II. CORINTHIANUN 10
10
1Benuh dush neen Paul tebenuhwa kepahgoosanemenenim oonje oobakahdezewining kuhya oonookah-dezewining owh Christ, neen katemahgahbuhmenahgoozeyaun uhpe abeeyaunin anduhzhe ahyahyag, noongoom ahbesewaun nekeche nechewiz guhnoonenuhgoog:
2Kepahgoosanemcnim dush, chenechewezesewaun uhpe abeeyaun emuh anduhzhe‐ahyahyag ewh nechewezewin, ananduhmaun chenecheügwah ahnind uhyenanemejig debishkoo azhebemoosayaungoobun anandahgwuk ewh weyahsemah.
3Ahnahween goo bemoosayaung emuh weyahsemaung, kahween nindezhemegahzoosemin debishkoo azhemegahzoomahguk ewh weyahsemah:
4(Enewh mahween ushwewinun ayooyaung emuh nemegahzoowinenaung kahween weyahsewine ushwewinun ahwunsenoon, mushkahwezemahgudoon suh oonje owh Kesha‐Muhnedoo chenesebejegahdag swaungesingin wahkahegunun;)
5Cheneswabenegahdag enewh ahgoonwatahdewinun, kuhya kuhkenuh ashpahmahgukkin, wanje kebishkahnig ookekandahsoowin owh Kesha‐Muhnedoo, chetuhkoonegahdag dush kuhkenuh enewh nahnahgahdahwanduhmoowinun chetebandahgwuk emuh oonuhittahgoowining owh Christ;
6Kuhya takezheetahyaung cheähzhittah‐kooduggetooyaung ahnooj kuhgaunzetuhmoowin, bahmah kekezhechegahdag kenuhittuhmoowinewah.
7Kedezheguhnuhwahbundahnahwah enewh uhyeëen debishkoo ahgwahjuhyeëeng azhenahgwuk? Kishpin ahweyah enanindezood ewh buhmeetuhwaud enewh Christun, mahnoo menuhwah oo‐oo tahenandum emuh oodaïng, debishkoo ween azhebuhmeetuhwaud enewh Christun, mesuh nahsaub kuhya nenuhwind azhebuhmeetuhwungid owh Christ.
8Ahnahween goo nahwuj nebewah muhmequahduhmaunbaun ewh ninkushkeäwezewinenaun, kahmeezheyungid owh Tabaningad cheöondezeyag, kahween cheöonje-bahnahjeëgooyag, kahween nindahgeähgujjese:
9Cheënanemegoosewaun debishkoo wesageminenuhgoog emuh mahjebeëguning.
10Oomahjebeëgunun suh, ekedoowug, koosegwunoon kuhya mushkahwezemahgudoon; uhpe dush ween egoo abeejin shahgwewe, kuhya kah ningood enandahgwussenene oodekedoowin.
11Oo‐oo tahenandum wah‐owh, debishkoo azheähyahmahguk nindekedoowinenaun emuh mahjebeëguning uhpe abesewaungoon, me suh kaëzheähyahmahguk nindezhechegawinenaun uhpe abeyaungoon.
12Kah muh nekushketoosemin nahsaub azhewabezewaud egewh mamequahnedezoojig cheëzhewabezeyaung gamuh chetuhquahkoonedezooyaung mahmahwe egewh: wenuhwah muh tebahedezoowaud mahmahwe tebenuhwa ooweyowewaun, kuhya anuhgindezoojig debishkoo mamashquaud anuhgindewaud, kahween nebwahkahsewug.
13Kahween nenuhwind ningahmuhmequahnedezoosemin, oonje enewh uhyeëen ahwahshema anduhgoogin aquahbeguk netebahegunenaun debishkoo suh tebaheguning kahmeezheyungid owh Kesha‐Muhnedoo, ewh tebahegun tuhyaühquahbeguk peenish egoo kenuhwah.
14Kahween ahwahshema nindezhahsemin ewh aquahbeguk netebahegunenaun, debishkoo taähquahbegussenoogebun netebahegunenaun peenish egoo kenuhwah: ningetuhgwishenoomin gooshah peenish ahyahyag kenuhwah pahbahdebahdooduhmaung oominwahjemoowin owh Christ:
15Kahween nemuhmeqwahnedezoosemin oonje enewh uhyeëen ahwahshema anduhgoogin aquahbeguk netebahegunenaun, me suh pakahnezejig oodahnookeewinewah; ahpanemooyaung, uhpe ewh kedabwayanduhmoowinewah nahwuj bahtuhyeënuk, chekeche‐ahpeetandahgooëgooyaung kenuhwah oonje, debishkoo aquahbeguk netebahegunenaun,
16Chedebahdooduhmaung ewh minwahjemoowin emuh duhnuhkeewining ahwus ewede ahyahyag, kah dush ningahmuhmequahnedezoosemin oonje pakahnezid enene ootebahegun kahwahwazhetuhmahgooyaung.
17Owh dush kamuhmequahzood, mahnoo tahmuhmequahzoo oonje owh Tabaningad.
18Kah muh owh manwahjindezood minwandahgoozese, owh atuh manwanemegood enewh Tabaninganejin.
Currently Selected:
II. CORINTHIANUN 10: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
