II. TIMOTHEUSUN 1
1
1Paul, oodahpostleëmun Jesus Christ oonje oodenanduhmoowin Kesha‐Muhnedoo, cheöonjewahweenjegahdag ewh bemahdezewine wahweendahmahgawin, ewh ayahmahguk emuh Christ Jesusing.
2Oomahjebeühmahwaun enewh suhyahgeähjin oogwissun Timotheusun: mahnoo kegahahyaun shahwandahgoozewin, ketemahganemegoowin, kuhya pezaun‐bemahdezewin oonje Kesha‐Muhnedoo Wayoosemind kuhya Jesus Christ Tabanemenung.
3Nemegwachewanemah Kesha‐Muhnedoo, owh bameetuhwug oonje egewh neketezemug emuh pahnuk kekanindezoowining, poonetahsewaun mequanemenaun uhpe anuhmeähyaunin tabekukkin kuhya kahzhegukkin;
4Keche‐nunduhwanduhmaun chewahbuhmenaun, mequanduhmaun enewh kesebeengooyun cheöonje‐mooshkenashkahgooyaun ewh moojegezewin;
5Mequanduhmaun ewh ahnuhmeäkahzoomahgussenook dabwayanduhmoowin kakishkuhmun, ewh netum kahkekishkung owh kookoomis Lois, kuhya owh keguh Eunice; kahya nindenandum keen kakishkuhmun.
6Mesuh wanje‐mequanduhmeënaun chechechekinzha-ühmun ewh oomeegewawin owh Kesha‐Muhnedoo, ewh kakishkuhmun oonje kepuggijeneenjetoonaun.
7Kah muh Kesha‐Muhnedoo kegemeenegoosemin enewh sagezewine oojechaugoomaun, ewh atuh mushkahwezewin, kuhya sahgeëdewin, kuhya nabwahkahmahguk enanduhmoowin.
8Kagoo dush ahgujjetunkan oodebahjemoowin owh Tabanemenung, kagoo kuhya ahgujjetuhwishekan neen kabahquahegahzooyaun ween oonje: keen dush weedookahzoon emuh kooduggeëgoowining oonje ewh minwahjemoowin anandahgwudenig oomushkahwezewin Kesha‐Muhnedoo;
9Owh kahbemahjeënung kuhya kahnundoomenenung ewh manooëzhewabuk nundoongawin, kahween oonje kenuhwind kedezhechegawinenahnin, oonje atuh tebenuhwa kezhah keënandung, kuhya oonje oozhahwanjegawin kahezheshahwanemenung emuh Christ Jesusing chepwah mahje‐uhkeewung,
10Noongoom dush mazheshahwejegahdag oonje ewh kenahgoozid Jesus Christ bamahjeënung, kuhya kahbahnahjetood ewh neboowin, kuhya kemezheshahwissittood ewh bemahdezewin kuhya ewh kahgega‐bemahdezewin oonje ewh minwahjemoowin:
11Ewh wanje‐ahnoonegooyaun chepahbahdebahdooduhmaun, kuhya cheähpostleëweyaun, kuhya chekekenooähmahwugwah egewh mayuggezejig.
12Me suh wanje‐kooduggeëgooyaun oonoo kooduggedoowinun: kah suh nindahgujjese: nekekanemah muh owh tuhyabwayanemug, kuhya nequuhyukwandaun ewh chekushketood cheguhnuhwandung ewh kahpuggedenuhmoowug nahnauzh egoo ewh uhpe kekezheguk.
13Mushkahwe‐minjemandun ewh wanesheshing ekedoowin, kahnoonduhmahweyun emuh dabwayanduhmoowining, kuhya sahgeëwawining oonje owh Christ Jesus.
14Ewh wanesheshing uhyeëe kahmeenegooyun guhnuhwandun oonje owh Keche‐Oojechaug owh kakishkuhwung.
15Oo‐oo kekekandaun, kuhkenuh emuh Asiaïng dabandahgoozejig ningenuhguhnigoog; me suh kahezhechegawaud Phygellus kuhya Hermogenes.
16Ahbagish Kesha‐Muhnedoo shahwanemaud enewh dabandahgoozenejin emuh oowegewauming owh Onesiphorus; nuhningim muh ningemenoodaäïk, kah dush oogeahgujjetunsenun netuhkoobezoowinun:
17Uhpe dush emuh Romeïng ayaud ningewahweenga-oondoonaöog kuhya ningemekaug.
18Ahpagish chepuggedenuhmahgood enewh Tabaninganejin chemekung ewh shahwandahgoozewin oonje owh Tabaningad ewh uhpe kekezheguk: menik edush kahshahwanemid emuh Ephesusing, keen kequuhyukwandaun.
Currently Selected:
II. TIMOTHEUSUN 1: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
