EPHESIANUN 1
1
1Paul, oodapostleëmun owh Jesus Christ oonje oodenanduhmoowin Kesha‐Muhnedoo, oomahjebeühmah waun enewh anuhmeähnejin emuh Ephesusing ayahnejin, kuhya enewh duhyabwayanemahnejin enewh Christ Jesusun:
2Mahnoo kegahahyahnahwah shahwanjegawin, kuhya pezaunewawin, oonje Kesha‐Muhnedoo Koosenaun kuhya Tabaningad Jesus Christ.
3Tahmahmooyahwahmah Kesha‐Muhnedoo oosun owh Tabanemenung Jesus Christ, owh kahshahwanemenung kuhkenuh wajechaugwandahgwukkin shahwandahgoozewinun ewede kezhegoong anduhgoogin emuh Christing:
4Debishkookahezhewahwanahbuhmenung emuh Christing chepwah mahje‐oozhetoong ewh uhkee chemenoo‐ezhewabezeyung kuhya ningood wuhsittahwandahgoozesewung emuh anahsuhmid emuh sahgeëwawining:
5Kezhah kegewuhwanahbuhmegoonaun cheöonje‐oonejahnesemenung, oonje Jesus Christ debishkoo ween kahminwandung emuh oodenanduhmoowining.
6Cheöonje‐keche‐pezhegandahwudenig ewh ooshahwanjegawin, kahoonje‐ezheënung cheminwandahgoozeyung oonje owh kache‐sahgeïnd.
7Mesuh owh wanje‐bemahjeëgooyung oonje oomisqueem, chewabenuhmahgooyung kemujje‐ezhewabezewinenahnin, debishkoo azhewahnuhdezemahgudenig ooshahwanjegawin;
8Me ewh wanje‐keche‐wahnuhdezid kenuhwind enuhkuhkayah, emuh kuhkenuh nebwahkahwining kuhya kekandahsoowining;
9Kekanduhmoonenung ewh kahkemoodudenig oodenanduhmoowin debishkoo ween tebenuhwa kahezheminwandung:
10Uhpe dush tabishkoosanig pazhigwunoong oodahmahwundoosetoonun kuhkenuh uhyeëen emuh Christing, enewh kezhegoong ayaugin, kuhya enewh uhkeeng ayaugin; emuh suh Christing:
11Mesuh owh wanje‐meenegooyung ewh dabandahsoowin kuhyet kekuhgegenegooyung debishkoo ween kahenanduhmoogoobunan emuh tebenuhwa oodenanduhmoowining: wah‐owh moonzhug anuhnookeed debishkoo anandahgwudenig tebenuhwa oodenanduhmoowin.
12Ewh suh nenuhwind netum kahahpanemooyaung Christ cheöonje‐pezhegandahgoozid Kesha‐Muhnedoo.
13Me suh owh kuhya kenuhwah kahahpanemooyag, uhpe kahnoonduhmag ewh dabwawine‐ekedoowin, ewh minwahjemoowin wanje‐bemahjeëgooyag: me suh owh uhpe kahdabwayanduhmag, kahoonje‐ahtahmahgooyag ewh ahkookuhwussegun mesuh owh pahnezid Oojechaug kahwahweendahmahgooyagoobun,
14Me suh ewh tuhnuhsug kezhah tebahahmahgoowin cheöonje‐puggukanduhmung wedebandahsooyung nahnauzh petuhgwishenoomahguk ewh kahkishpenuhtahmahgooyung, cheöonje‐wahwezhanjegahdanig oopeshegandahgoozewin.
15Kuhya neen, kahahkoo‐noonduhmaun anandahgwuk kedabwayanduhmoowinewah azhedabwayanemag owh Tabaningad Jesus, kuhya kesahgeëwawinewah azhesahgeägwah kuhkenuh egewh anuhmeähjig.
16Kahween nepoonetahse mahmooyahwayaun kenuhwah oonje, guhnooduhmoonenuhgoog uhpe anuhmeähyaunin:
17Owh waKesha‐Muhnedoomegood enewh Tabanemenung Jesus Christun, owh Wayoosemegood ewh pezhegandahgoozewin, chemeenenag owh nebwahkahwine kuhya wahbundahewawine Oojechaugoomah cheöonje‐puggukkanemag:
18Chewahsayahmahguk enewh kenesittootumoowine-ooshkinzhegoomahwaun: cheöonje‐kekanduhmag anandahgwuk azheähpanemooyag oonundoongawin, kuhya azhewahnuhdezemahguk ewh pazhegandahgwuk debandahsoowaud egewh anuhmeähjig,
19Kuhya azhekechetwahwandahgwudenig oomushkahwezewin, kenuhwind anuhkuhkayah duhyabwayanduhmung, debishkoo anuhnookeemahgudenig ookeche‐mushkahwezewin,
20Ewh kahenuhnookeed emuh Christing, uhpe keähbejebahaud oonje neboong, keähsaud emuh tebenuhwa ookechenikaung ewede keche‐kezhegoong.
21Ahwahshema cheïshpandahgoozenid dush ween kuhkenuh oogemahwandahgoozewinun, kuhya kushkeäwezewin kuhya mushkahwezewin kuhya oogemahwewin kuhya kuhkenuh enewh oonoozoowinun wuhyahweenjegahdagin kahween atuh oomah uhkeeng, kuhya dush goo emuh kapetuhgwishenoomahguk uhkeeng;
22Oogeähtuhwaun dush kuhkenuh enewh uhyeëen emuh ahnahmesit, oogepuggednuhmahwaun chemahmahwe‐negaunandahgoozenid emuh anuhmeähwining,
23Me suh ewh ooweyow ahyahwung, oomooshkenawin owh mwaushkenuhtood kuhkenuh uhyeëen emuh ooweyowining enewh kuhkenuh bamahdezenejin.
Currently Selected:
EPHESIANUN 1: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
