EPHESIANUN 3
3
1Mesuh oo‐oo, neen Paul kabahquahegahzooyaun oonje Jesus Christ, oonje kenuhwah mayuggezeyag.
2Kishpin kenoonduhmoowagwan ewh Kesha‐Muhnedoo ooshahwanjegawin kahmeenegooyaun kenuhwah cheoondezeyag:
3Emuh mezheshuh‐wahbunduhewawining ningeëzhekekanduhmooïk ewh kahmooduk kekanjegawin; kuhyet kahezhebeëgayaunbaun emuh punge ekedoowining,
4Kenuhwah dush aginduhmagoon chenesittootummag azhekekanduhmaun ewh ookeemoodezewin Christ.
5Kuhyet kahkekanduhmooähsewindwah egewh enenewug, noongoom dush azhekekanduhmooïndwah enewh ookechetwah Apostleëmun kuhya oodaunwahjega‐wenenemun Keche‐Oojechauoong;
6Egewh dush mahyuggezejig cheweeje‐debandahsoowaud, kuhya chepazhikwunenig weyowemah, kuhya mahmahwe cheöodahpenuhmoowaud oowahweendahmahgawin emuh Christing oonje ewh minwahjemoowin:
7Oo‐oo chebuhmeetuhmaun kahoonje‐ahnoonegooyaun menik kahmeezhid Kesha‐Muhnedoo ooshahwanjegawine‐weedookahgawin, apeechewemahgudenig oomushkahwezewin.
8Maunduh shahwanjegawin ningemeenegoo, neen egoo mahyahmahwe noondaush ahpeetandahgoozid manoo‐ahnuhmeäud, chedebahjemootuhwugwah egewh mahyuggezejig enewh tuhyakekanjegahdasenoogin oowahnuhdezewinun Christ;
9Kuhya chewahbunduhugwah kuhkenuh bamahdezejig azhewabuk ewh kekanjegawin uhpena mahyahje‐uhkeewung kahkahjegahdamahguk emuh Kesha‐Muhnedoong, owh kahahnoonaud enewh Christ Jesusun cheöozhetoonid kuhkenuh uhyeëen;
10Egewh kezhegoong duhzhe wagemahwejig kuhya mashkahwezejig cheöonje‐kekanduhmoowaud emuh ahnuhmeähwining ookeche‐nebwahkahwin Kesha‐Muhnedoo,
11Ewh suh kahezhekahgega‐enahkoonegad emuh Christ Jesusing Tabanemenung:
12Owh suh wanje‐soonganemooyung kuhya wanje‐peendegunegooyung emuh swaungung ahpanemoowining dabwayanemung owh.
13Ewh suh nenunduhwandum chekushkanduhsewag oonje nindahnemezewin kenuhwah wanje‐ahnemezeyaun, mesuh kenuhwah kewahwezhanduhmoowinewaun.
14Me oo‐oo wanje‐oojecheengwuhnetuhwug oosun owh Tabanemenung Jesus Christ,
15Ween wanje‐weenzoonid kuhkenuh oonejahnesun oomah uhkeeng kuhya ewede Keche‐kezhegoong ayahnejin,
16Chepuggedenuhmoonag, debishkoo azhemeshenudenig oopezhegandahgoozewin peenjenuh chemushkahwezeegooyag Keche‐Ooojechaugwun oonje;
17Christ cheduhnezid emuh kedaëwaung oonje dabwayanduhmoowin; kenuhwah dush soongekahbahweyag kuhya uhyeenjeëgooyag emuh sahgeëdewining,
18Chenesittootumag mahmahwe kuhkenuh wawane anuhmeähjig anegookoodayahnig, kuhya aquahnig, kuhya aquinduhmahnig, kuhya apeetahnig;
19Kuhya chekekanduhmag oosahgeëwawin Christ ewh suh tuhyakekandahgwussenook, cheöonje‐mooshkenashkah gooyag kuhkenuh oomooshkenashkahgoowin Kesha‐Muhnedoo.
20Umba suh dush wah‐owh kashkeäwezid chedoodoonung keche‐nebewah ahwahshema azhenunduhwanduhmung kuhya azhenahnahgahdahwanduhmung azheähyaug ewh mushkahwezewin anookeemahguk emuh peenjenuh keyowenaung.
21Me suh owh kakeche‐pezhegandahgooïnd emuh oomahwunjeëdewinewaung egewh anuhmeähjig oonje Christ Jesus nuhmunj menik kaähneka‐bemahdezewahgwan egewh bamahdezejig emuh uhkeeng wekah kawuhyaquahsenoog. Amen.
Currently Selected:
EPHESIANUN 3: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
