II. CORINTHIANUN 1
1
1Paul, oodahpostleëmun owh Jesus Christ oonje oodenanduhmoowining owh Kesha‐Muhnedoo, kuhya Timothy kejekewaënaun, nemahjebeähmahwahnahnig egewh dabandahgoozejig emuh oodahnuhmeähwining owh Kesha‐Muhnedoo ewede Corinthing kuhya kuhkenuh egewh anuhmeähjig emuh anegookookummegaug Achaia ayahjig.
2Mahnoo kegahahyahnahwah shahwanjegawin kuhya pezaunewawin mahgewad owh Kesha‐Muhnedoo koosenaun, kuhya owh Tabaningad Jesus Christ.
3Tahmahmooyahwahmah owh Kesha‐Muhnedoo, mesuh owh wagwissid Tabanemenung Jesus Christun, wandenuhmoonung kuhkenuh shahwandahgoozewinun, kuhya mahyahmahwe‐manoodaäshkahgad Kesha‐Muhnedoo;
4Mesuh owh kahmenoodaäëyummingid emuh kuhkenuh nekushkanduhmoowinenaung, nenuhwind chekushketooyaung wemenoodaäüngidwah kuhkenuh egewh ahyahnemezejig ewh menoodaäshkahgawin kahezhemenoodaaëyummingid owh Kesha‐Muhnedoo.
5Debishkoo muh azhemeshenuk ookootuggetoowinun owh Christ kenuhwind oonje, mesuh asheenuk nemenoodaäshkahgoowinenaun oonje owh Christ.
6Kishpin dush kooduggandumoowaungan, kenuhwah chemenoodaäshkahgooyag kuhya chebemahjeëgooyag nindoonje‐kooduggandahmin, me suh kaëzheähyahyag kishpin debishkoo nenuhwind azhekooduggandahmaung kuhya kenuhwah ezhekooduggandahmag: kishpin dush menoo-daäshkahgoowaungan, kenuhwah chemenoodaäshkahgooyag kuhya chebemahjeëgooyag nindoonje‐menoodaäshkahgoomin.
7Kuhya keche‐soongesin nindahpanemoowinenahnin kenuhwah oonje, kekanduhmaung, ewh debishkoo azhepuggedenuhmahgooyag enewh kootugganduhmoowinun, me suh kaëzhepuggedenuhmahgooyag ewh menoodaäshkahgoowin.
8Kah muh, wejekewaëmahdoog, nindenanduhsemin chekekanduhsewagoobun ewh nindahnemezewinenaun kahezheähnemezeyaung ewede Asiaïng, oonzaum kekeche-koosegwun, kah dush ningekushkoonduhsemin, apeeche keähnemezeyaung, kahween ningahbemahdezesemin ningeënandahmin:
9Peenjenuh ningeähyahmin ewh nahquatuhmoowin chenebooyaung, cheöonje‐ahpanindezoosewaung, cheähpanemooyaung atuh owh Kesha‐Muhnedoo owh ahyahbejebahaud enewh naboonejin:
10Me suh owh kahmeetahgwanuhmooweyungid ewh keche‐neboowin, kayahbe dush nemeetahgwanuhmahgoonaun: me suh owh apanemooyaung kayahbe wemetahgwanuhmooweyungid;
11Kuhya kenuhwah nahdahmahweyaung kuhnooduhmahweyaung, ewh meegewawin kahmeenegooyaung nebewah bamahdezejig oonje, nebewah bamahdezejig chemahmooyahwawaud nenuhwind oonje.
12Mesuh oo‐oo wanje‐moojegezeyaung, ewh tebahjemoomahguk nekekanindezoowinenaun, emuh menoo‐ezhewabezewining kuhya emuh Kesha‐Muhnedoo oodabwawining, kahween emuh weyausewe‐nebwahkahwining, emuh atuh ooshahwanjegawining owh Kesha‐Muhnedoo, keëzhebemahdezeyaung oomah uhkeeng, mamwach edush kenuhwah enuhkayah.
13Kah muh gagoo pakaunukkin kedezhebeühmoosenoonim, me atuh aginduhmag kuhya puggukkanduhmag; nindahpanim dush chepuggukkanduhmag peenish egoo ishquah‐bemahdezeyaun;
14Kuhya dush debishkoo kahezhekekanemeyaung punge, cheähweyaung kemoojegezewinewah, me suh kuhya kenuhwah ahyahweyag nenuhwind nemoojegezewinenaun uhpe ookezhegudoom owh Tabanemenung Jesus.
15Oo‐oo keähpanemooyaun kahoonje‐enanduhmaun netum cheöodissenenuhgoog, kenuhwah cheähyahyagoobun menuhwah pazhik shahwandahgoozewin;
16Cheühneëzhahyaun ewede kedoodanuhwewaung Macedoniaïng peöonje‐biskahbeyaun, chepenaunzekoonenuhgoog, cheöonje‐nuhkoowa‐weejeweyag peëzhahyaun ewede Judeaïng anuhkuhkayah.
17Uhpe dush oo‐oo keënanduhmaun, wuhnishquauch enuh ningequakandum? gamuh ewh enanduhmaunbaun ningeënandum enuh debishkoo azhewabuk weyahsemah, neen cheëkedooyaunbaun aahe, aahe, kuhya kah kah?
18Azhe‐dabwad suh Kesha‐Muhnedoo, nenuhwind nindekedoowinenaun kahenenuhgoog kahween aahe kuhya kah keähwunsenoon.
19Enewh muh Oogwissun Kesha‐Muhnedoo, Jesus Christ, kahdebahjemungid anduhzhe‐ahyahyag neen kuhya Silvanus kuhya Timotheus, kahween aahe kuhya kah keähwese, ween suh aahe kahoonje‐ekedoong.
20Kuhkenuh muh oowahweendahmahgawinun owh Kesha‐Muhnedoo emuh Jesusing ahwunoon aahe, kuhya emuh Jesusing ahwunoon Amen, cheöonje‐peshegandahgooüngid owh Kesha‐Muhnedoo.
21Owh suh kahsoongekahbahweëyungid mahmahwe kuhya kenuhwah emnh Christing, kuhya kahnuhmuhkoonemeyummingid, me suh owh Kesha‐Muhnedoo.
22Mesuh owh kahahkookeewussoonenung, kuhya kahmeenenung enewh Ookeche‐Oojechaugwun debishkoo kezhah tebahahmahgoowin emuh kedaënaung.
23Menuhwah dush, nindezheguhnoonah Kesha‐Muhnedoo chedebahjemaud enewh ninjechaugwun, ewh keshahwanemenenuhgoog menuhwah kahoonje‐ezhahsewaun ewede Corinthing.
24Kahween ahnahwe neweöogemahkundunsemin ewh kedabwayanduhmoowinewah, neweedookahzoomin suh emuh kedoonahnegwanduhmoowinewaung: dabwayanduhmoowin muh kedoonje‐soongekahbahwim.
Currently Selected:
II. CORINTHIANUN 1: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
