II. CORINTHIANUN 6
6
1Nenuhwind dush, weeje‐ahnookeetuhwungid owh Kesha‐Muhnedoo, kedahyaungwahmegoom ahneshah cheöodahpenunsewag ewh ooshahwanjegawin owh Kesha‐Muhnedoo.
2(Oo‐oo muh ekedoo, Kegebezindoon ewh uhpe kahenandahgwuk cheöodahpenegooyunbun, kuhya bemahjeëwawine kezheguk kegeweedookoon: benuh, noongoom me suh ewh uhpe anandahgwuk cheöodahpenegooyunbun; benuh, noongoom mesuh ewh bemahjeëwawine kezhegud.)
3Kuhnuhga chewuhsittah‐doodunsewaung, chemujje-duhzhinjegahdasenook ewh kuhgequawin:
4Ahnooj uhyeëeng chekekandahgoozeyaung chebuhmeetuhwungid Kesha‐Muhnedoo, emuh nebewah soongummunduhmoowining, emuh wesugganduhmoowining, emuh muhnazewining, emuh ketemahgezewining.
5Emuh puhzhunzhaöogoowining, emuh kebahquahegahzoowining, emuh nishwahnahdahkumegezewining, emuh keche‐ahnookeewining, emuh ahkahwahbewining, emuh keëquishemoowining;
6Oonje peenahdezewining, kuhya oonje kekandahsoowining, oonje zebishkahje‐kedahzoowining, oonje keshawahdezewining, oonje Keche‐Oojechaugoong, oonje wuhyazhingamahgussenook sahgeëwawining.
7Oonje dabwawine‐ekedoowining, oonje oomushkahwezewining owh Kesha‐Muhnedoo, oonje quuhyuk‐ezhewabezewine ushwewining ewh kaähgweëgooyaung nekechenekahnaung kuhya nenuhmunjenekahnaung.
8Oonje kechetwahwandahgoozewining, kuhya emuh dahbussandahgoozewining, oonje mahnahjemoowining kuhya oonje minwahjemoowining: debishkoo natuh‐kuhkenuhwishkejig, ahnoo goo dabwayaung;
9Debishkoo kakandahgoozesigoog, ahnoo puhgukkandahgoozeyaung; debishkoo naboojig, benuh dush, nebemahdezemin; debishkoo suh kootuggeëgooyaung, kah suh dush nenesiggoosemin;
10Kushkanduhmaung, ahnoo goo moonzhug bahpenanduhmaung; debishkoo ketemahgezeyaung, ahnoo goo wahnuhdezeüngidwah nebewah; kuhnuhga tebenuhwawezesewaung, ahnoo goo tebanduhmaung ahnooj gagoo.
11O kenuhwah Corinthing wahdatooyag, nindoonenaun pahkahkoosin guhnoonegooyag, kuhya nindaënaun mechahmahgud.
12Kahween ahgahsinsenoon nenuhwind nindaënaun kenuhwah anuhkuhkayah, kenuhwah atuh kedaëwah ahgahsin.
13Chetebahuhmahweyag oo‐oo (debishkoo nenejahnesug kedezheguhnoonenim,) mahnoo tahmechahmahgud kedaëwah.
14Kagoo weedookahwahkagoon duhyabwayanduhsigoog: wagoonan kaöonje‐weedookoodahdemahguk ewh menoo‐ezhewabezewin kuhya mujje‐ezhewabezewin? ahneen kaëzhemenoo‐weejekewaïndemahguk ewh wahsayahzewin kuhya puhsuhgish‐tebekud?
15Ahneen dush kaëzheweejekewaïndewaud Christ kuhya owh mujje‐muhnedoo? wagoonan dush owh duhyabwayandung kaöonje‐weedookahwaud enewh duhyabwayanduhsenegoon?
16Wagoonan dush kaöonje‐weedookahgamahguk oodahnuhmeä‐weguhmigoom owh Kesha‐Muhnedoo emuh muzzeneneeng? kenuhwah gooshah kedahwim oodahnuhmeä‐weguhmigoom owh Kesha‐Muhnedoo; debishkoo kahekedoogoobunan owh Kesha‐Muhnedoo, Ningahdah emuh ooweyowewaung, kuhya ningahpahbahmoosa emuh ooweyowewaung, kuhya ningahdooKesha‐Muhnedoomemigoog, kuhya ningahoodahnishenahbamemaug.
17Benuh dush, oonje sahguhuhmoog anduhzhe‐ahyahwaud, kuhya nuhguhnik, ekedoo owh Tabaningad, kagoo taungenunkagoon ewh mahyahnahduk; kegahoodahpinenim edush.
18Kegahooyoosemim dush, kuhya kegahoogwisseminim kuhya kegahoodahnesemenim, ekedoo owh Tabaningad mahyahmahwe mushkahwezid.
Currently Selected:
II. CORINTHIANUN 6: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
