I. TIMOTHEUSUN 4
4
1Wahweenga dush ekedoo owh Keche‐Oojechaug, nahguj ahnind cheöonje‐pukkawaud emuh dabwayanduhmoowining, webezinduhwahwaud enewh wuhyazhingashkenejin oojechaugoomaun, kuhya mujje‐muhnedoon azhekuhgequanid;
2Kuhkenuhwishkewaud emuh ahnuhmeäkahzoowining; ookekanindezoowinewah kechahgedanig tahnuhsug ewh keshahbeketag pewahbik ahyoong;
3Kenahahmahgawaud cheweeweeng, kuhya ekedoowaud chemeejesing meejim, kahoozhetood Kesha‐Muhnedoo cheëzheöodahpenuhmoowaud emuh mahmooyahwawining egewh duhyabwayandungig kuhya kakandungig ewh dabwawin.
4Kuhkenuh mahween menik kahoozhetood Kesha‐Muhnedoo keche‐oonesheshin, kah dush gagoo tahwabenegahdasenoon, kishpin emuh mahmooyahwawining ezheoodahpenegahdag.
5Peenechegahda suh oonje Kesha‐Muhnedoo oodekedoowin kuhya ahnuhmeähwin.
6Kishpin mequanduhmoonudwah egewh wejekewaëmaug oonoo uhyeëen, kegahmenoo‐buhmeetahwah Jesus Christ, netahwuggeëgooyun emuh dabwayanduhmoowine ekedoowining, kuhya menoo‐kuhgequawining, ewh kahtakushketooyun.
7Ahgoonwatun enewh anuhmeähwandahgwussenoogin kuhkenuhwishke‐debahjemoowinun, mindemooyaüg oodebahjemoowinewah, mekindun atuh enewh uhyeëen emuh ahnuhmeähwining dabandahgwukkin.
8Punge suh atuh enahbuddud weyowemah anuhnookeemahguk; ewh suh atuh quuhyuk‐ahnuhmeähwin ahnooj gagoo enahbuddud, me muh emuh wahweendahmahwindwah egewh anuhmeähjig ewh bemahdezewin noongoom ayahmahguk kuhya ewh katuhgwishenoomahguk.
9Keche‐dabwamahgud suh oo‐oo ekedoowin, kuhya ahpeetandahgwud mezewakummig cheöodahpenegahdag.
10Me suh oo‐oo wanjesunnug‐ahnookeeyung, kuhya wanje‐mujje‐duzzhemegooyung, oonje ahpanemooyung owh bamahdezid Kesha‐Muhnedoo, owh bamahjeäud kuhkenuh enenewun, mamwach edush enewh duhyabwayanduhmenejin.
11Me suh oonoo kaëzhekuhgequayun, kuhya kaëzhekekenooähmahgayun.
12Kahween ahweyah oogahneshebahpenoodunse kedooshkenuhwawewin; ezhewabezin suh keen chekekenoowahbuhmikwah egewh duhyabwayandungig, emuh ekedoowining, emuh ezhetwahwining, emuh sahgeëwawining, emuh oojechaugoomaung, emuh dabwayanduhmoowining, emuh peenezewining.
13Peenish egoo tuhgwishenaun mekindun muzzeneegune‐ahginduhmoowin, kuhgequawin, kuhya kekenooähmahgawin.
14Menoo‐gunuhwandun ewh meegewawin ayahmun emuh keyowing, kahmeenegooyun oonje ewh aunwahjegawin, mahmahwe kepuggijeneenjenootoonikwah egewh mahyahmahwejegajig makuhdawekoonuhyag.
15Nahnahgahdahwandun dush oonoo uhyeëen; apeecheweyun mekindun oonoo, kuhkenuh bamahdezejig chewahbuhmikwah menik oondezeyun.
16Ahyaungwahmandun tebenuhwa kedezhewabezewin, kuhya ewh kuhgequawin; aunwahdandun dush oonoo: kishpin mahween oo‐oo ezhewabezeyun kegahbemahjeëdiz, kuhya kegahbemahjeäug egewh bazindookig.
Currently Selected:
I. TIMOTHEUSUN 4: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
