II. CORINTHIANUN 4
4
1Benuh dush ewh ahyahmaung oo‐oo kuhgequawine‐buhmeetahgawin, debishkoo kahezheshahwanemegooyaung, kahween nindahnezhetunsemin;
2Ningewabenahnahnin dush kuhyahchegahdagin kuhgwahnesugge‐uhyeëen, kahween nebemoosasemin emuh kuhkuhyanezewining, kah kuhya emuh wuhyazhingawining nindezhemekinduhsemin Kesha‐Muhnedoo oodekedoowin; ewh suh ween oonje mezheshuhwesetoong ewh dabwawin newahbundahahnahnig ewh nemenoo‐ezhewabezewinenahnin kuhkenuh egewh enenewug cheöonje‐kekanemeyungidwah emuh ookekanindezoowinewaung emuh anahsuhmid Kesha‐Muhnedoo.
3Kishpin muh kahjegahdag ewh neminwahjemoowinenaun, kahdahmahwahwug suh egewh banahdezejig:
4Egewh duhyabwayanduhsigoog kekuhkepeengwa-egoowaud emuh oodenanduhmoowinewaung enewh oomah uhkeeng duhzhe muhnedoon, cheöonje‐wahsashkahgoosigwah ewh Christ oominwahjemoowine‐wahsayahzewin, owh oodezhenahgoozewin Kesha‐Muhnedoo ahyahwid.
5Kah mahween nenuhwind nedebahjindezoosemin, owh suh ween atuh Christ Jesus Tabaningad; kuhya nenuhwind kedoobuhmeetahgunememin oonje owh Jesus.
6Owh mahween Kesha‐Muhnedoo, kahedung ewh wahsayahzewin cheöonje‐wahsayahmahguk emuh puhsuhgish‐tebekudoong, ningewahsashkahgoonaun emuh kedaënaung, ewh chemeenenung waysayahzewine‐kekandahsoowin, chekekanduhmaung ewh oopezhegandahgozewin owh Kesha‐Muhnedoo emuh ooshkinzhegoong Jesus Christ.
7Ninguhnuhwandahmin dush maunduh wahnuhdezewin emuh wahbegune‐oonahguning, ewh keche‐mushkahwezewin cheöonjeemahguk emuh Kesha‐Muhnedoong, kahween nenuhwind.
8Mezewa nindoonje‐megooshkahjeëgoomin, kah dush nindahnemizzeëgoosemin; ahnahwe nenuhneezahnanemoomin, kah dush ahpeche nepahbahnahdanemoosemin;
9Nekootuggeëgoomin, kah dush nenuhguhnegoosemin; neniswabenegoomin, kah dush nebahnahjeëgoosemin;
10Moonzhug pemewetooyaung emuh neyowenaung ewh ooneboowin owh Tabaningad Jesus, cheöonje‐mezheshuhwejegahdag ewh oobemahdezewin owh Jesus emuh neyowenaung.
11Nenuhwind muh bamahdezeyaung moonzhug nepuggedenegoomin emuh neboowining oonje owh Jesus, oobemahdezewin owh Jesus chemezheshuhwejegahdag emuh neyowenaung natuh‐neboomahgukin.
12Me dush ahnookeemahguk ewh neboowin emuh neyowenaung, bemahdezewin dush emuh keyowewaung.
13Nenuhwind kekishkahwungid owh nahsaub dabwayanduhmoowine‐oojechaugoomah, debishkoo azhebeëgahdag, ningedabwayandum, me suh kahoonje‐kekedooyaun; kuhya nenuhwind nindabwayandahmin, me suh wanje‐kekedooyaung;
14Kekanduhmaung ewh owh kahahbejebahaud enewh Tabaninganejin Jesusun kuhya nenuhwind weähbejebah-eyungid oonje Jesus, mahmahwe dush kenuhwah chepeendeguhzheyummingid emuh anahsuhmuhbid.
15Kuhkenuh muh oonoo kenuhwah oonje‐ezhewabudoon, shahwandahgoozewin bahyahtuhyeënuk cheähnookeemahguk, oonje oomahmooyahwawinewah nahwuj nebewah bamahdezejig, emuh oopezhegandahgoozewining Kesha‐Muhnedoo.
16Me suh wanje‐pwahnuhweetoosewaung; ahnahween goo bahnahdezid owh ahgwahjuhyeëe nindenenemenaun, owh dush ween peenjenuh nindenenemenaun aunjeäh anduhsoo kezheguk.
17Ewh muh nuhyaungung nekoodugganduhmoowinenaun, ahjenuh atuh ayahmahguk, nekushketuhmahgoonaun ahwahshema kache‐koosegwung kuhya kuhyahgega‐ahyahmahguk pezhegandahgoozewin;
18Magwah guhnuhwahbunduhsewaung enewh uhyeëen wahyahbuhmenahgwukkin, enewh suh atuh wuhyahbuhmenahgussenoogin uhyeëen: ahjenuh atuh ahyahmahgudoon enewh uhyeëen wuhyahbuhmenahgwukin, enewh dush ween uhyeëen wuhyahbuhmenahgwussenoogin kahgega‐ahyahmahgudoon.
Currently Selected:
II. CORINTHIANUN 4: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
