I. TIMOTHEUSUN 6
6
1Kuhkenuh menik anduhshewaud buhmeetahgunug dabandahgoozejig oogahkechetwahwanemahwaun enewh tebenuhwa oodoogemahmewaun, cheöonje‐mujje‐duhzhinchegahdasenook Kesha‐Muhnedoo oodoonoozoowin kuhya ookekenooähmahgawin.
2Egewh ayahwahjig enewh duhyabwayanduhmenejin oogemaun, kahween oogahdahbussanemahsewaun, oonje wejekewaëmind; ahwahshema dush oogahbuhmeetahwahwaun, oonje ahyaungwahmezewaud kuhya sahgeïndwah egewh wadahpenungig ewh menoo‐doodahgoowin. Oonoo ezhekekenooähmahgan kuhya ezhekuhgequan.
3Kishpin ahweyah pukkaun ezhekenooähmahgad, kuhya bezinduhsig enewh wanesheshingin ekedoowinun, enewh oodekedoowinun Tabanemenung Jesus Christ, kuhya ewh kekenooähmahgoowin emuh ahnuhmeähwining anduhgoomahguk;
4Minwahdanemoo suh owh, ahnahween goo kekanduhsig gagoo, kukkebahdezid wanje‐nunduhkekandung enewh kuhgwadwawinun, kuhya ekedoowine ahgoonwatahdewinun, emuh wanjebahmahguk ewh keshahwanindewin, ahgoonwatahdewin, mujje‐kezhwawinun, mujje‐enanindewinun,
5Ookukkebahje‐ahgoonwatahdewinewaun egewh kakebahdezejig enenewug, kuhnuhga ayausigoog ewh dabwawin, anandungig cheöondenuhmahzoowaud gagoo tebenuhwawezewin emuh ahnuhmeähwining. Nuhguzh oogoo doowug.
6Ewh suh quuhyuk ahnuhmeähwin mahmahwe ewh nuhanduhmoowin, keche oondezewin ahwun.
7Kah muh gagoo kegepeetoosemin oomah uhkeeng, kuhya quuhyukwandahgwud ewh kuhnuhga gagoo chekushketoosewung cheühnemahjetoosewung.
8Ahyahyung meejim kuhya ahgwewinun umba nuhandundah.
9Egewh mahween nanduhwandungig nebewah tebenuhwawezewinun, ezhepungeshinoog emuh kuhgwatebanemegoowining kuhya nuhgwahguning kuhya emuh nebewah kakebahdandahgwukkin mujje‐nunduhwanduhmoowinun, enewh wanje‐ahpuggenindwah enenewug emuh nishewuhnahdezewining kuhya bahnahdezewining.
10Ewh suh oonzaumanemind shooneyah me suh wajeebikahwung kuhkenuh mujje‐ahyeewish: magwah ahnind kenunduhwanemahwaud, keöonje‐pukkawug emuh dabwayanduhmoowining, kuhya kepuhjebuhooëdezoowug enewh nebewah kookuggetoowinun.
11Keen dush ween enene bameetuhwud Kesha‐Muhnedoo, oozhindun oonoo uhyeëen; noopenuhdun dush ewh menoo‐ezhewabezewin, quuhyuk‐ahnuhmeähwin, dabwayanduhmoowin, sahgeëdewin, shuhsheebanduhmoowin, bakahdezewin.
12Ezhemegahzoon ewh dabwayanduhmoowine megahzoowin, apeecheweyun minjimenun ewh kahgega‐bemahdezewin, me suh ewh kahoonje‐nundoomegooyun, kuhya kahoonje‐wahweenduhmun ewh wanesheshing wahweendahmahgawin emuh anahsuhmewaud nebewah wahyahbunjegajig.
13Kedahyaungwahmemin anahsuhmid Kesha‐Muhnedoo, owh wanje‐bemahduk kuhkenuh uhyeëen, kuhya Christ Jesus, kahwahweendung ewh wanesheshing wahweenduhmoowin anahsuhmuhbid Pontius Pilate;
14Cheguhnuhwanduhmun ewh kuhgequawin kuhnuhga ningood cheëzheweenussenook, kuhya kuhnuhga ningood chemujje‐duhzhinchegahdasenook nahnauzh uhpe penahgoozid Tabanemenung Jesus Christ:
15Ewh kawahbunduhewad uhpe kedebishkoosanig anandung owh shawandahgoozid kuhya nazheka‐neegaun-andahgoozid, owh wadoogemahwemegood enewh keche‐oogemaun, kuhya dabanemaud enewh dabaninganejin;
16Owh atuh dabandung kahgega‐bemahdezewin, andaud emuh wahsayahzewining ewh ahweyah kataöodittunsegoobun, wekah kahwahbuhmegoosig ahweyah enenewun, kah dush oogahtawahbuhmegooseen; owh mahyahmahwe‐kechetwahwandahgoozid, kuhya mahyahmahwe‐mushkahwezid kahgenig. Amen.
17Ahyaungwahmim egewh kachetwahwezejig oomah uhkeeng duhzhe kechetwahwezewin, cheïshpanindezoosigwah, kuhya cheähpanemoosigwah ewh netuh‐wuhyazhingamahguk tebenuhwawezewin, cheähpanemoowaud atuh Bamahdezid Kesha‐Muhnedoo owh mahnenung gwaushkuhwud ahnooj gagoo meegewawinun wawane cheähyooyung;
18Chemenoo‐doodahgawaud, chebahtuhyeënuddenig oomenoo‐doodumoowinewaun, chenetuh‐meegewawaud, chekeshawahdezewaud;
19Cheähsunjegoowaud wanesheshing minjemoosechegun ewh kaduhgoomahguk peenish tuhgwishenoomahguk ewh kezhegud, cheminjemenuhmoowaud ewh kahgega‐bemahdezewin.
20O Timotheus, guhnuhwandun ewh kahpuggedenuhmahgooyun cheguhnuhwanduhmun, meewetooyun maje‐ezhewabukkin kuhya ningood anahbuttussenoogin kekedoowinishun, kuhya ahgoonwatahdewinun enewh ahneshah kekandahsoowin azhenekahdagin:
21Enewh ahnind kahmeekindungig keöonje‐pukkawug emuh dabwayanduhmoowining. Shahwandahgoozewin mahnoo kegahahyaun. Amen.
Currently Selected:
I. TIMOTHEUSUN 6: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
