EPHESIANUN 5
5
1Kekenoowahbuhmik edush Kesha‐Muhnedoo, debishkoo suhyahgeïndjig wanejahnesemindjig;
2Kuhya bemoosayook emuh sahgeëdewining, debishkoo kahezhesahgeënung Christ, kuhya kepuhgedenedezood kenuhwind oonje, kemeegewad weyow wanesheshing tebundoowin, kuhya sahsahgewejegun Kesha‐Muhnedoo kaminwandung.
3Ewh dush pezhigwahdezewin, kuhya ahnooj weenezewin, kuhya oonzaum‐anduhmoowin, kahween ahbeting tahduhzhinjegahdasenoon emuh anduhzhe ahyahyag, me suh ewh kaëzhewabezewahpun egewh anuhmeähjig;
4Kahween tahduhgoomahgussenoon weenezewin, kuhkebahje‐kezhwawin, kuhya bahbahpinwawin, kah muh oonoo oonesheshinsenoon; ahwahshema suh oonesheshin mahmooyahwawin.
5Oo‐oo muh kekekandahnahwah, kahween ahweyah pazhigwahdezid, kah kuhya ahweyah wahnezid, kah kuhya ahweyah kanunduhwandung pakahnezenejin ooduhyeemene, muhnedookawining enandahgwudene oodezhewabezewin, kuhnuhga ootebanduhseen Kesha‐Muhnedoo kuhya Christ oodoogemahwewinewah.
6Kagoo ahweyah kegahwuhyazhemegoosewah oonje enewh kuhkebahje‐ekedoowinun: me suh oonoo uhyeëen wanje‐oodissegoowaud oonishkahdezewin Kesha‐Muhnedoo egewh kagaunzetungig wanejahnesemindjig.
7Kagoo suh dush weedookahwahkagoon egewh.
8Kuhyet mahween emuh puhsuhgish‐tebekudoong kegeähyaum, noongoom dush emuh wahsayahzewining kedahyaum Tabaningad oonje: bemoosayook debishkoo egewh wanejahnesemegoojig ewh wahsayahzewin:
9(Owh muh Oojechaugoomah ezhemeenewe emuh kuhkenuh oonesheshewining kuhya quuhyuk‐ezhewabezewining kuhya dabwawining;)
10Chenundahkekanduhmag ewh manwandung owh Tabaningad.
11Kagoo dush weedookahzookagoon emuh puhsuhgishtebik‐ahnookeewining mahnewunsenoogin, ahwahshema suh tahgeöonesheshin wahbunduhewayag azhemahnahduk.
12Ahgudandahgwukkummig cheweenduhmingebun enewh uhyeëen keemooj azhechegawaud.
13Kuhkenuh suh mazheshuhwesechegahdagin wahbunjegahdanoon oonje ewh wahsayahzewin: wagoodoogwan muh wanje‐wahbunjegahdagwan me ewh wahsayahzewin.
14Mesuh oo‐oo wanje‐ekedood, Kooshkoosin keen nabahyun, emuh neboowining oonje oonishkaun, Christ edush kegahmeenik wahsayahzewin.
15Aungwahmezeyook suh dush quuhyuk chebemoosayag, kahween debishkoo egewh kakebahdezejig, debishkoo atuh nabwahkahjig.
16Nayaub kishpinetooyook enewh kezhegudoon, mujje‐ezhewabudoon muh enewh kezhegudoon.
17Kagoo suh kenuhwah kuhkebahdezekagoon, nesittootuhmook atuh oodenanduhmoowin owh Tabaningad.
18Kagoo kuhya oonje‐kewushquabekagoon shoowemin‐ahboo, me suh wanjesing ewh nishwahnahjechegawin; me atuh chemooshkenashkoonenag owh Keche‐Oojechaug;
19Cheguhnoonindeyag emuh Psalming kuhya emuh ahnuhmeäwine‐nuhguhmoowining, chenuhguhmooyag kuhya cheminwawatoomahwag owh Tabaningad emuh kedaëwaung;
20Chemahmooyahwahmag Kesha‐Muhnedoo kahgenig oonje kuhkenuh uhyeëen, kuhya owh Wayoosemind emuh oodezhenekahzoowining Tabanemenung Jesus Christ;
21Mamashquaud puggedenedezooyag, koosag Kesha‐Muhnedoo.
22Wewemahdoog tahbusse‐puggedanindezooyook chenuhittahwagwah tebenuhwa kenahbamewaug, debishkoo azhenuhittahwagwah owh Tabaningad.
23Me mahween enene nahgahnezekunduhwaud enewh wewun, debishkoo Christ azhenegahnezekunduhwaud enewh anuhmeähnejin: kuhya dush ween oobemahjetoon ewh weyowemah.
24Benuh dush debishkoo egewh anuhmeähjig azhetahbusse‐puggedanindezoowaud chenuhittahwahwaud Christun, mesuh egewh wewemaug kaëzhetahbusse‐puggedanindezoowaud chenuhittuhwahwaud enewh tebenuhwa oonahbamewaun ahnooj gagoo.
25Kenuhwah wahweyag sahgeïk keweedegamahgunewaug, debishkoo Christ kahezhesahgetood ewh oodahnuhmeähwin, ween dush tebenuhwa kenebootung;
26Cheöonje‐menoo‐ezhewabezetood kuhya chepeenetood ewh kesebegenung nebe ahyood oonje ewh ekedoowin.
27Chemeenedezood ewh kache‐pezhegandahgwuk ahnuhmeähwin kuhnuhga punge wahnussenook kuhya chebuhbiskishinsenook, kah kuhya ningood ezhemahnahdus-senook oonoo dowah; cheöonje‐peenuk kuhya chemujje-ezhewabussenook.
28Enenewug oogahezhesahgeähwaun ooweedegamahgunewaun debishkoo tebenuhwa weyowewaun. Owh suhyahgeäud enewh wewun oosahgetoon tebenuhwa weyow.
29Kah suh wekah ahweyah oogesheenganduhseen tebenuhwa weyaus; ooduhshundaun dush kuhya ooguhnuhwandaun, debishkoo owh Tabaningad andoodung ewh ahnuhmeähwin:
30Kedebandahgoozemin muh ooweyowing kuhya emuh weyausing kuhya emuh ookuning.
31Me suh oo‐oo enene kaöonje‐nuhguhnaud enewh oosun kuhya enewh oogeen, cheweejewaud enewh wewun, nuhyazh edush tahpazhigwunene ooweyausewaun.
32Keche‐mahmaundahwud oo‐oo uhyeëe: ninduhzhemah suh Christ kuhya oodahnuhmeähwin.
33Mahnoo suh dush kuhkenuh anduhsheyag mamwach kegahezhesahgeähwaug kewewewaug debishkoo azhesahgeëdezooyag; kuhya owh wanahbamid equa tahahyaung-wahmeze chesahgeäud enewh oonahbamun.
Currently Selected:
EPHESIANUN 5: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
