I. CORINTHIANUN 16
16
1Ewh dush wahmahwundoosetooyagoobun shooneäh chemeenindwah egewh anuhmeähjig, debishkoo kahenahkoonugwah egewh Galatiaïng dabandahgoozejig ahnuhmeähwining, mesuh kuhya kenuhwah kaëzhechegayag.
2Netum kezheguk kuhkenuh oogahahsunjegoonahwah papunge, menik kahezheshahwanemenag owh Kesha‐Muhnedoo, ewh dush chemahwunjechegaseeng uhpe tuhgwishenaun.
3Uhpe dush tuhgwishenaun, ahwagwanug kawahweenahwagwanug emuh kemahjebeëgunewaung, me suh egewh kaähnoonuggig cheëzheweetoowaud kemeegewawinewah ewede Jerusaleming.
4Kishpin enandahgwuk kuhya neen cheëzhahyaun, ningahuhneweejewegoog.
5Kegahoodissinenim suh dush, uhpe kepemoosahduhmaun ewh Macedonia: kagate suh ningahuhnepemoosahdaun ewh Macedonia.
6Koonemah kuhya ahjenuh ningahduhnez anduhzhe‐ahyahyag, koonemah ningahpepoonish, chenahkoowa‐mezissekahweyag debe kaëzhahwaunan.
7Kahween kegahuhnewahbuhmesenoonim noongoom wahbahbahmahdezeyaun; nindenandum dush wanebik cheduhnezeyaun anduhzhe‐ahyahyag, kishpin enanemid owh Tabaningad.
8Ningahdahyah suh Ephesusing nahnauzh ewh uhpe Pentecost.
9Nenesahkoonahmahgoo ewh keche‐ishquaundam kuhya kache‐enahbudduk, bahtuhyeïnwug dush mahgahzhejig.
10Kishpin dush tuhgwishing owh Timotheus, aungwahmezik cheweejewenag kuhnuhga sagezesig: oomekindaun muh oodahnookeewin owh Tabaningad, debishkoo kuhya neen azhechegayaun.
11Kahween ahweyah oogahneshepahpenoodahwahseen enewh: emuh pezaunezewining mezissekahwik uhpe pahmahjahjin chepenaunzekahwid: nenundahwahbuhmah suh owh kuhya egewh wejekewaëmaug.
12Owh dush kejekewaënaun Apollos, ningekeche‐nunduhwanemah cheöodissenenag mahmahwe egewh wejekewaëmaug: kahween bahpish keënanduhse cheöodissenenag noongoom; kegahoodissegoowah suh uhpe keöojechesanig chekushketood.
13Ahkahwahbeyook, soongekahbahwik emuh dabwayanduhmoowining, eneneeng ezhesoongedaäyook, mushkahwezeyook.
14Emuh sahgeëdewining ezhechegayook kuhkenuh kedezhechegawinewaun.
15Kepahgoosanemenim, nejekewaëdoog, (kekekanemahwaug egewh dabandahgoozejig emuh oowegewauming owh Stephanas, netum kahdabwayandungig ewede Achaiaïng, kepuggedenezoowug dush webuhmeetahwahwaud enewh anuhmeähnejin,)
16Chepuggedenedezooyag webezindahwagwah oogoo doowug, kuhkenuh kuhya egewh wahdookahwejig, kuhya anookeejig.
17Neminwandum kepetuhgwishenoowaud Stephanas kuhya Fortunatus kuhya Achaicus: ewh muh kenuhwah kahnoondasayag kuhkenuh oogepeetoonahwah.
18Oogemenoo‐doodahwahwaun muh enewh ninjechaugwun kuhya kenuhwah kejechaugoowaun: kechetwahwanemik dush oogoo doowug.
19Egewh dabandahgoozejig emuh ahnuhmëahwining Asiaïng anduhnuhkejig keduhnuhmikahgoowaug. Aquila kuhya Priscilla kekeche‐ahnuhmikahgoowaug oonje owh Tabaningad, kuhya egewh anuhmeähjig emuh oowegewaumewaung.
20Kuhkenuh egewh wejekewaëmaug keduhnuhmikahgoowaug. Ahnuhmikoodahdeyook mamashquaud, ewh oojindeyag pahnuk oojindewin.
21Neen suh Paul ninduhnuhmekahgawin, tebenuhwa neninjeeng wazhebeühmaun.
22Kishpin ahweyah sahgeähsig enewh Tabaninganejin Jesus Christun, mahnoo Anathema tahezheähyah. Maranatha.
23Mahnoo ooshahwanjegawin owh Tabanemenung Jesus Christ kegahweejewegoonahwah.
24Nesahgeëwawin keweejewegoonahwah kuhkenuh emuh Christ Jesusing. Amen.
Currently Selected:
I. CORINTHIANUN 16: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
