunzh, mesuh neswe kezhegudoon:
13Kenesoogoonuhguk Pharaoh oogahoombenaun keshtequaun, kuhya nayaub kegahahsig emuh kebuhmeetahgawining; kuhya kegahenenuhmahwah Pharaoh oomenequahjegun, debishkoo kahezhechegayunbun kesegenuhmahwudebun.
14Mequanemeshin dush uhpe menoo‐ahyahyun, kuhya shahwanemeshin kepahgoosanemin, kuhya debahjemeshin anahsuhmid Pharaoh, cheöonjesahgejewenegooyaun oomah wegewauming:
15Kagate gooshuh kekemoodim neyowh oonje Hebrewug ooduhkeemewaung: oomuh kuhya kahween gagoo ningedoodunse kaöonjekebahquahegahzooyaunbaun.
16Uhpe owh keche‐buhquazheguneka‐wenene kahkekandung keöonesheshinenig kahezhenesittootahgwudenig segenega‐wenene oodenahbunduhmoowin, oo‐oo oogëenaun Josephun, Kuhya neen ningeënahbundum, benuh dush ningepemewetoonun neswe wahbeöokookoobinahgunun emuh oogij nishtequauning:
17Emuh dush ookookoobinahguning ewh oogijuhyeëe atag keähbewug ahnooj doowug buhquazhegunug kaäumwahjin Pharaoh; egewh dush penasewug oogemahmahwaun oonje ookookoobenahguning emuh oogij nishtequauning:
18Joseph dush oogenuhquatuhwaun oo‐oo keënaud, Mesuh oo‐oo azhenesittootahgwuk: Enewh neswe ookookoobenahgunun mesuh neswe kezhegudoon:
19Nasoogoonuhguk Pharaoh oogahoombenaun keshtequaun, kuhya kegahahgoonig emuh metigoong; penasewug dush oogahmeejenahwah keyaus.
20¶ Kepuggummeähyahmahgud dush nasoogoonuhguk keöojechesamahgud uhpe kahneegid Pharaoh, oogeöozhetuh mahwaun dush kuhkenuh oobuhmeetahgunun ewh wekoondewin: oogeöombenuhmuhwaun dush ooshtequaunene enewh keche‐segenega‐wenenewun kuhya enewh keche‐buhquazheguneka‐wenenewun.
21Kuhya nayaub oogeähsaun enewh keche‐segenega‐wenewewun emuh oosegenegawinening; menuhwah dush owh keche‐segenega‐wenene oogeënenuhmahwaun Pharaohun ewh menequahjegun:
22Pharaoh dush ween oogeähgoonaun enewh keche buhquazheguneka‐wenenewun emuh metigoong; debishkoo kahekedoogoobunan Joseph.
23Kah dush owh keche‐segenega‐wenene oogemequanemahseen Josephun, oogeöonanemaun suh.
Currently Selected:
GENESIS 40: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
