EXODUS 18
18
1Uhpe Jethro, owh Midian duhzhe sahsahgewejega‐wenene, Moses cozhenissun, nwaundung kuhkenuh Kesha‐Muhnedoo kahuhyindooduhwaud Mosesun, kuhya Israelun oodahnishenahbamun, kuhya Jehovah kesahgejewenaud Israelun emah Egypting;
2Me dush Jethro, Moses oozhenissun, keöodahpenaud Zipporahun, Moses wewun, ahzhe ween kahkewanaunzhuh-oogoonid enewh.
3Kuhya enewh neezh oogwissene; pazhig egewh Gershom keëzhenekahzoo; oo‐oo mah keëkedoo Moses, Ningemuhyugiz muhyugge‐uhkeeng:
4Owh dush ween pazhig Eliezer keëzhenekahzoo; oo-Kesha‐Muhnedoomun mah noosebun ningewedookaug, keëkedoo, kemedahgwanuhmuhwid dush Pharaoh oodahzhuhwashkoom:
5Jethro dush, Moses oozhenissun, oogeweejewegoon oogwissene kuhya oowewene keëzhaud dush Mosesun emah buhgwuhduhkummig, emah kekuhbashenid Kesha‐Muhnedoo oowuhjewing:
6Oo‐oo dush oogeënaun Mosesun, Neen kezhenis Jethro kebenaunzekoon, kuhya kewedegamahgun, kuhya neezh oogwissun puhweejewegoojin.
7¶ Moses dush kesahguhum chenuhquashkuhwaud oozhenissun, kezhahgushketuhwaud dush, kuhya keöojeemaud; keguhgwajindewug dush azhebemahdezewaud; kepeendegawug dush emah wegewauming.
8Moses dush oogeweenduhmuhwaun oozhenissun kuhkenuh Jehovahun kahuhyindooduhwahnid enewh Pharaohun kuhya enewh Egyptianun Israelun oonje, kuhya kuhkenuh ewh suhnuhgezewin kahpuhgummishkahgoowaud magwah kebuhbahmahdezewaud, kuhya kahezhebemahjeëgoowaud Jehovahun.
9Jethro dush kewahwezhandum oonje kuhkenuh enewh wanesheshingin Jehovah kahdooduhwaud Israelun, enewh kahmedahgwanuhmuhwaud enewh Egyptianun.
10Jethro dush oo‐oo keëkedoo, Tuhpeshegandahgooze Jehovah, kahmedahgwanuhmoonagwah egewh Egyptianug, kuhya owh Pharaoh, kahmedahgwanuhmuhwaud enewh ahneshenaban enewh Egyptianun.
11Noongoom suh dush ninkekandaun ewh Jehovah nuhwuj kecheahpetandahgoozid kuhkenuh dush ween muhnedoog; emah mah, ewh kahoonjemenahdanemoowaud, nuhwuj ween keïshpandahgooze wenuhwah dush ween.
12Jethro dush, Moses oozhenissun, oogeöodahpenuhmuhwaun Kesha‐Muhnedoon ewh chahgezega‐puhgedenegawin kuhya sahsahgewejegunun: Aaron dush kepeëzhah, kuhya kuhkenuh egewh akewazeyewejig Israelitug, chewedoopuhmahwaud Moses oozhenissun, aumwahwaud buhquazhegunun, emah anahsuhmenid Kesha‐Muhnedoon.
13¶ Kepuhgummeähyahmuhgud dush uhpe wuhyahbung, Moses kewuhwanuhbid chetebahkoonaud enewh ahnishenahban: egewh dush ahnishenahbag oogekewetah‐gahbuhwetuhwahwaun Mosesun uhpe wuhyahbunenig nuhnaunzh egoo wanahgooshenig.
14Uhpe dush Moses oozhenissun kahwahbunduhmenid kuhkenuh ewh kahuhyindooduhwaud enewh ahnishenahban, oo‐oo keëkedoowun, Wagoonan suh oo‐oo andooduhwudwah egewh ahnishenahbag? wagoonan keen atuh wanjenuhmuhduhbeyun, kuhkenuh dush egewh ahnishenahbag kewetah‐gahbuhwetookwah kekezhabahwuhguk nuhnaunzh egoo oonahgooshig?
15Moses dush oo‐oo oogeënaun oozhenissun, Egewh mah ahnishenahbag nimpenaunzekahgoog gagoo wahguhgwaje-mahwahjin Kesha‐Muhnedoon:
16Uhpe dagoomuhgukkin ewh kaöonjetebahkoonindwahpun, nimpenaunzekahgoog; nindebahkoonaug dush papazhig, kuhya ninkekanduhmooäug Kesha‐Muhnedoo oodenahkoonegawinun kuhya oodebahkoonegawinun.
17Moses dush oozhenissun oo‐oo oogeëgoon, Ewh suh azhechegayun kahween oonesheshinsenoon.
18Kegahnishwuhnahjeëdiz egoo kagate, keen kuhya dush egoo oogoo ahnishenahbag wahjewikig; oonzaum mahween oo‐oo koozigwun keen chebemoonduhmun; kahween kekushketooseen keen egoo atuh ewh cheëzheähnookeeyun.
19Umbasuhnoo bezinduhweshin, kegahkuhgekemin, Kesha‐Muhnedoo dush kegahweejewig: Kuhnooduhmowh egewh ahnishenahbag uhpe Kesha‐Muhnedoo kaguhnoonindebun, chepeduhwud dush Kesha‐Muhnedoo enewh wahkekanjegahdagin:
20Kegahkekenooähmuhwaug dush enahkoonegawinun kuhya tebahkoonegawinun, kuhya kegahwahbunduhaug ewh mekun emah kanepemoosawaud, kuhya ewh ahnookewin kamekinduhmoowaud.
21Kegahoondenuhmahdiz dush kuhya emah uhyahwaud kuhkenuh egewh ahnishenahbag, nabwahkahjig enenewug, egewh suhgoogwasahjig Kesha‐Muhnedoon, enenewug tuhyabwajig, shaungandungig shoobezewin; enahkoon dush oogoo cheöogemahkunduhwahwaud enewh, egewh mametahswauk kaöogemahkunduhwahjig, egewh naningoodwauk kaöogemahkunduhwahjig, egewh nanahnemeduhnuh kaöogemahkunduhwahjig, kuhya egewh mametahswe kaöogemahkunduhwahjig.
22Mahnoo dush moonzhug oogahtebahkoonahwaun, enewh ahnishenahban: me dush kaëzhewabuk kuhkenuh keche uhyeëen chepedookwah, enewh dush ween kacheähpetandahgwussenoogin wenuhwah oogahtebahkoonahnahwah: me dush nuhwuj chewanepuhnezeyun, kuhya egewh oogahbemoondahnahwah ewh bamoonduhmun.
23Kishpin oo‐oo ezhechegayun, kuhya oo‐oo ezhekuhgaunzoomik Kesha‐Muhnedoo, me dush chedakushketooyun, oogoo dush kuhya kuhkenuh ahnishenahbag pezaun tuhuhnekewawug.
24Me suh Moses kebezinduhwaud oozhenissun, kuhya keëzhechegad kuhkenuh kahekedoonid.
25Moses dush oogewuhwanahbuhmaun nabwahkahnejin enenewun emah uhyahnid kuhkenuh enewh Israelitun, keënahkoonaud dush cheöogemahkunduhwahnid enewh ahnishenahban, enewh mamedahswauk kaöogemahkunduhwahnid, enewh naningoodwauk kaöogemahkunduhwahnid, enewh nanahnemeduhnuh kaöogemahkunduhwahnid, kuhya mamedahswe kaöogemahkunduhwahnid.
26Oogetebahkoonahwaun dush moonzhug enewh ahnishenahban: enewh sanuhgukkin uhyeëen oogepeduhwahwaun Mosesun, enewh dush ween kacheühpetandahgwussenoogin, wenuhwah oogetebahkoonahnahwah.
27¶ Moses dush oogepuhgedenaun oozhenissun chemahjahnid; keëzhekewawun dush emah tebenuhwa ooduhkeemening.
Currently Selected:
EXODUS 18: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
