COLOSSIANUN 4
4
1Oogemahwedoog, meenik kebuhmeetahgunewaug ewh wanesheshing kuhya quuhyukwuk; kekanduhmag kuhya kenuhwah ahyahwag kedoogemahmewah ewede keche‐kezhegoong.
2Aunwahjeyook ewh ahnuhmeähyag, kuhya ahkahwahbeyook emuh mahmahwe chemahmooyahwayag;
3Bakish dush anuhmeätuhmahweshig Kesha‐Muhnedoo chenesahkoonuhmahweyungid ewh kekedoowine ishquaundam, chedebahdooduhmaun Christ ookeche‐kekandahsoowin, mesuh wanje‐minjemahpenegahzooyaun:
4Cheöonje‐mezheshuhwissittooyaun, ewh kaëzhekekedooyaunbaun cheëzhekekedooyaun.
5Emuh nebwahkahwining ezhebemoosayoog emuh anahsuhme‐ahyahwaud egewh ahgwahjeeng ahyahjig, nayaub kishpinetooyag enewh kezhegudoon.
6Mahnoo kekahkekedoowinewah tahmenoo‐ezhewabud, tahnuhsug egoo shewetahgunegahdag, chekekanduhmag ewh kanuhquatuhwagwah kuhkenuh kagwajemenagoog.
7Kuhkenuh nindezhewabezewin kegahweenduhmaug Tychicus, suhyahgeïnd wejekewaëmah, kuhya ahyaungwahmezid makuhdawekoonuhya kuhya owh wahdookahwid buhmeetahwug owh Tabaningad.
8Owh kahezhenahzhahahmoonuhgoog oonje oo‐oo uhyeëe chekekanemenag azhewabezeyag, kuhya chemenoo-daäënag;
9Kuhya Onesimus, ahyaungwahmezid kuhya suhyahgeïnd wejekewaëmah, dabandahgoozid kenuhwah anduhzhe‐ahyahyag. Kuhkenuh kegahweenduhmahgoowaug enewh uhyeëen azhechegahdagin oomah.
10Aristarchus neeje‐kebahquahegahzood kedahnemekaugoowah, kuhya Marcus, wenemooshaün owh Barnabas, (owh kahduhzhemind kuhgaundwawin keöodissegooyag: kishpin penaunzekoonag oodahpenik;)
11Kuhya Jesus Justus azhenekahzood, egewh dabandahgoozejig emuh kekenoowahje‐kishkezhegahzoowining. Me suh egewh atuh wahdookahwejig emuh oodoogemahwewining Kesha‐Muhnedoo, kuhya kahmenoodaäëjig.
12Epaphras kejekewaëwah, wabuhmeetahgunemegood enewh Christun kedahnemikaugoowah, anegook anuhmeätuhmoonag chenebahweyag, quuhyukwandahgoozeyag kuhya guhnuhwanduhmag oodenanduhmoowin Kesha‐Muhnedoo.
13Nindebahjemah suh owh kagate keche‐sahgeënag, kuhya keche‐sahgeäud enewh ayahnejin emuh Laodiceäïng, kuhya enewh ayahnejin emuh Hierapolising.
14Kedahnemikahgoowaug Lucas suhyahgeïnd mushkeke‐wenene kuhya Demas.
15Ahnemekahwik egewh wejekewaëmaug emuh Laödiceäïng ayahjig, kuhya Nymphas kuhya egewh anuhmeähjig andahjig emuh oowegewauming.
16Uhpe keïshquah‐ahginjegahdag maunduh mahjebeegun anduhzhe‐ahyahyag, ahnookeeg cheähginjegahdag emuh oodahnuhmeä‐weguhmigoowaung egewh Laodiceänug; kuhya kenuhwah cheähginduhmag ewh mahjebeëgun kahoonjeemahguk ewede Laödiceäïng.
17Kuhya oo‐oo enik Archippus, Guhnuhwandun ewh kuhgequawin kahpuggedenuhmook owh Tabaningad chetebedooduhmun.
18Neen Paul kedahnemikoonenim tebenuhwa neneenj ahyooyaun. Mequanduhmook neminjemahpenegahzoowin. Mahnoo shahwanjegawin kegahweejewegoonahwah. Amen.
Currently Selected:
COLOSSIANUN 4: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
