II. CORINTHIANUN 8
8
1Menuhwah dush, wejekewaëmahdoog, keweenduhmoonenim ewh ooshahwanjegawin owh Kesha‐Muhnedoo kahmeenindwah egewh dabandahgoozejig emuh ahnuhmeähwining ewede Macedoniaïng;
2Ahnuhween goo kekeche‐ahnemezewaud keähnookemahgudenig oowahwezhanduhmoowinewah kuhya ookeche‐ketemahgezewinewah chemesheenudenig ookesha‐wahdezewinewah.
3Menik kekushketoowaud, nindahyahjemaug, kuhya ahwahshema menik wenuhwah tebenuhwa keënanduhmoog;
4Ahpeche nunduhwanemeyungidwah, cheöodahpenuhmaung ewh meegewawin kuhya cheweedookahzooyaung weshahwanemindwah egewh anuhmeähjig.
5Me dush oo‐oo keëzhechegawaud, kahween atuh kahahpanemooyaung, netum dush oogemeenahwaun tebenuhwa weyowewaun enewh Tabaninganejin, kuhya nenuhwind ningemeenegoomin oonje oodenanduhmoowining owh Kesha‐Muhnedoo.
6Me suh kahoonje‐enungid owh Titus, debishkoo kahezhemahjetaud, mesuh kaëzhekezheetung ewh nahsaub shahwanjegawin emuh anduhzhe ahyahyag.
7Azhewahnuhdezeyag dush emuh kuhkenuh uhyeëeng, emuh dabwayanduhmoowining, kuhya kekedoowining, kuhya kekandahsoowining, kuhya emuh kuhkenuh minwawezewining, kuhya sahgeëwawining azhesahgeëyag, aungwahmezeyook chewahnuhdezeyag kuhya emuh maunduh shahwanjegawining.
8Kahween emuh kuhgequawining nindezhekekedoose, keminwawezewaudatuh ahnind, chekekandahgwuk kesahgeëwawinewah dabwamahguk.
9Kekekandahnahwah muh ooshahwanjegawin owh Tabanemenung Jesus Christ, ahnoo goo kewahnuhdezid, kenuhwah keöonje‐ketemahgezeïnd, ween ooketemahgezewining kenuhwah cheöonje‐wahnuhdezeëgooyag.
10Oo‐oo dush uhyeëeng keweenduhmoonenim ananduhmaun: kenundahwandahgoozeem, kuhyet kahmahje-tahyag, chepwah ahnind kemahjetahwaud, kahween atuh cheëzhechegayag, kuhya cheënanduhmag noongoom ningoo‐pepoonahguk.
11Noongoom dush kezheetahyook: debishkoo suh kazhetena keënanduhmag, noongoom dush, cheëzhechegayag oonje menik tebenuhwawezeyag.
12Kishpin mahween netum duhgoomahguk enanduhmoowin, oodahpenegahda debishkoo azhetebenuhwawezid enene, kahween debishkoo azhetebenuhwawezesig.
13Kah muh nindenanduhse pakahnezejig chemeegewasigwah kenuhwah dush nebewah chemeegewayag:
14Ewh atuh debishkoo chemuhmeenindeyag, noongoom kenuhwah azhewahnuhdezeyag cheöonje‐meenagwah egewh manazejig, uhpe dush manazeyagoon kenuhwah cheöonje‐meenenagwah azhewahnuhdezewaud: debishkoo chemuhmeenindeyag:
15Debishkoo azhebeëgahdag, Owh kahmahwundoosetood nebewah kahween gagoo keïshkoonuhmahwahse; owh dush kahmahwundoosetood punge kahween gagoo oogemuhnazeseen.
16Tahmahmooyahwahmah owh Kesha‐Muhnedoo, kahahtuhmahwaud emuh oodaëning enewh Titusun ewh nahsaub keche enanduhmoowin kenuhwah oonje.
17Oogebezindaun dush ewh kuhgaundwawin; ween dush goo tebenuhwa ahwahshema keënandung kegeähwe-oodissegoowah.
18Ningemahjenauzhahwahnaun owh wejekewaëmah manoo‐duhzhemind oonje ewh minwahjemoowin tebe atagwan ewh ahnuhmeähwin;
19Kahween oo‐oo atuh, kuhya kahwuhwanahbuhmegood enewh tabandahgoozenejin emuh ahnuhmeähwining cheweejewungid pamewetooyaung maunduh shahwanjegawin, nenuhwind anookeetuhmaung cheöonje‐peshegandahgwuk kekezheetahwine enanduhmoowin;
20Oo‐oo wemaushkahmaung kuhnuhga ahweyah chemujje‐enanemoosenoowungid oonje ewh buhyahteënuk meegewawin ganuhwanduhmaung:
21Kezhah nahnahgahdahwanduhmaung enewh uhyeëen wanishishingin, kahween atuh anahsuhmid owh Tabaningad, emuh suh goo kuhya anahsuhmewaud egewh enenewug.
22Ningeëzhenahzhahwahnaun owh kejekewaënaun, cheweejewegoowaud ahyahpe kahkekanemungid minwawezid emuh nebewah ahnookeewining, noongoom dush nahwuj minwawezid apeech keche‐apanemoonenuhgoog.
23Kishpin ahweyah kuhgwadwad azheähyahnegwan Titusun, neneezhookuhmaug suh kuhya neweedookaug anooketuhmoonenuhgoog kenuhwah: kishpin dush nejekewaënahnig oonje‐kuhgwadwad ahweyah, oodahpostlewaun egewh anuhmeähjig, kuhya oopezhegandahgoozewin owh Christ ahwewug.
24Me dush kaöonje‐wahbundahägwah, kuhya anahsuhmenid kuhkenuh anuhmeähnejin, ewh kaöonjekekandahgwuk kesahgeëwawinewah, kuhya dabwamahguk ewh kahmenoo‐duzzhemegooyag.
Currently Selected:
II. CORINTHIANUN 8: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
