EXODUS 17
17
1Kuhkenuh dush egewh muhyahwunjeëdejig Israel oonejahnesun emah Sin buhgwuhduhkummig keöonjekoozewug, keëzhebuhbahmahdezewaud dush azhebuhbahmah-dezewahpun uhkoo, kahezhekuhgaundwanid egoo Jehovahun, kekuhbashewug dush Rephidiming: kah dush gagoo nebe duhgoosenoogoobun egewh ahnishenahbag kamenequawaud.
2Me dush egewh ahnishenahbag kenuhnebekemahwaud Mosesun, oo‐oo keënahwaud, Meenzheshenaum nebe chemenequayaung dush nah. Oo‐oo dush oogeëgoowaun Mosesun, Wagoonan wanjenuhnebekemeyag? wagoonan wanjekuhgwatebanemag Jehovah?
3Egewh dush ahnishenahbag kekeeshkahbahgwawug emah; egewh dush ahnishenahbag oogenahnahpuhgaunzoomahwaun Mosesun, oo‐oo keënahwaud, Wagoonan suh ookahoonjesahgejewezheyaung emah Egypting, chekuhwahbah-gwaëvaung nenuhwind kuhya nenejahnesenahnig kuhya ninduhwuhkahnenahnig?
4Moses dush oogepepahgemaun Jehovahun, oo‐oo keënaud, Ahneen kadooduhwugwah oogoo ahnishenahbag? me zhuhegwah gagah chebemwuhsenuhewaud.
5Jehovah dush oo‐oo oogeënaun Mosesun, Uhnenegahneen emah uhyahwaud egewh ahnishenahbag, oodahpin kuhya ahnind egewh akewazeyewejig Israelitug; kemetigoonsim kuhya, ewh kahuhyooyun kepuhketaühmun ewh seebe, oodahpenun keninjeeng, mahjaun edush.
6Benuh, ningahnebowh ewede anahsuhmeyun oogij-ahzhebik emah Horebing; kegahpuhketaäun dush ewh ahzhebik, me dush emah cheöonjejewung nebe, chemenequawaud dush egewh ahnishenahbag. Me dush ewh Moses kahezhechegad emah anahsuhmenid enewh akewazeyewenejin Israelitun.
7Ewh dush emah oo‐oo kahezhewabuk, Massah oogeëzhenekahdaun, kuhya Meribah oonje kenuhnebekingwad Israel oonejahnesun, kuhya keguhgwatebanemahnid Jehovahun, oo‐oo keëkedoonid, Jehovah nuh duhneze oomah uhyahyung, gamah kuhya kah?
8¶ Me dush keduhgwishing Amalek, kemegahnaud dush Israelun emah Rephidiming.
9Moses dush oo‐oo oogeënaun Joshuaün, Wuhwanahbum enenewug, uhwemegauzh dush Amalek: wahbung oogedahke ningahnebowh, ewh Kesha‐Muhnedoo oometigoonsim tuhkoonuhmaun neninjeeng.
10Me suh Joshua keëzhechegad kahegood Mosesun, oogemegahnaun dush Amalekun: Moses dush, Aaron, kuhya Hur oogedahke keëzhahwug.
11Kepuhgummeähyahmuhgud dush uhpe Moses wambeninjeenid, Israel kemuhmaunzhetwaud: uhpe dush kuhya pagedeninjenid, Amalek kemuhmaunzhetwah.
12Moses dush ween ooninjeen kekoozegwunenewun; oogeödahpenahwaun dush ahsineen, ahnaumuhyeëe dush oogeühtuhmuhwahwaun kenuhmuhduhbenid dush emah; Aaron dush kuhya Hur oogeöombenuhmuhwahwaun ooninjene, pazhig oondaus enuhguhka, owh dush pazhig uhwus enuhguhka; ooninjeen dush pazhigwunoong keëzheöombenegahdanewun, nuhnaunzh egoo kepungeshemoonid keezisoon.
13Joshua dush oogemuhmaunzheäun Amalekun kuhya enewh oodahnishenahbamene, ahzhuhwazhk keähyood.
14Jehovah dush oo‐oo oogeënaun Mosesun, Oozhebeün oo‐oo muzzenuheguning chemequanduhming, kuhya weenduhmowh Joshua chenoondung: wawane mah ningahkahsewah Amalek chemequanemahsewind, emah oonje uhnaume‐kezhigoong.
15Moses dush sahsahgewejegunahbik oojeöozhetoon, Jehovah‐nissi dush oogeëzhenekahdaun.
16Oo‐oo mah keëkedoo, Jehovah mah kemushkuhwekekedoo ewh, Jehovah chemegahnaud Amalekun menik egoo kaneähneka‐bemahdezenid.
Currently Selected:
EXODUS 17: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
