II. CORINTHIANUN 2
2
1Oo‐oo muh ningeënandum emuh nindaïng, menuhwah cheëzhenaunzekoosenenuhgoog emuh kushkanduhmoowining.
2Kishpin dush kushkanduhmoonenuhgoog, ahwanan owh manwanduhmeïd, me suh atuh owh kahkushkanduhmeüg?
3Me suh oo‐oo kahmahjebeühmoonenuhgoog, koonemah uhpe oodissenenuhgoog, nindahgekushkandum oonje egewh kageöonje‐moojegezeyaunbaun; oo‐oo ahpanemoonenuhgoog kenuhwah kuhkenuh, neen nemoojegezewining cheöonje‐moojegezeyag kenuhwah kuhkenuh.
4Ewh suh kahezhekesahdanduhmaun kuhya kahezhewesugganduhmoomahguk ninda kegeëzhebeühmoonenim emuh nebewah oosebeengwahemaung; kahween ewh cheoonje‐kesahdanduhmag, ewh atuh chekekanduhmag ewh nesahgeëwawin ahpeche azhesahgeënuhgoog kenuhwah mamwach.
5Kishpin ahweyah kekushkanduhmeëwad, kahween ningekushkanduhmeëgoose, goomah atuh menik: oonzaum chemegooshkahjeësenoonuhgoog kuhkenuh.
6Me suh menoo menik ookooduggeëgoowin owh doowah enene, kahezhekootuggeëgood enewh nahwuj nebewah.
7Nindahwauj kedahahbwayanemahwah, kuhya kedahmenoodaäähwah, koonemah oodahgebahnahjeëgoon oonzaum nebewah kushkanduhmoowin.
8Me dush enenuhgoog cheühyeenjesetoomahwag kesahgeëwawinewah.
9Me suh kuhya kahoonje‐mahjebeühmoonenuhgoog, chepuhgukkanemenenuhgoog, kishpin wahdabwatuhmoowagwan kuhkenuh enewh uhyeëen.
10Owh muh wuhyabenuhmahwag gagoo, kuhya neen newabenuhmahwah: kishpin dush kewabenuhmahgawaunan gagoo, owh kahwabenuhmahwug, kenuhwah kahoonje‐wabenuhmahwug emuh ookushkeäwezewining owh Christ;
11Cheöonje‐shahgoojeësenoowung owh mujje‐muhnedoo: kah suh nindoonanemahsemin azhekuhkuhyanezid.
12Menuhwah dush uhpe kepeëzhahyaun emuh Troasing wedebahdooduhmaun oominwahjemoowin owh Christ, kenesahkoonuhmahwid owh Tabaningad ewh ishquaundam,
13Kahween gagoo aunwabewin ningeähyaunseen emuh ninjechaugoong, ewh oonje kemekahwahsewug owh Titus nejekewa: emuh anduhzhe ahyahwaud ningeöonje‐mahjah keühneëzhahyaun ewede Macedoniaïng.
14Mahnoo tahmahmooyahwahmah owh Kesha‐Muhnedoo, owh moonzhug wanje‐shahgoojeëwayaun emuh Christing, mezheshuhwesetood dush azhemenoomahgwudenig ookekandahsoowin mezewakummig nenuhwind nindahnookewinenaun oonje.
15Nenuhwind muh nindahwemin oomenoomahgoozewin owh Christ oonje owh Kesha‐Muhnedoo anuhkuhkayah egewh bamahjeïndjig, kuhya egewh banahdezejig:
16Anuhkuhkayah egewh banahdezejig nindahwemin neboowine‐menahgoozewin cheöonje‐neboowaud; anuhkuhkayah dush egewh bamahjeïndjig nindahwemin bemahdezewine‐menahgoozewin cheöonje‐bemahdezewaud. Ahwanan dush kashketood oonoo uhyeëen.
17Kah suh nenuhwind nindezhewabezesemin azhewabezewaud nebewah ahnind banahjetoojig oodekedoowin owh Kesha‐Muhnedoo: emuh suh dabwawining oonje owh Kesha‐Muhnedoo, emuh anahsuhmid owh Kesha‐Muhnedoo nedebahdooduhmin oodekedoowin owh Christ.
Currently Selected:
II. CORINTHIANUN 2: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
