II. CORINTHIANUN 5
5
1Nekekandahmin mahween kishpin bahnahjechegahdag oomah uhkeeng abeetuhmaung puhpuhgewuhyaune‐guhmig, nindahyahmin oodoozhegawin owh Keshah‐Muhnedoo, wahkahegun ooneenjemaung kahoozhechegahdasenook, kuhyahgega‐ahyahmahguk ewede keche‐kezhegoong.
2Me suh oo‐oo wanje‐mahmahtwayaung, ahpeche nunduhwanduhmaung chepesekoonegooyaung ewh newahkahegunenaun ewede keche‐kezhegoong wanjeemahguk:
3Kishpin kagate kepesekooneyaung wemekahgoosewaung chepeengweshahgedeyaung.
4Kemahmahdwamin mahween kenuhwind abeetuhmung maunduh puhpuhgewuhyaune‐guhmig keche‐pwahwunayung: kah suh nindenanduhsemin chekesekoonegoo-yaungebun, chepesekoonegooyaungebun atuh, ewh neboowin chegoonjegahdag emuh bemahdezewining.
5Benuh dush owh kahkezheetaheyummingid oonje oo‐oo uhyeëe mesuh Kesha‐Muhnedoo, me suh kuhya owh kahmeezheyummingid enewh Oojechaugwun debishkoo kezhah tebahahmahgoowin.
6Mesuh moonzhug wanje‐soongedaäyaung, kekanduhmaung ewh ahpeech ahbeetuhmaung ewh weyowemah, kahween neweejewahsenaun owh Tabaningad:
7(Dabwayanduhmoowining muh nindoonje‐bemoosamin, kahween dush wahbewining:)
8Nesoongedaämin, nindekid, kuhya nahwuj nindenandahmin cheähbeesewaung emuh weyowemaung cheweejewungid Tabaningad.
9Mesuh wanje‐ahnookeeyaung, kishpin ahbeewaungan gamah ahbeesewaungan, cheminwanemeyungid owh.
10Kuhkenuh muh kegahkekandahgoozemin emuh anahsuhmeähyahnig Christ ootebahkoonewa‐wuhbewining, kuhkenuh bamahdezejig cheöodahpenuhmoowaud enewh ezhechegawinun kahezhechegawaud emuh weyowemaung, kishpin menoo‐ezhewabudenegwan gamuh mujje‐ezhewabudenegwan.
11Kekanduhmaung dush ookoosegoowin owh Tabaningad, newekoojeähnahnig egewh enenewug; nemezheshuh-wuhbuhmenahgoozemin suh emuh anahsuhmuhbid Kesha‐Muhnedoo; kuhya dush nindahpanim mezheshuhwahbuhmenahgoozeyaung emuh kenuhwah kekekanindezoowinewaung.
12Kahween menuhwah nemenoo‐duhzhindezoosemin ganoonenuhgoog, kemeenenim suh kaöonje‐wahwezhanemooyag nenuhwind oonje, gagoo cheähyahmag kanuhquatuhwagwah egewh natuh‐wahwezhanemoojig emuh ezhenahgoozewining, kahween emuh oodaëmaung.
13Kishpin kewuhnahdezewaungan, ween suh Kesha‐Muhnedoo nindoonje‐kewuhnahdezemin: gamuh kishpin nebwahkahwaungan, kenuhwah nindoonje‐nebwahkahmin.
14Nekuhgaunjenahzhahoogoomin muh oosahgeëwawin owh Christ; oo‐oo muh nindenandahmin, kishpin pazhik kenebootuhwaud kuhkenuh, kagate kuhkenuh keneboowug:
15Kenebootuhwaud dush kuhkenuh, egewh bamahdezejig kayahbe chebemahdezetahdezoosigwah, chebemahdezetahwahwaud dush ween kahnebootahgoojin, kuhya kahahbejebahnejin.
16Noongoom dush kah wekah nekekanemahsenaun ahweyah azheähyaug weyahsemah: aahe ahnahween goo kekekanemungid Christ azheähyaug‐weyahsemah, kah kayahbe oo‐oo nenindezhekekanemahsenaun.
17Kishpin mahween ahweyah tebandahgoozid emuh Christing, aunj‐bemahdeze suh goo: kuhkenuh kata uhyeëen ahzhuh keüngwunoon: benuh, kuhkenuh uhyeëen aunj‐uhyeëewunoon.
18Kuhkenuh dush uhyeëen oonjeemahgudoon emuh Kesha‐Muhnedoong, owh kahpoonanemenung oonje owh Jesus Christ, ningemeenegoonaun dush ewh poonanindewine kuhgequawin;
19Mesuh oo‐oo, Kesha‐Muhnedoo kekekishkahgood enewh Christun, chepoonanemindwah egewh akeewejig, kah dush oodahginduhmoowahseen enewh oomujje‐ezhewabezewinene; oogeähtoon dush emuh neneenjenaung ewh poonanindewine ekedoowin.
20Noongoom dush nindoomezhenahwamegoomin owh Christ, tahnuhsug kekeche‐guhnoonegoowah owh Kesha‐Muhnedoo nenuhwind nindoonenaung: kepahgoosanemegoom dush ahneekenootuhwungid owh Christ, chepuggedenedezooyag chepoonanemenag owh Kesha‐Muhnedoo.
21Oogeëzheäun muh mujjeëzhewabezewin cheähwenid kenuhwind oonje, enewh kuhnuhga kahkekanduhsenejin mujje‐ezhewabezewin: kenuhwind cheëzheëgooyung ooquuhyuk‐ezhewabezewin Kesha‐Muhnedoo ween oonje.
Currently Selected:
II. CORINTHIANUN 5: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
