EXODUS 20
20
1Kesha‐muhnedoo dush oogeëkedoonun kuhkenuh oonoo ekedoowinun, oo‐oo keëkedood.
2Neen suh nindowh Jehovah ke‐Kesha‐Muhnedoom, Egypt duhzhe uhkeeng kahoonjesahgejewenik, emah kahduhzhe-goodugge‐ähnookeyumbun.
3Kahween ahweyah pakahnezid kegahoomuhnedoomesenun neen atuh.
4Kahween kegahoozhetuhmahdezoose muhzenene, gamah kuhya gagoo azhenahgwuk ishpeming kezhigoong, gamah kuhya uhkeeng duhbuhzheesh, gamah kuhya nebekaung ahnaumuhkummig;
5Kahween kegahoojejeengwuhnetuhwahseeg, kahween kuhya kegahbuhmeetuhwahseeg; neen mah Jehovah keKesha‐Muhnedoom ningezhahwanjegashk Kesha‐Muhnedooweyaun, naunzekuhmuhwugwah oomujje‐ezhewabezewinewah egewh wayoosemindjig oonejahnesewaun, nuhnaunzh nesing kuhya newing cheühneähneka‐bemahdezewaud egewh shaunganemejig;
6Shahwanemugwah dush ween medahswauk egewh suhyahgeëjig, kuhya ganuhwandungig ninguhgekwawinun.
7Kahween wuhnishquauch kegahwahweendunseen oodezhenekahzoowin Jehovah ke‐Kesha‐Muhnedoom; Jehovah mah kahween oogahmenwanemahseen enewh wuhnishquauch kawahweenduhmenid oodezhenekahzoowin.
8Guhnuhwandun ewh ahnuhmeä‐kezhigud, wawane cheguhnuhwanduhmun.
9Ningoodwahsoogoon kegahahnooke, cheëzhechegayun kuhkenuh wahenuhnookeyun:
10Ewh dush ween neenzhwahsookezhigud, me ewh oodahnuhmeäkezhigudoom Jehovah ke‐Kesha‐Muhnedoom: ewh uhpe kahween ningooduhnoo kegahenuhnookese, keen, kuhya kegwis, kuhya kedaun, kebuhmeetahga‐weneneem, kuhya kebuhmeetahga‐equam, kuhya keduhwuhkaunug, kuhya owh mayuggezid paundegook:
11Ningoodwahsoogoon mah Jehovah oogeduhzhekaun keöozhetood kezhig kuhya uhke, kechegumme, kuhya kuhkenuh enewh emah ayahnejin, keäunwabid dush naunzhwahsookezhegudenig: me suh dush ewh Jehovah kahoonjeshahwandung ewh neenzhwahsookezhigud, kuhya kekechetwahwetood.
12¶ Kechetwahwanim koos kukya keguh: cheöonjekuhgaunwaug kekezhigudoomun emah uhkeeng, ewh Jehovah ke‐Kesha‐Muhnedoom mahnik.
13Kahween kegahneshewase.
14Kahween kegahpeshegwahdezese.
15Kahween kegahkeemoodese.
16Kahween kegahkuhkenuhwishke‐bahtahmahse keejduhnuhkewamahgun.
17Kahween kegahzhoobeëgooseen keejduhnuhkewamahgun oowegewaum, kahween kegahzhoobeëgooseen keejduhnuhkewamahgun wewun, kuhya oobuhmeetahga‐wenenemun, kuhya oobuhmeetahgaquamun, kuhya oopezhekeemun, kuhya oomamaungeshaëmun, kuhya gagoo menik dabandung keejduhnuhkewamahgun.
18¶ Kuhkenuh dush egewh ahnishenahbag oogewahbundahnahwah kahezhenoondahgoozenid uhnemekeen, kuhya kahezhewahwahsuhmoonid, kuhya kahezhemuhdwawanig ewh poodahjegun, kuhya kahezhepuhquananig wuhjewh; uhpe dush egewh ahnishenahbag kahwahbunduhmoowaud, keëkoogahbuhwewug, wahsuh dush keöonjegahbuhwewaud.
19Oo‐oo dush oogeënahwaun Mosesun, Keen egoo guhnoonzheshenaum, ningahbezindahgamin dush: kagoo dush ween Kesha‐Muhnedoo ningahguhnoonegoosenaun, cheneboosewaung dush nah:
20Moses dush oo‐oo oogeënaun enewh ahnishenahban, Kagoo sakezekagoon: Kesha‐Muhnedoo mah peëzhah chekuhgwajeënag, kuhya chekoosag, chemujje‐ezhewabezesewag dush nah.
21Egewh dush ahnishenahbag wahsuh keöonjegahbuhwewug, Moses dush pashoo oogenaunzekaun ewh pesuhgeeshkebik, emah uhyahnid Kesha‐Muhnedoon.
22¶ Jehovah dush oo‐oo oogeënaun Mosesun, Me suh oo‐oo kaënudwah Israel oonejahnesun, Kegewahbundahnahwah ishpeming kezhigoong keöonjeguhnoonenuhgoog.
23Kahween kegahoozheähsewaug shooneyah‐muhnedoog cheweej‐oo‐Kesha‐Muhnedoowemewaud, kahween kuhya kegahoozhetuhmahdezooseem oozahweshooneyah‐muhnedoog.
24¶ Kegahöozhetuhmowh uhke‐sahsahgewejegun‐ahbik, oogejuheëe dush emah kegahsahsahgewejega kejahgedasahsahgewejegunun, kuhya kepezauneëwa‐meegewawinun, kemahnishtahnesheemug, kuhya kepezhekeemug: tebe kaühtoowaunan nindezhenekahzoowin me emah chenaunzekoonaun, kuhya cheshahwanemenaun.
25Kishpin dush kuhya wahoozhetuhmuhwewunan uhsine‐sahsahgewejegunahbik, kahween kegahuhwahseeg uhsin-neeg tataushkahbekuhegahzoojig uhpe weöozhetooyun: kishpin mah oombenahmun kedahnookahzoowin weöozhetooyun, keweenetoon suh.
26Kahween kuhya kegahezhetooseen nesahsahgewejegun‐ahbikoom, cheühkwaunduhwayun emah kepengwahshah-gedewin dush chewahbunjegahdasenoog emah.
Currently Selected:
EXODUS 20: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
