II. CORINTHIANUN 3
3
1Menuhwah nuh nemahjetahmin weminwahjindezooyaung? gamuh nenundahwandahgoozemin chepemewetooyaung menoo‐duhzhinduhmoowine mahjebeëgunun, debishkoo ahnind pakahnezejig, kenuhwah chemahje-beëgooyagebun, gamuh menoo‐duhzhinduhmoowine‐mahjebeëgunun kenuhwah kamahjebeëgayag?
2Kenuhwah suh kedahwim nemenoo‐duhzhinduhmoowine‐mahjebeëgun wazhebeëgahdag emuh nindaënaung, chekekanduhmoowaud kuhya cheähginduhmoowaud kuhkenuh enenewug?
3Ewh puggukkanduhgoozeyag ahweyag oomahjebeëgun owh Christ nenuhwind kahoozhetooyaung, kahween oozhebeëgun‐ahboong keöonje‐oozhebeëgahdasenoon, Oojechaugwun suh atuh owh bamahdezid Kesha‐Muhnedoo; kahween emuh ahsine‐muzzeneëguning, emuh atuh weyahsewe muzzeneëguning me suh emuh oodaëmaung.
4Me suh azheähpanemooyaung Kesha‐Muhnedoo oonje owh Christ:
5Kahween ahnahwe netakushketoosemin nenuhwind tebenuhwa chenahnahgahdahwandahmaung gagoo; nekushkeäwezewinenaun emuh Kesha‐Muhnedoong oonjeemahgud;
6Me suh owh kahezheyummingid wekushke‐ahnookeetuhmaung oodooshke‐kekindewin; kahween ewh oozhebeëgawin, me suh atuh oojechaugoomah: oozhebeëgawin suh neshewamahgud, oojechaugoomah suh bemahjeëwa.
7Kishpin suh ewh neboowine tebahjemoowin kahoozhebeëgahdag kuhya kahmuzzenahbekahegahdag emuh ahsineeng kepeshegandahgwuk, enewh oonjahnesun owh Israel kekushketoosigwah wawane cheguhnuhwahbunduhmoowaud ooshkinzhegoone enewh Mosesun apeeche kepezhegandahgwudenig; ewh peshegandahgoozewin wahmahjahmahgukebun:
8Kah nuh ween ahwahshema tahpezhegandahgwussenoon ewh oojechaugoomah oodebahjemoowin?
9Kishpin suh ewh nahneboondewine debahjemoowin pezhegandahgwuk, ahwahshema tahpezhegandahgwud ewh minwandahgoozewine debahjemoowin.
10Pooch edush ewh kahpezhegandahgwetoongebun kahween oo‐oo doowah pezhegandahgoozewining keëzhepezhegandahgwussenoon, ewh oonje ahwahshema kahkeche‐ahpeetandahgwuk peshegandahgoozewin.
11Kishpin muh ewh kahbahnahjechegahdag kepezhegandahgwuk, ahwahshema tahpezhegandahgwud ewh kayahbe ayahmahguk.
12Ewh suh oo‐oo menik ahpanemoowin ahyahmaung, nepahgukoowamin kekedooyaung:
13Kahween nindezhechegasemin debishkoo Moses, kahpesekung ahgwingwaöon emuh ooshkinzhegoong, cheoonje‐mechewahbunduhsigwah oonejahnesun owh Israël ewh azhewuhyaquahahyahnig ewh wahbahnahjechegahdag:
14Kekuhkepeengwaähwug emuh oodenanduhmoowinewaung: nahnauzh egoo noongoom‐kezheguk kayahbe duhgoomahgud ewh nahsaub ahgwingwaöon, kah kuhya muhshe ekoonegahdasenoon uhpe aginduhmingin ewh kata-kekindewin; emuh Christing ekoonegahda ewh ahgwingwaöon.
15Pooch edush noongoom‐kezheguk, uhpe aginduhmingin ewh Moses oomuzzeneëgun, kayahbe ahgoodane ewh ahgwingwaöon emuh oodaëwaung.
16Pooch edush uhpe kequaketahwahwaud enewh Tabaninganejin, tahekoonuhnegahdane ewh ahgwingwaöon.
17Benuh, owh Tabaningad ahwe owh Oojechaugoomah: tebe dush abenegwan Oojechaugwun owh Tabaningad me emuh auduhgoomahguk puggedenegahzoowin.
18Kenuhwind dush kuhkenuh agwingwabezoosewung kishkinzhegoonaung mechewahbundahmung debishkoo emuh wahbumoojechaugwuning ewh oopezhegandahgoozewin owh Tabaningad, kedaunjeëgoomin nahsaub cheezhenahgoozeyung ashkum chepezhegandahgoozeyung, oonje enewh oojechaugwun owh Tabaningad.
Currently Selected:
II. CORINTHIANUN 3: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
