COLOSSIANUN 2
2
1Nindenandum chekekekanduhmag menik keche-kootugganduhmaun oonje kenuhwah, kuhya egewh emuh Laodoceäïng anduhnuhkeejig, kuhya kuhkenuh menik muhshe wuhyahbuhmesigoog emuh weyausemaung.
2Chemenoodaäïndwah, keche‐weedookoodahdewaud emuh sahgeëdewining, kuhya chewahweenga‐kekanduhmoowaud kuhya chenesittootumoowaud azhewahnuhdudenig ewh mamuhkauj ookekandahsoowin owh Kesha‐Muhnedoo Wayoosemind, kuhya Christ;
3Me emuh anduhzhe‐kahjegahdag kuhkenuh enewh kachetwahwandahgwukkin nebwahkahwinun kuhya kekandahsoowinun.
4Oo‐oo nindoonje‐ekid, ahweyah chewuhyazhemesenoowag enewh wuhyazhinga‐ekedoowinun.
5Ahnuhween goo wahsuh ahyahyaun emuh neyausing, keweejewinim emuh ninjechaugoong, moojegezeyaun wahbunduhmaun kemenoo‐weedookahdahdewinewah kuhya azhesoongesing ewh kedabwayanduhmoowinewah, azhedabwayanemag owh Christ.
6Kahezhe‐oodahpenag dush owh Christ Jesus Tabaningad, mesuh kaëzhewabezeyag emuh oodezhewabezewining:
7Cheöojeebikahweyag kuhya chesoongekahbahweegooyag emuh ooweyowing, kuhya chemushkahwanduhmooëgooyag emuh dabwayanduhmoowining, kahezhekekenooähmahgooyag chemesheenuk kedabwayanduhmoowinewah emuh mahmooyahwawining.
8Ahyaungwahmezeyook ahweyah chewuhyazhemesenoowag ewh nebwahkahwin kuhya wuhyazhingawin ningood anahbuttussenook, debishkoo enandahgwudenig ookuhgequawinewah egewh enenewug, kuhya oomah uhkeeng duhzhe ooshke‐kekenooähmahdewinun, kahween dush ookekenooähmahgawin Christ.
9Emuh muh ooweyowing duhgoomahgud mooshkenanig kuhkenuh Kesha‐Muhnedoo‐wandahgoozewin.
10Kuhya kenuhwah kemahmahwe‐shahwandahgoozeem, oonje duhnezeyag emuh weyowing owh wagemahkundung kuhkenuh oogemahwewinun kuhya kushkeäwezewinun:
11Me suh wah‐owh kahoonje‐kekenoowahje‐kishkezhegahzooyag ewh kishkezhegahzoowin ooneenjemaung kahoonje‐oozhechegahdasenook, chekesekuhmag ewh maje‐ezhewabuk weyausemah oonje Christ ookekenoowahje‐kishkezhegahzoowin:
12Kepuggedanemegooyag mahmahwe owh Christ emuh Baptizooëwawining, me suh emuh kahoonje‐weej‐ahbejebahmag oonje dabwayanduhmag oodahnookeewin owh Kesha‐Muhnedoo, kahahbejebahaud enewh oonje neboong.
13Kenuhwah dush, kenebooyagoobun emuh kemujje‐ezhewabezewinewaung kuhya azhekekenoowahje‐kishkezhegahzoosewagoobun emuh keweyausewaung, ahzhuh kegeëzheähbejebahegoowah debishkoo kahezheähbejebahaud enewh, wahweenga kewabenuhmoonag kuhkenuh mujje‐ezhewabezewinun:
14Kuhseebeühmoonung ewh tebahkoonegawine oozhebeëgawin kahtebahkoonegooyungoobun, kahekoonung, kesuhsuhgahquahung emuh oodahzhedayahtigoong;
15Kuhya kemuhkummaud enewh wagemahwandahgoozenejin kuhya mashkahwezenejin enewh oodushwewinene, oogemezheshuh‐wahbundahewanun, kemahmauzheäud emuh oodahzhedayahtikoong.
16Kagoo ahweyah kegahoonje‐tebahkoonegoosewah ewh wesenewin, gamuh menequawin, gamuh oonje ewh wekoondewine‐kezhegud, gamuh oonje washke‐ahgoojing tebike‐keezis, gamuh oonje aunwabe‐kezhegud:
17Kekenoowahjechegunun ahwunoon oonoo chekekenoowahjechegahdag wahpetuhgwishenoomahgukkin uhyeëen; ewh dush weyowemah mesuh owh Christ.
18Kagoo ahweyah kegahmukkummegoosewah ewh kepoonegahjegunewah ewh tebenuhwa dahbussanemookahzood, kuhya anuhmeätuhwaud enewh angenun, ketwa nunduhwahbundung enewh uhyeëen kahwahbunduhsegoon, ahneshah kechetwahwanemood oonje ewh weyause‐oodenanduhmoowin,
19Kah dush oominjemenunse ewh Ooshtequaunemah, owh wanje‐ahyahnekahweging kuhkenuh weyowemah oonje enewh ahyahnekoogunun kuhya oojeetudun mahmahwe pechegahdag kuhya netuhwuggechegahdag mahjegemahguk emuh oomahjegeëwawining Kesha‐Muhnedoo.
20Enushka kishpin weeje‐neboomag owh Christ chewabenuhmag oomah uhkeeng duhzhe kekenooähmahdewin, ahneeshwin, debishkoo bemahdezing oomah uhkeeng, ezhenuhittuhmag oonoo ezhetwahwinun,
21(Kagoo taungenunkan; kagoo taungundunkan; kagoo tuhkoonunkan;)
22Oonoo kuhkenuh kabahnahdukkin uhpe ayoongin; debishkoo azhekuhgequawaud kuhya azhekekenooähmahgawaud enenewug?
23Me emuh anduhgoomahguk ewh nebwahkahkahzoowin, kuhya ahnuhmeäkahzoowin, kuhya ahgahsanemookahzoowin, ewh bahbahmanduhsigwah weyowemah, kah dush ningood enandahgwussenoon chenuhanduhmetoongebun ewh weyausemah.
Currently Selected:
COLOSSIANUN 2: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
