GENESIS 39
39
1Joseph dush keëzhewenah emuh Egypting; Potiphar dush, oomenesenoo‐oogemahmun owh Pharaoh, oogekishpenuhnaun oonje ooneenjewaung egewh Ishmaelitug kahezhewenahjig ewede Egypting.
2Jehovah dush oogeweejewaun Josephun, keshahwandahgooze dush owh enene; kuhya keähyah emuh oowegewaumening enewh oodoogemahmun Egypting duhzhe‐enenewun.
3Kewahbunduhmoon dush oodoogemahmun ewh weejewegood Jehovahun, kuhya keweedookahgood enewh Jehovahun chemenoo‐ezhewabudenig kuhkenuh oodahnookewinun.
4Joseph dush oogeminwanemegoon enewh oodoogemahmun, kuhya oogebuhmeetuhwaun: oogeähnoonegoon dush cheguhnuhwandung kuhkenuh anegookwahnig oowegewaum, kuhya oogepuggedenuhmahgoon kuhkenuh ooduhyeemun.
5Kepuggummeähyahmahgud dush uhpe kahahnoonegood Joseph enewh oodoogemahmun cheguhnuhwandung oowegewaum, kuhya kuhkenuh ooduhyeemun, Jehovah oogeshahwandaun oowegewaumene enewh Egypting duhzhe enenewun oonje owh Joseph; Jehovah dush oogeshahwandaunun kuhkenuh oodahnookeewinun emuh wegewauming, kuhya emuh ketegauning.
6Oogepuggedenuhmoowaun dush Josephun kuhkenuh ooduhyeemun; kah dush oogekekanduhseen gagoo ooduhyeemun, mesuh atuh ewh menik kahezhewesenid. Joseph dush keminwahbuhmenahgooze, kuhya kequahnaujewe.
7¶ Kepuggummeähyahmahgud dush kahishquah‐ahyaug oonoo, Joseph oogenunduhwanemegoon enewh oodoogemun oowedegamahgunene; oo‐oo dush oogeëgoon, Wepameshin.
8Keähgoonwatum dush, oo‐oo dush oogeënaun enewh oodoogemahmun oowedegamahgunene, Benuh nindoogemaum kahween ookekanduhseen gagoo ganuhwanduhmaun emuh wegewauming, ahnooj gagoo ooduhyeemun ningepuggedenuhmaug emuh neneenjeeng;
9Kahween ahweyah ahwahshema keche‐ahpeetandahgoozese maunduh wegewauming neen dush ween; kah suh kuhya gagoo ningesahgetuhmahgoose keen atuh keyow, oowedegamahgunun mah kedow: ahneen dush kaëzhekushketooyaunbaun chedooduhmaun maunduh keche‐mujje‐ezhewabezewin, chemujje‐dooduhwuggebun dush Kesha‐Muhnedoo.
10Kepuggummeähyahmahgud dush ahnahween goo owh equa keguhnoonaud Josephun anduhsookezheguk, kahween oogebezindahwahseen, chewepamegood, gamuh cheweejewegood.
11Kepuggummeähyahmahgud oo‐oo uhpe, Joseph kepeendegad emuh wegewauming chemeekindung oodahnookeewin; kah dush ahweyah enene ahbesegoobun emuh wegewauming.
12Owh dush equa oogenuhwahdenaun emuh oopeensekoowahgunening, oo‐oo dush oogeënaun, Wepameshin: Joseph dush oogenuhguhduhmoowaun oopeensekoowahgun emuh ooneenjening, keöozhemoo dush, kuhya kesahgejebuhtoo.
13Kepuggummeähyahmahgud dush uhpe owh equa kahwahbuhmaud kenuhgudduhmahgood oodahgwewinene emuh ooneenjeeng, kuhya kesahgejebuhewanid.
14Oogenundoomaun enewh enenewun dabandahgoozenejin emuh wegewauming, kuhya oogeguhnoonaun, oo‐oo keënaud, Benuh oogepeendigahnaun Hebrew‐enenewun chebahpenoodoonung; ningepenaunzekaug chewepamid, ningekeche‐pepaug edush:
15Uhpe dush kahnoonduhwid pepahgeyaun, ningenuhguh-duhmaug oodahgwewin, keöozhemoo dush, kuhya kesahgejebuhtoo.
16Ningooche dush oogeähtoon ewh ahgwewin, nahnauzh kekewanid oodoogemahmun.
17Oogeguhnoonaun dush oo‐oo keënaud, Owh Hebrew buhmeetahgun kahpeendiguhnud emuh andahyung, ningepenaunzekaug webahpenoooduhwid:
18Uhpe dush ahyahshequawug kuhya pahpahgewug, ningenuhguduhmaug oopeensekoowahgun, kuhya kesahgejebuhewa.
19Uhpe dush oodoogemahmun, kahnoonduhmenid oonoo oodekedoowinene enewh oowedegamahgunun, kahezheguhnoonegood, oo‐oo keëgood, Mesuh oo‐oo kahdooduhwid kebuhmeetahgun; kekeche‐nishkahdezewun.
20Joseph dush oogetuhkoonegoon enewh oodoogemahmun, kuhya oogeähsigoon emuh kebahquahoode‐weguhmigoong, kahduzhekebahquahegahzoonid enewh keche‐öogemah kahkebahquahwahjin: kekebahquahegahzoo dush emuh.
21¶ Jehovah dush oogeweejewaun Josephun, kuhya oogeshahwanemaun, kuhya keënahkoonega cheminwanemegood enewh ganuhwanduhmenejin kebahquahoode‐weguhmig.
22Kuhya owh ganuhwandung kebahquahoode‐weguhmig oogepuggedenuhmahwaun Josephun kuhkenuh enewh kabahquahegahzoonejin emuh kebahquahoode‐weguhmigoong; nuhmunj edush kahezhecheganegwan emuh, ween kaëzhechega.
23Owh ganuhwandung kebahquahoode‐weguhmig kahween oogebuhbahmanduhseen gagoo kahguhnuhwanduhmenid Josephun; Jehovah mah oogeweejewaun, nuhmunj edush kahenuhnookenegwan, Jehovah keënahkoonega chemenoo-ëzhewabudenig.
Currently Selected:
GENESIS 39: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
