COLOSSIANUN 1
1
1Paul, oodahpostleëmun owh Jesus Christ oonje ewh oodenanduhmoowin owh Kesha‐Muhnedoo, kuhya Timotheus kejekewaënaun.
2Oomahjebeähmahwahwaun enewh anuhmeähnejin kuhya ahyaungwahmezenejin wejekewaëmaun emuh Christing ayahnejin emuh Colosseïng: Mahnoo kegahahyahnahwah shahwandahgoozewin, kuhya pezaunewawin oonje owh Kesha‐Muhnedoo Koosenaun kuhya Tabanemenung Jesus Christ.
3Nemahmooyahwahmahnaun Kesha‐Muhnedoo kuhya enewh oosun Tabanemenung Jesus Christ, moonzhug ahnuhmeätuhmahgooyag.
4Akoo‐noonduhmaung anandahgwuk kedabwayanduhmoowinewah azhedabwayanemag Christ Jesus, kuhya kesahgeëwawinewah azhesahgeägwah kuhkenuh egewh anuhmeähjig.
5Oonje ewh ahpanemoowin kahahtuhmahgooyag ewede keche‐kezhegoong, kuhyet kahezhenoonduhmag ewh tuhyabwamahguk ekedoowin emuh minwahjemoowining;
6Ewh kahoodissegooyag debishkoo azheähyahmahguk mezewa oomah uhkeeng; kuhya netuhwuggetoomahguk ewh meenewinun, debishkoo azhenetuhwuggetoomahguk emuh keyowewaung, uhpe ewh kezheguk mahyahje-noonduhmag, kuhya mahyahje‐kekanduhmag ewh ooshahwanjegagawin owh Kesha‐Muhnedoo emuh dabwawining:
7Kahezhekekenooähmoonag owh Epaphras suhyahge-ungid neeje‐buhmeetahgunenaun, owh ahyahwid kedaungwahmeze‐kuhgequa‐wenenemewah oonje owh Christ;
8Me suh owh kahwahweenduhmahweyungid ewh kesahgeëdewinewah emuh Keche‐Oojechaugoong.
9Me suh oo‐oo oonje kuhya nenuhwind, uhpe ewh kezheguk kahnoonduhmaung nahnauzh egoo noongoom, kahween nepoonetahsemin ahnuhmeätuhmahgooyag kuhya nuhduhwanduhmaung chemooshkenashkahgooyag ewh kekandahsoowin azhekekanjegahdag oodenanduhmoowin emuh kuhkenuh nebwahkahwining kuhya oojechaugoowine nesittootuhmoowining;
10Quuhyuk cheëzhebemoosayag emuh kuhkenuh minwanduhmoowining kaëzhebemoosawahpun egewh bameetahwahjig enewh Tabaninganejin, meekoogetooyag kuhkenuh menoo‐ahnookeewinun, ashkum dush kekanemag owh Kesha‐Muhnedoo;
11Chemushkahwezeëgooyag kuhkenuh mushkahwezewin, debishkoo azhepeshigandahgwudenig oomushkahwezewin, cheöonje‐keche‐shuhshebanduhmooyag kuhya chesoongummunduhmooyag chemoojegezeyag;
12Chemahmooyahwahmag Wayoosemind owh kahezheënung chetaähpeetandahgoozeyung chemahdahoonegooyung ewh ootebenuhwawezewinewah egewh quuhyuk‐anuhmeähjig emuh wahsayahzewining;
13Owh kahpuggedenenung kedebandahgoozeyungoobun emuh azhemushkahwezemahguk ewh puhsuhgish‐tebekud, kuhya kahezheäunjeënung emuh oodoogemahwewinening enewh suhyahgeähjin Oogwissun:
14Me suh wah‐owh kahkishpinenung oonje oomisqueeming, chewabenuhmahgooyung kemuije‐ezhewabezewinenahnin:
15Me suh owh ahyahwid oodezhenahgoozewin owh wuhyahbuhmenahgoozesig Kesha‐Muhnedoo, owh netum kahahyaud chepwah ahyahwaud kuhkenuh menik kahoozheïndjig:
16Me mah owh kahoozhetood ahnooj gagoo ewede keche‐kezhegoong ayaugin kuhya oomah uhkeeng ayaugin, wahyahbuhmenahgwukkin kuhya enewh wuhyahbuhmenahgwussenoogin, enewh oogemah‐wuhbewinun, gamuh oogemahwinun, gamuh oogemaunsewewinun, gamuh mushkahwezewinun, oogeöozhetoonun ahnooj gagoo uhyeëen, kuhya ween keöonje‐oozhechegahdanoon:
17Ween suh negahneze dush ween kuhkenuh enewh uhyeëen, kuhya ween oonje‐duhgoomahgudoon kuhkenuh uhyeëen.
18Kuhya ween ahwe ewh ooshtequaunemah emuh weyowemaung, me suh ewh ahnuhmeähwin: me suh owh wanjesing ahnooj gagoo, mesuh kuhya owh kahnetum‐neegid menik anduhshewaud egewh kahneboojig, emuh kuhkenuh uhyeëeng cheneegaun‐andahgoozid.
19Keminwandum suh owh Wayoosemind, kuhkenuh ewh mooshkenawin cheduhgoomahguddenig emuh ooweyowening enewh;
20Kuhya ween cheöonje‐poonanemaud kuhkenuh bamahdezenejin kahoozhetood ewh pezaunanindewin oonje ahzhedayahtikoo oomisqueemening; ween oonje, nindekid, kishpin uhkeeng duhzhe bemahdezewahgwan gamuh keche‐kezhegoong.
21Kenuhwah dush kuhyet kahmahyuggezeyagoobun kuhya kahsheenganjegayagoobun oonje mujje‐ahnookeewinun, noongoom kegeminwandahgoozeëgoowah.
22Oonje weyausemahwine weyowing emuh ooneboowining, cheähsigooyag peenezeyag kuhya kuhnuhga mujje‐enanemegoosewag kuhya kuhnuhga cheäunwanemegoosewag emuh anahsuhmuhbid owh:
23Kishpin minjemanduhmag ewh dabwayanduhmoowin soongekahbahweyag, kuhya mushkahwegeyag kuhya quakeëgoosewag ewh oonje ahpanemooyag minwahjemoowin kahnoonduhmag, kuhya kahdebahjemootuhwindwah kuhkenuh kahoozheïndjig oomah uhkeeng ayahjig; me suh ewh bameetuhmaun neen Paul;
24Neen noongoom mwahjegezeyaun oonje kooduggetooyaun kenuhwah oonje, nemooshkenuhtoonun dush menik kahnoondasanig ookooduggetoowinun owh Christ emuh neweyausing oonje ween ooweyow, me suh ewh ahnuhmeähwin:
25Mesuh ewh kahoonje‐ahnoonegooyaun chebuhmeetuhmaun, debishkoo anahkoonegamahgudenig oodenahkoonegawin Kesha‐Muhnedoo kahmeenegooyaun kenuhwah oonje, chedebishkoosetooyaun oodekedoowin Kesha‐Muhnedoo;
26Ewh mamuhkauj‐kekanjegawin kahkahduhmoowindwah egewh kuhyet kahahneka‐bemahdezejig, zhuhyegwah dush wahbundahahwun enewh anuhmeätuhgoojin:
27Me suh enewh wahwahbundahahjin Kesha‐Muhnedoo azhekeche‐peshegandahgwuk maunduh mamuhkauj kekanjegawin emuh anduhzhe ahyahyaud egewh mayuggezejig, ewh kekishkahwag Christ wanje‐ahpanemooyag ewh peshegandahgoozewin:
28Me suh owh pabahdebahjemungid, kezhah guhnoonungidwah kuhya kekenooähmahwungidwah kuhkenuh enenewug ahnooj gagoo nebwahkahwin; cheöonje‐ezheüngidwah kuhkenuh egewh enenewug ahpeche‐quuhyuk‐azhewabezewaud emuh Christ Jesusing:
29Me suh kuhya neen wanje‐ahnookeeyaun, weekoojetooyaun apeecheewemahgudenig oodahnookeewin, anuhnookeed peenjenuh neyowing emuh mushkahwezewining.
Currently Selected:
COLOSSIANUN 1: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
