EPHESIANUN 2
2
1Kegeähbejebahegoowah dush kuhya kenuhwah nabooyagoobun emuh bahtahzewining kuhya emuh mujje‐ezhewabezewining;
2Kuhyet kahezhebemoosayag, debishkoo azhewabuk oomah uhkeeng, debishkoo azhewabezid owh wagemahkundung ewh kushkeäwezewin emuh mezhah‐kezhegoong atag, owh muhnedoo noongoom anookeed peenjenuh emuh Ooweyowening enewh kagaunzuhtuhmenejin.
3Mahmahwe kuhya kenuhwind kuhyet kegeëzhewabezeminahbun emuh azhemujje‐nunduhwanduhmoomahguk keweyausenaun, debishkoosetooyungoobun enewh weyausewine nunduhwanduhmoowinun, kuhya kedenanduhmoowinenahnin; andahgwuk dush kenuhwind tebenuhwa kedenahdezewinenahnin, kegeöonejahnesemegoonaun ewh nishkahdezewin, debishkoo goo pakaunezejig.
4Kesha‐Muhnedoo dush, owh wuhyahnuhdezid emuh shahwanjegawining, apeech kekeche‐sahgeënung.
5Uhpe nebooyungoobun emuh mujje‐ezhewabezewining, kegeähbejebahegoomin mahmahwe owh Christ, (ewh shahwanjegawin kedoonje‐bemahjeëgoom;
6Kuhya kegeöombenegoomin mahmahwe, kuhya mahmahwe kegenuhmuhduhbeëgoomin emuh kezhegoong duhzhe duhnuhkeewining oonje Christ Jesus:
7Chewahbundahaud enewh kaähneka‐bemahdezenejin azhebahtuhyeënudenig ooshahwanjegawin azheshahwanemenung oonje owh Christ Jesus.
8Shahwanjegawin muh kedoonje‐bemahjeëgoom oonje ewh dabwayanduhmoowin; kah dush kenuhwah tebenuhwa kedoondenuhmahdezooseem ewh, kemeenegoowah suh owh Kesha‐Muhnedoo:
9Kahween emuh ahnookeewining oonjeemahgussenoon, koonemah ahweyah tahgeöonje‐muhmequahzoo.
10Kenuhwind muh keduhwemin ewh oodahnookeewin, keöozheënung emuh Christ Jesusing cheöonje‐menoo‐ezhewabezeyung, kuhyet kahenahkoonegagoobunan Kesha‐Muhnedoo chebemoosayung emuh.
11Benuh dush, mequanduhmook, kenuhwah kuhyet kemahyuggezeyag emuh weyausemaung, kakenoowahje‐kish kezhegahzoosigoog kahezheweenenagwah egewh kakenoowahje‐kishkezhegahzoojig emuh ooweyowewaung, ooneenjemaung ahyoong.
12Ewh uhpe kahween kegeähyahwahsewah Christ, kah dush kegedebandahgoozeseem emuh Israëling, kah dush kegekekanduhsenahwah enewh wahweendahmahgawine-kekindewinun, keähyaunsewag ahpanemoowin, kuhya keähyahwahsewag Kesha‐Muhnedoo oomah uhkeeng:
13Noongoom dush oonje Christ Jesus kenuhwah kuhyet wahsah kahahyahyagoobun, pashoo kepeenegoom oonje ewh oomisqueem Christ.
14Mesuh owh ahyahwid kepezaunanemegoowinenaun, kahpazhigootood nuhyazh, kuhya kahnesahkoobetood ewh wahkahegun nesuhwuhyeëe kahkebishkahgooyungoobun;
15Keüngootood ewh sheenganindewin emuh ooweyausing, me suh ewh kuhgequawine tebahkoonegawin; ween cheöonje‐pazhegoonid nuhyazh cheäunje‐enenewenid dush, me suh kähezheöozhetood pezaunanindewin.
16Nuhyazh dush chepoonanemegoowaud enewh Kesha‐Muhnedoon emuh pazhik weyowemaung oonje ewh ahzhedayahtik, me ewh kahoonje‐netood ewh sheenganindewin:
17Kuhya kepeëzhah, kedebahjemootuhmoonenag ewh pezaunewawin kenuhwah wahsuh kahahyahyag, kuhya enewh pashoo kahahyahnejin.
18Mesuh ween wanje‐puggedenuhmahgooyung chenaunzekahwung owh Wayoosemind oonje owh puhyazhegood Keche‐Oojechaug.
19Kah suh dush kayahbe kemahyuggezeseem, kah kuhya pukkaun kedezheweenzooseem, keweejekewaëmahwaug suh ween egewh quuhyuk‐anuhmeähjig, kuhya kedebandahgoozeem emuh oowegewauming Kesha‐Muhnedoo;
20Kuhya keminjemooshemegoom emuh oominjemoosechegawinewaung egewh Apostleüg kuhya aunwahjega‐wenenewug, Jesus Christ dush ween tebenuhwa ahyahwid kache‐negaunandahgoozid natumahbikesing ahsin;
21Ween wanje quuhyukoosechegahdag kuhkenuh mahmahwe ooshegawin gaguhpe dush kezhechegahda pazhegwudenig oodahnuhmeä‐weguhmigoom owh Tabaningad cheähwung:
22Ween nahsaub wanje‐minjemooshemegooyag debishkoo oowegewaumun Kesha‐Muhnedoo oonje owh Keche‐Oojechaug.
Currently Selected:
EPHESIANUN 2: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
