EPHESIANUN 4
4
1Benuh neen kabahquahegahzooyaun owh Tabaningad oonje, kepahgoosanemenim chebemoosayag debishkoo enandahgwuk ewh kenundoomegoowinewah ewh azhenundoomegooyag.
2Emuh kuhkenuh dahbussanemoowining kuhya bakahdezewining kuhya zebishkahje‐kedahzoowining, sheebanduhmeëdeyag emuh sahgeëdewining;
3Ahyaungwahmezeyook weguhnuhwanduhmag Keche‐Oojechaugoowine pazhigwandahgoozewin emuh pezaun‐bemahdezewine tuhkoobezoowining:
4Pazhigwun suh weyowemah, pazhigoo owh Oojechaug, nahsaub azhenundoomegooyag emuh pazhik ahpanemoowining;
5Pazhigoo Tabaningad, pazhigwun dabwayanduhmoowin, pazhigwun baptizooëwawin.
6Pazhigoo Kesha‐Muhnedoo owh Wayoosemegood kuhkenuh, owh ahwahshema ashpandahgoozid dush ween kuhkenuh, kuhya ayahwid peenjenuh keyowewaung kenuhwah kuhkenuh.
7Kuhkenuh menik anduhsheyung kegemeenegoomin ewh shahwanjegawinewedookahgoowin debishkoo menik azhemeegewad Christ.
8Me suh oo‐oo wanje‐ekedood, Uhpe ishpeming kahezheöombishkaud, oogetuhkoonaun ewh tuhkoonegahzoowin, kuhya dush oogemeenaun enenewun enewh meegewawinun.
9(Benuh dush, ewh ishpeming kezheöombishkaud, wagoonan dush ewh? kah nuh ween oo‐oo netum keëzhaud emuh ahnahmuhkummig?
10Owh dush kahpenuhshid mesuh kuhya owh ishpeming keche‐wahsah kahëzhaud kezhegoong chemooshkenuhtood kuhkenuh ahnooj gagoon.)
11Ahnind oogemeenaun cheäpostleëwenid, kuhya ahnind cheäunwahjega‐wenenewenid, kuhya ahnind chekuhgequa‐wenenewenid, kuhya makuhdawekoonuhyawenid kuhya kekenooahmahganid.
12Ewh dush anuhmeähjig cheähpeche‐menoo‐ezhewabezeïndwah, cheöonje‐ahnookeetuhming ewh kuhgequawine‐buhmeetahgawin, chenetahwegenig ewh ooweyow Christ.
13Nahnauzh egoo uhpe kuhkenuh nanahsaub azhedabwayanduhmung, kuhya nanahsaub azhekekanemung Kesha‐Muhnedoo Oogwissun, cheähpeche quuhyuk eneneweyung debishkoo kahahpeetezid oomooshkenashkahgawin owh Christ:
14Menuhwah cheähbenoojewesewung, chequaquakebuhgezoosewung kuhya cheähyezheweenegoosewung kuhkenuh kuhgequawine noodin debe wandahnemudoogwan, oonje ewh ookuhkuhyanezewinewah egewh enenewug kuhya oowuhyazhingawinewaun, oonje ewh kahzoowaud chewuhyazhingawaud;
15Ewh dabwawin debahdooduhmung emuh sahgeëdewining chenetuhwugeyung emuh Ooweyowing owh ooshtequaunemah ahyahwid emuh kuhkenuh uhyeëeng, me suh owh Christ:
16Mesuh owh wanje‐nahbahkesechegahdag kuhya mushkahwesechegahdag ewh Weyoowemah oonje enuhnookeemahguk kuhkenuh enewh pukkawezewinun tebenuhwa oodahnookeewinewah, cheöonje‐mahjegemahguk weyowemah emuh sahgeëdewining.
17Oo‐oo suh nindekid kuhya nindenahjim oonje owh Tabaningad, noongoom uhpena cheëzhewabezesewag nahsaub azhewabezewaud egewh ahnind mayuggezejig emuh kakebahdudenig enewh oodenanduhmoowinewaun.
18Bahnahdudenig oonesittootumoowinewah, kuhya ahyaunsigwah ewh bemahdezewin Kesha‐Muhnedoo mahgewad apeech kekanjegasigwah kuhya apeech kuhkepeengwawaud emuh oodaëwaung:
19Apeech kahmushkahwedaäwaud kepuggedenedezoowug emuh pezhigwahdezewining, ahpeche chemekinduhmoowaud kuhkenuh weenezewin.
20Kahween kenuhwah oo‐oo kegeëzhekekenooäh-mahgooseem oodenahdezewin owh Christ;
21Kishpin kagate kahnoonduhwagwan, kuhya kahkekenooahmoonagwan, debishkoo azheähyaug dabwawin emuh Jesusing:
22Chepoonetooyag, anandahgwukebun kuhyet kedezhewabezewinewah ewh kata enenewewin, ewh nashwahnahduk nahsaub azhewabuk natuh‐wuhyazhingamahgukkin mujje‐enanduhmooweshun;
23Kuhya cheäunjeëgooyag emuh kedenanduhmoowinewaung;
24Chepesekuhmag dush ewh ooshke enenewewin, kahoozhechegahdag nahsaub azhewabezid Kesha‐Muhnedoo emuh menoo‐ezhewabezewining kuhya emuh quuhyuk‐wahdezewining.
25Benuh dush wabenuhmook kuhkenuhwishkewin, kuhkenuh anduhsheyag ganoonindeyagoon dabwayook: mamashquaud muh ketebanindim.
26Nishkahdezeyook, kagoo kuhya mujje‐ezhewabeze-kagoon: Kagoo owh kezheke‐keezis tahpungeshemoose magwah nishkahdezeyag:
27Kagoo ween puggedenedezookagoon cheshahgoojeenag owh mujje‐muhnedoo.
28Owh dush kahkeemoodid kahween menuhwah tahkeemoodese; ahwahshema atuh tahahnooke, enewh ooneenjeen cheähyood, gagoo wanesheshing chemeenahpun enewh katemahgezenejin.
29Kagoo mujje‐kezhwawin tahoonjesinsenoon emuh kedoonewaung, cheöondezewaud atuh egewh bazindungig, chemeenindwah ewh shahwanjegawin.
30Kagoo dush nishkeähkagoon Ookeche‐Oojechaugwun Kesha‐Muhnedoo, owh kakenoowahjeënag peenish egoo shahwandahgoozewine kezheguk.
31Wabenuhmook kuhkenuh ahquahdezewin, kuhya nishkahdezewin, kuhya nishkahje‐kezhwawin, kuhya oombegezewin, kuhya mujje‐kekedoowin, kuhya kuhkenuh sheenganindewin:
32Kuhya muhmenoo‐doodahdeyook, nookedaäyook ahbwayanindeyook, debishkoo Kesha‐Muhnedoo kahezheahbwayanemenag oonje Christ.
Currently Selected:
EPHESIANUN 4: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
