II. CORINTHIANUN 7
7
1Ahyahmung dush oonoo wahweendahmahgawinun, kache sahgeënenuhgoog, umba peneëdezoodah oonje kuhkenuh weenezewin emuh weyahsemaung kuhya emuh oojechaugoomaung, kezheetooyaung ewh menoo‐ezhewabezewin oonje koosung owh Kesha‐Muhnedoo.
2Oodahpeneshenaum; kahween ningemujje‐doodahwahsenaun ahweyah, kahween ningebahnahjeähsenaun ahweyah, kahween ningewuhyazhemahsenaun ahweyah.
3Kahween nindoonje‐ekedoose oo‐oo chebahtahmenuhgoog: debishkoo muh ahzhuh keëkedooyaun, kedahyaum emuh nindaënaung cheweeje‐neboomegooyag kuhya cheweeje‐bemahdezemegooyag.
4Keche wawane nekekid guhnoonenuhgoog, nekeche-wahwezhanim kenuhwah oonje, nemooshkenashkahgoon ewh menoodaäwin, nekeche‐pahpenandum pooch emuh kuhkenuh nekooduggandummoowinenaung.
5Uhpe muh ketuhgwishenaung emuh Macedoniaïng, kah kuhnuhga keäunwabemahgussenoon neweyausenaun, mezewa suh ningeöonje‐megooshkahjeëgoomin; ahgwahjuhyeëe megahzoowinun keduhgoomahgudoon, peenjenuh dush sagezewinun.
6Pooch edush Kesha‐Muhnedoo, owh manoodaääud enewh kashkanduhmenejin, ningemenoodaäëgoonaun oonje ewh kepetuhgwishing owh Titus;
7Kahween atuh kepetuhgwishing, ewh kuhya menoodaäshkahgoowin kahezhemenoodaäïnd kenuhwah oonje, uhpe keweenduhmooweyungid kekeche‐nunduhwanduhmoo-winewah, kekesahdanduhmoowinewah, azhekeche‐sahgeëyag; ahwahshema dush ningeöonahnegwandum.
8Ahnahween goo kekushkandumeënenuhgoog oonje ewh mahjebeëgun, kahween nindaunwanindezoose, ahnahween goo keäunwanindezooyaunbaun; nekekandaun muh ewh mahjebeëgun kekushkandummeëgooyag, ahnahween goo wanebik atuh.
9Benuh dush neminwandum, kahween ewh kekushkandummeëgooyag nindoonje‐minwanduhse, mesuh goo atuh keëzhekushkanduhmag emuh aunwanindezoowining; ewh keëzhekushkanduhmeëgooyag azheminwandung Kesha‐Muhnedoo, kuhnuhga gagoo chemujje‐doodahgoosewag.
10Ewh muh kesahdanduhmoowin manwandung owh Kesha‐Muhnedoo ahnookeemahgud emuh aunwanindezoowining cheöonje‐bemahjeëgoong kah dush tahoonje‐aunwanindezooseem: ewh dush uhkeewine‐kesahdanduhmoowin ahnookeemahgud cheneboong.
11Benuh dush, oo‐oo kahezhekesahdanduhmag azheminwandung owh Kesha‐Muhnedoo, keähnookeemahgud cheäungwahmezeyag, chekuhnooduhmahdezooyag, chenishkaningayag, chesagezeyag, chekeche‐nunduhwanduhmag gagoo, cheminwawezeyag, chekootuggeëwayag! Kuhkenuh oonoo uhyeëen kegeöonje‐kekandahgoozeem cheweedookahzoosewag emuh oo‐oo mujje‐ezhewabezewining.
12Anoo dush goo, kemahjebeühmoonenuhgoog, kahween owh kahmujje‐doodahgad ningeöonje‐mahjebeëgase, kah kuhya oonje owh kahmujje‐doodahwind, cheöonje‐kekanemeyag atuh azhemenoo‐guhnuhwanemegooyag anahsuhmid owh Kesha‐Muhnedoo.
13Mesuh wanje‐menoodaäshkahgooyaung ewh kemenoodaäëgoowinewah: keche ahwahshema dush ningebahpenandahmin oonje oobahpenanduhmoowin owh Titus, ewh kemenoodaääg kenuhwah kuhkenuh emuh oojechaugoong.
14Kishpin kuhnuhga kemuhmequahnenuhgoog kanoonuggin, kahween nindoonje‐ahgujjese; debishkoo ahnooj gagoo kahenenuhgoog emuh dabwawining keëzhekekedooyaung, mesuh nemuhmequahzoowinenaun kahezhe‐muhmequahzooyaun anahsuhmid owh Titus kekekandahgwuk chedabwamahguk.
15Ahwahshema dush kekeche‐sahgeëgoowah peenjenuh, apeech mequandung kenuhittuhmoowinewah kenuhwah kuhkenuh, emuh sagezewining kuhya emuh nuhningishkahwining keëzheöodahpenag.
16Nindoonahnegwandum dush ewh ahpanemoonenuhgoog ahnooj gagoo.
Currently Selected:
II. CORINTHIANUN 7: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
