GENESIS 38
38
1Kepuggumme‐ahyahmahgud dush ewh uhpe Judah kenuhguhnaud enewh wekahnisun, kuhya kepeendeguhwaud pazhig Adullamitun, Hirah azhenekahzoonejin.
2Judah dush oogewahbuhmaun emuh pazhig oodaunene pazhig Canaanïtun, Shuah azhenekahzoonejin, oogeöodahpenaun dush kuhya oogewepamaun.
3Keünjegoowun dush, kuhya oogeähyahwaun quewezansun; Er dush oogeëzhenekahnaun.
4Menuhwah dush keünjegoowun, kuhya oogeähyahwaun quewezansun; Onan dush oogeëzhenekahnaun.
5Menuhwah dush keünjegoowun, kuhya oogeähyahwaun quewezansun; Shelah dush oogeëzhenekahnaun: Chezibing dush uhyahgoobun Judah uhpe ayahwahnid.
6Judah dush oogeöodahpenuhmahwaun equawun Erun oonetumoozhahnun kawedegamahnid, Tamar dush keëzhenekahzoowun.
7Er dush, Judah oonetummoozhahnun, kemujjeëzhewabeze emuh anahsuhmid Jehovah; Jehovah dush oogenesaun enewh.
8Judah dush oo‐oo oogeënaun Onanun, Naunzekow kekahnisebun oowedegamahgunun, kuhya wedegam, cheöozhetuhmahwud kekahnisebun kaöonejahnesejin.
9Onan dush oogekekandaun chedebanemahsig enewh kaöonejahnesejin; kepuhgummeähyahmahgud dush, uhpe paundeguhwaud oowedegamahgune wekahnesebuneen, oogeseegwabenaun oomenekaun emuh metushkuhkummig, chemeenahsig dush wekahnesebuneen ewh oomeenekaun.
10Kenishkahdeze dush Jehovah oonje ewh kahezhecheganid; mesuh kahoonjenesaud enewh.
11Medush Judah oo‐oo kahenaud Tamarun ooseemeen, Mahnoo shegahwin ewede koos andaud, nahnauzh netahwegid ningwis Shelah: Oo‐oo mah keëkedoo, Koonemah kuhya ween tahneboo, debishkoo oosuhyaëbuneen kahezheneboonid. Tamar dush keëzhah kuhya kedah emuh oosun oowegewaumening.
12¶ Bahnemah dush nahguj Judah oowedegamahgunun oodahnesun owh Shuah keneboowun; kemenoo‐daäah dush Judah, kuhya oogenaunzekahwaun enewh mwauzhwahnejin oomahnishtahnishun emuh Timnathing, ween kuhya oowejekewaün Hirah owh Adullamite.
13Keweenduhmahwah dush Tamar, oo‐oo keënind, Benuh keshenis ezhah ewede Timnathing wemoozhwaud oomahnishtahnishemun.
14Oogekesekaunun dush enewh ooshegah‐ahgwewinun, kuhya oogepesekaun ahgwingwabezoowin, kuhya kewewaginedezoo, kuhya kenuhmuhduhbe mezheshuh, mahyahwekunah aneëzhaung ewede Timnathing; oogewahbuhmaun mah ahzhe netahwegenid Shelahun, kah dush oogeweedegamegooseen enewh.
15Uhpe dush Judah kahwahbuhmaud, pazhigwahdezid equa oogeühyenanemaun; oonje keähgwingwabezoonid.
16Oogenaunzekahwaun dush emuh mekunaung, Oo‐oo keënaud Umba puggedenuhmahweshin chewepamenaun; (kah mah oogekekanemahseen ooseemeen ahwenid) Oo‐oo dush oogeëgoon, Wagoonash kameezheyun chepewepameyun dush?
17Oo‐oo dush oogeënaun, Kegahezhenahzhahuhmoon pazhig mesahboozoons. Oo‐oo dush oogeëgoon, Kagoo nuh kegahuhpuhzenuhegan nahnauzh cheëzhenahzhahahmahweyun?
18Oo‐oo dush oogeënaun, Wagoonan kaühpuhzenuhuhmoonaun? Oo‐oo dush oogeëgoon, Kedahkookewahsechegunahbikoom, kuhya kekechewabezoonun, kuhya kesuhkuhoon takoonuhmun emuh keneenjeeng. Oogepuggedenuhmahwaun dush, medush kewepamaud enewh, keünjegoowun dush.
19Kepuhsegwe dush owh equa, kuhya kemahjah, Oogewabenaun dush oodahgweengwabezoowin, nayaub dush oogepesekaunun ooshegah‐ahgwewinun.
20Judah dush oogeëzhenahzhahwaun enewh mesahboozoon emuh ooneenjening enewh weejekewaün Adullamitun, cheöodahpenuhmenid enewh kahuhpuhzenuhuhmuhwahjig enewh equawun; kah dush oogemekahwahseen.
21Oogekuhgwajemaun dush enewh ewede ayahnejin enenewun oo‐oo keënaud, Ahneende ewh pezhigwauj‐equa, mezheshah kahnuhmuhduhbid muhyahwekunah? Oo‐oo dush keëkedoowun, Kahween ahweyah pezhigwauj equa oomah keähyahse.
22Keëzhekewa dush emuh ayahnid Judahun, oo‐oo dush oogeënaun, Kahween nekushketoose chemekuhwug; kuhya dush egewh ewede duhzhe enenewug oo‐oo keëkedoowug, Kahween ahweyah pazhigwahdezid equa oomah keähyahse.
23Judah dush oo‐oo keëkedoo, Mahnoo oogahahyaunun, koonemah kedahahgujjeëgoomin: benuh ningeëzhenahzhahwah mahbuh mesahboozoons, kah dush kegemekahwahse owh equa.
24¶ Kepuggummeähyahmuhgud dush kahnesookeziswahguk, keweenduhmahwah Judah, oo‐oo keënind, Kepezhigwahjechega owh Tamar keseem; oodahyahwaun dush ahbenoojeün oonje kepezhigwahjechegad. Judah dush keëkedoo, Umba sahgejewenik, chechahgizoond.
25Uhpe kahsahgejewenind, ahweyah oogeähnoonoonaun cheguhnoonahnid oozhenissun, oo‐oo cheëkedoonid, Mesuh owh enene, dabandung oonoo uhyeëen, wanjeünjegooyaun; oo‐oo dush keëkedoo, Nahnahgahduhwahbunjegan kepahgoosanemin, ahwanan waduhyeëmid maunduh ahkookewuhsechegun‐ahbik, kuhya kechewabezoowinun, kuhya suhkuhoon?
26Judah dush oogenesettuhwenaunun, kah dush keähgoonwantunse, oo‐oo dush keëkedoo, Nahwuj ween menoo‐ezhewabeze neen dush ween; kah mah ningemeenahse ningwissun Shelahun chewedegamegood. Kah dush menuhwah oogekekanemahseen.
27¶ Keëzhewabud dush uhpe nahgeähwuhsood, neezhoodayun oogeähyahwaun.
28Uhpe dush nahgeähwuhsood, pazhig ahbenooje kesahgeninjene; owh dush kahdenewaqua oogetuhkoobetuhmoowaun ooneenjeene mashquahbeguk ahsaubaubeens, oo‐oo dush keëkedoo, Mesuh mahbuh netum kahneegid.
29Uhpe dush akooninjenid owh ahbenooje, benuh wekahnesun kebesahkuhuhmoon: owh dush kahdenewaqua oo‐oo keëkedoo, Ahneen suh ketwa kahezhenegaune‐sahguhahmun? mesuh ketwa kenegaune‐sahguhum kaöonjeëzhenekahnegooyun: Pharez dush keëzhenekahzoo
30Nahguj edush kebesahguhuhmoon wekahnissun, enewh kahtuhkoob tuhmuhwindjin ooneenjeeng ewh masquahbeguk ahsubaubeens: Zara dush keëzhenekahzoo.
Currently Selected:
GENESIS 38: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
