II. CORINTHIANUN 9
9
1Ewh dush wahmeenindwahpun egewh anuhmeähjig, kahween nunduhwandahgussenoon chemahjebeühmoonenuhgoog:
2Kekekanemenim suh azhekezheetahyag emuh kedenanduhmoowinewaung, me wanje‐menoo‐duzzhemenenuhgoog anahsuhmewaud egewh Macedoniaïng anduhnuhkeejig, oo‐oo ekedooyaun, Noongoom ningoo‐pepoonahgud akoo‐kezheetahmahguk Achaia; kenuhwah dush keminwawezewinewah keöonje‐oombeähwug keche nebewah.
3Pooch edush nemahjenahzhahwaug egewh wejekewaemaug, cheöonje‐bahnahjechegahdasenook nemenoo‐duhzhingawinenaun kahmenoo‐duhzhemenenuhgoog oo‐oo oonje; kagate chekezheetahyag, debishkoo kahekedooyaun:
4Koonemah suh kishpin pemeweejewewaud egewh Macedoniaïng duhzhe enenewug, wahbuhmikwah dush kezheetahsewag, nenuhwind (kahween nindekedoosemin, kenuhwah) nindahgeähgujjemin maunduh kekeche‐muhmequahzooyaung.
5Mesuh kahoonje‐enanduhmaun cheënugwah egewh wejekewaëmaug, chenegaunewaud ahweöodissenenagwah kezhah chemahwundoosetoowaud kemeegewawinewah, mesuh ewh kuhyet kahwahweenduhmahgooyag, chewahwazhesechegahdag debishkoo mahmooyahwawine meegewawin, kahween kuhya emuh suhsahgezewining.
6Oo‐oo dush nindekid, Owh punge apuggejegad punge atuh tahsuggukkenega; kuhya owh nebewah apuggejegad nebewah dush tahsuggukkenega.
7Anduhshid enene debishkoo enandung emuh oodaïng mesuh menik kameegewad; kahween emuh suhsahgezewining, gamuh minwanduhsigwah: Kesha‐Muhnedoo muh oominwanemaun enewh manwanduhmenejin meegewawin.
8Kuhya ween Kesha‐Muhnedoo enandahgooze chepuggedenuhmoonenag nebewah shahwandahgoozewin; kenuhwah, ahyahmag menik katabesag ahnooj gagoo, chewahnuhdezeyag emuh kuhkenuh menoo‐ahnookewining:
9(Debishkoo azhebeëgahdag, Kesuhswa‐wabenega; oogemeenaun enewh katemahgezenejin: ooquuhyuk‐ezhewabezewin kahgenig tahduhgoomahgudene.
10Mahnoo owh mahnaud enewh kateganejin ewh menekaun kegahmeenegoowah buhquazhegun cheweseneyag, kuhya oogahnetuhwegetoon ewh kahsuhswawabenuhmag menekaun kuhya oogahmeshenetoon kaëzhemenewung ewh kequuhyuk‐ezhewabezewinewah;
11Kewahnuhdezeëgooyag cheöonje‐keche‐keshawahdezeyag, ewh nenuhwind wanje‐mahmooyahwahmungid Kesha‐Muhnedoo.
12Maunduh meegewawin mahkinduhmaung kahween atuh enahbuttussenoon cheähyahmoowaud egewh anuhmeahjig enewh uhyeëen manazewaud, kuhya keche‐enahbuttud chepeshegandahgooïnd owh Kesha‐Muhnedoo nebewah mahmooyahwawinun;
13Magwah kekanduhmoowaud maunduh shahwanjegawin oonje‐pezhegandahgooähwaud Kesha‐Muhnedoon kenuhwah wahweenduhmag kenuhittuhmoowinewah emuh oominwahjemoowining owh Christ, kuhya wawane azhemuhmeenagwah kuhya kuhkenuh bamahdezejig;
14Kuhya weguhnooduhmoonenagwah ahnuhmeätahwahwaud enewh Kesha‐Muhnedoon, apeech sahgeënagwah oonje ooshahwanjegawin owh Kesha‐Muhnedoo kakishkuhmag.
15Tahmahmooyahwahmah owh Kesha‐Muhnedoo, oonje oomeegewawin tuhyawahweenjegahdasenook.
Currently Selected:
II. CORINTHIANUN 9: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
