I. TIMOTHEUSUN 5
5
1Kagoo nuhneebekemahkan owh katezid, bakah guhnoozh ewh azheguhnoonudebun owh koos; egewh dush nahwuj washkenuhwawejig debishkoo kejekewaëwaug;
2Egewh nahwuj mandemooyaëwejig wageengin ezheguhnoozh, egewh ooshkenegequag debishkoo kedahwamaug, emuh kuhkenuh peenezewining.
3Kechetwahwanim egewh shegaug, egewh kagate shahgahwejig.
4Kishpin ahweyah shegah ahyahwaud enewh oonejahnesun gamuh oozheshaün, mahnoo netum egewh tahmenoo‐doodahgawug emuh andahwaud, oogahahzhittah‐menoo-doodahwahwaun tebenuhwa ooketezemewaun; me suh ewh manwandahgwuk kuhya manwahbuhmenahgwuk emuh anahsuhmuhbid owh Kesha‐Muhnedoo.
5Benuh dush owh kagate shahgahwid, kuhya nazhekawezid, oodahpanemoonun enewh Kesha‐Muhnedoon, kuhya aunwahjee chenetuh‐ahnuhmeäud tabekudenegin kuhya kahzhegudenegin.
6Owh dush equa mahkindung oomah uhkeeng duhzhe oonahnegoozewin neboo magwah bemahdezid.
7Oonoo dush uhyeëen weenduhmow, ningood chemahnahdahjemahsewindwah.
8Kishpin ahweyah oondenuhmahwahsig enewh tebenuhwa oodenuhwamahgunun, mamwach enewh dabandahgoozenejin emuh tebenuhwa oowegewauming, ahzhuh oogeahgoonewataun ewh dabwayanduhmoowin, nahwuj edush kuhgwahnesuggandahgooze owh dush ween duhyabwayanduhsig.
9Mahnoo shegah tahtuhquahkoonah kishpin taningoodwahsoomeduhnah‐duhsoo‐pepoon‐uhgezid, kishpin keweweëgood pazhik atuh enenewun.
10Kishpin minwahjemind oonje enewh menoo‐ahnookeewinun; kishpin kenetahwuggeäud enewh ahbenoojeeün, kishpin keöodahpenaud enewh mahyahdahwezenejin emuh oowegewauming, kishpin kesebegenahmahwahgwan enewh anuhmeähnejin oosittahne, kishpin keshahwanemahgwan enewh quaduggezenejin, kishpin kemekinduhmoogwan kuhkenuh wanesheshingin anookeewinun.
11Egewh dush nahwuj washkenegequawejig shegaug kagoo oodahpenahkan: uhpe muh kemahje‐ahgoonwatahwahwaud enewh Christun oonje oonahnegoozewaud oomah uhkeeng, tahweweedegawug.
12Ahyahmoowaud nahneboomegoowin oonje kewabenuhmoowaud ewh dabwayanduhmoowin netum kahezhedabwayanduhmoowaud.
13Pakish dush kuhya goo ketemishkeähwug, puhpahpeendegawaud emuh pukkaun wegewauming; kahween atuh ketemishkewaud, oonetuh‐debahdoodahnahwah ahnooj gagoo, kuhya oonetuh‐bahbahmandahnahwah pakahnezejin oodahnookeewinene, kekedoowaud kageëzhekeke-doosigwahpun.
14Nindenanemaug suh egewh ooshkenegequag cheweedegawaud, chenegeähwaud enewh ahbenoojeeün, cheguhnuhwanduhmoowaud ewh wegewaum, chedoodunsigwah gagoo kaöonje‐mujje‐duhzhemegoowaud enewh shaunganjeganejin.
15Ahnind muh ahzhuh kepukkawug kenoopen uhnahwaud enewh Satanun.
16Kishpin ahweyah enene gamuh equa duhyabwayandung ahyahwaud enewh shegaun, oogahshahwanemaun enewh, kah dush egewh anuhmeähjig tahoondenuhmahgasewug; cheöonje‐shahwanemahwaud enewh kagate shahgahwenejin.
17Mahnoo egewh katezejig manoo‐oogemahkundahgajig nahwuj tahkechetwahwanemahwug, mamwach egewh anookeetungig ewh ekedoowin kuhya kekenooähmahgawin.
18Oo‐oo muh ekedoomahgud ewh kechetwah‐muzzenuhegun, Kahween kegahkeboodoonapenahse owh pezheke kaähpishkahwaud enewh buhquazhegunushkoon. Kuhya, Owh ahnookeetahga‐wenene enandahgooze chetebahahmahwind.
19Kagoo oodahpenunkan bahtaungawin bahtahmind owh katezid, kishpin atuh ahyahwaud neezh gamuh neswe kadebahjemoojig.
20Nuhneebikim egewh maje‐ezhechegajig anahsuhmewaud kuhkenuh, cheöonje‐sagezewaud egewh pakahnezejig.
21Kedahyaungwahmemin emuh anahsuhmid Kesha‐Muhnedoo kuhya owh Tabaningad Jesus Christ, kuhya egewh kahwuhwanahbuhmindjig angenug, cheguhnuhwanduhmun oonoo uhyeëen, kuhnuhga kezhah tebahkoonegasewun, kah kuhya pekinnoong kegahdoodahwahse ahweyah.
22Kagoo ahweyah enene shasekah puggijjeneenjenoo-tahwahkan, kah kuhya kegahweedookahmahwahseeg pakahnezejig oomujje‐ezhewabezewinewah: guhnuhwanindezoon chepeenezeyun.
23Kagoo kayahbe menequakan pezheshig nebee, ahyoon punge shoowemin‐ahboo, oonje kemesud, kuhya oonje netuh‐ahkooseyun.
24Ahnind enenewug oomujje‐ezhewabezewinewaun kezhah kekandahgwudenewun, negaun ezhahmahgudenig emuh tebahkoonegawining; ahnind dush enenewug oonoopenuhnegoonahwah oomujje‐ezhewabezewinewah.
25Me nahsaub kuhya ahnind oomenoo‐ezhewabezewinewah kezhah kekandahgwudenewun; kuhya enewh pukkaun azhewabukkin kahween tahkahjegahdasenoon.
Currently Selected:
I. TIMOTHEUSUN 5: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
