THESSALONIANUN 1
1
1Paul, kuhya Silvanus, kunya Timotheus, oomahjebeühmahwahwaun enewh Thessalonianun anuhmeähnejin ayahnejin emuh Kesha‐Muhnedoong Wayoosemind, kuhya emuh Jesus Christing Tabaningad. Ahpakish ahyahmag shahwanjegawin, kuhya pezaunewawin, oonje Kesha‐Muhnedoo Koosenaun, kuhya Tabaningad Jesus Christ.
2Nemahmooyahwahmahnaun Kesha‐Muhnedoo kahgenig kenuhwah kuhkenuh oonje, moonzhug wahweenegooyag uhpe anuhmeähyaungoon;
3Wekah poonetoosewaung mequanduhmaung kedabwayanduhmoowine anookeewinewah, kuhya kesahgeëwawine ahnookeewinewah, kuhya azheäunwahjeyag ahpanemooyag Tabanemenung Jesus Christ, emuh anahsuhmuhbid Kesha‐Muhnedoo kuhya Koosenaun.
4Kekanduhmaung, nejekewaëdoog suhyahgeëgooyag kewuhwanahbuhmenag Kesha‐Muhnedoo.
5Ewh muh minwahjemoowin kahdebahdooduhmaung kahween atuh emuh ekedoowining kegeëzhepuggummish-kahgoosenahwah, emuh suh ween mushkahwezewining, kuhya emuh Keche‐Oojechaugoong, kuhya emuh keche-dabwayanduhmoowining; azhekekanduhmag kahezhewabezeyaung magwah keweejewegooyag kenuhwah oonje.
6Kegenoopenuhzhemin, kuhya owh Tabaningad, keezheöodahpenuhmag ewh ekedoowin emuh nebewah kooduggetoowining, emuh oomoojegezewining Kache‐Peenezid Oojechaug:
7Me dush kahoonje‐kekenoowahbuhmenagwah kuhkenuh egewh duhyabwayandungig emuh Macedoniäïng kuhya Achaiaïng.
8Kenuhwah suh anduhzhe ahyahyag keöonzetahgwud ewh oodekedoowin owh Tabaningad, kahween atuh emuh Macedoniaïng kuhya Achaiaïng, mezewa suh kekanjegahda kedabwayanduhmoowinewah azhedabwayanemag Kesha‐Muhnedoo; kah dush nenuhwind nenundahwandahgoozesemin gagoo cheëkedooyaung duhzhinduhmaung ewh.
9Wenuhwah mahween oowahweendahnahwah nindezhewabezewinenaun kahezhepeendegayaung emuh anduhzhe ahyahyag, kuhya kahezhequakekahbahwetuhwag Kesha‐Muhnedoo kewabenagwah egewh muzzeneneeg, chebuhmeetuhwag owh bamahdezid kuhya duhyabwad Kesha‐Muhnedoo;
10Kuhya chepeeäg oogwissun keche‐kezhegoong kaoonjeed, enewh kahahbejebahahjin, me suh Jesus, kahbemahjeënung cheöodissegoosewung ewh nishkahdezewin kapetuhgwishenoomahguk.
Currently Selected:
THESSALONIANUN 1: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
