I. TIMOTHEUSUN 3
3
1Dabwamahgud maunduh ekedoowin, Kishpin enene nundahwandung makuhdawekoonuhya oodahnookeewin oonunduhwandaun wanesheshing ahnookeewin.
2Nundahwandahgooze dush makuhdawekoonuhya, kuhnuhga ningood chemujje‐enanemahsewind, chepazhigoonid oodequamun, chenetuh‐ahkahwahbid, chenebwahkaud, chemenoo‐ezhewabezid, chenetuh‐shahwanemaud enewh paundegaugoojin, chenetuh‐kekenooähmahgad;
3Kahween oogahnetuh‐menequaseen shoowemin ahboo, kahween tahnetuh‐kekaungase, kahween oogahnunduhwanduhseen mahyahnahduk oondezewin; tahshuhsheebandum suh, kahween tahnetuh‐megahzoose, kah kuhya oogahnetuh‐shoobeëgooseen gagoo;
4Owh manoo‐oogemahkundung tebenuhwa oowegewaumun, menoo bezindahgood enewh oonejahnesun emuh kuhkenuh kechetwahwanduhmoowining;
5(Kishpin suh ahweyah kekanduhsig kaëzheguhnuhwandung tebenuhwa oowegewaumun, ahneen kaëzheguhnuhwandung Kesha‐Muhnedoo oodahnuhmeähwin.)
6Kahween noomuhyah mahyahje‐ahnuhmeäud tahahwese, koonemah oombenegahzood emuh kechetwahwanemoowining tahgepungeshin emuh oonahneboomegoowining owh mujje‐muhnedoo.
7Menuhwah dush nundahwandahgooze cheminwahjemegood enewh ahgwahjeeng ayahnejin; koonemah tahgepungeshin emuh wuhsittuhwanemegoowining kuhya emuh oonuhgwahgunening enewh mujje‐muhnedoon.
8Kuhya dush egewh deaconug tahpezaun‐bemahdezewug, kahween tahwuhyazhingamahgussenenewun oodoodanuhnewewaun, kahween oogahnetuh‐menequasenahwah shoowemin‐ahboo, kahween oogahnunduhwanduhsenahwah wahnuk oondezewin;
9Guhnuhwanduhmoowaud ewh dabwayanduhmoowine kekandahsoowin emuh pahnuk kekanindezoowining.
10Mahnoo dush netum tahkuhgwaje‐kekanemahwug; me dush uhpe kaënuhnookeewaud oodahnookewinewah egewh deaconug, kahkekandahgoozewaud menoo‐ezhewabezewaud.
11Me suh kuhya enewh ooweedegamahgunewaun chenebwahkah‐wandahgoozenid, chemujje‐duhzhemahsenid bamahdezenejin, chebakah‐bemahdezenid kuhya cheähyaungwahmanduhmenid ahnooj gagoo.
12Egewh dush deaconug tahpapazhikoowun ooweedegamahgunewaun, wawane guhnuhwanemahwaud enewh oonejahnesewaun, kuhya enewh ayahnejin emuh oowegewaumewaung.
13Egewh muh manoo‐ahnookeetungig ewh deacon-ahnookeewin kushketuhmahzoowug wanesheshing ahpeetandahgoozewin, kuhya keche soongedaäwin emuh dabwayanduhmoowining ewh azhedabwayanemind Christ Jesus.
14Oonoo uhyeëen kedezhebeühmoon, ahpanemooyaun wuhyebah chenaunzekoonaun:
15Kishpin dush kenooäzh oondandeyaun, cheöonjekekanduhmun kaëzhewabezeyunbun emuh Kesha‐Muhnedoo oowegewauming, mesuh oodahnuhmeähwin bamahdezid Kesha‐Muhnedoo, ewh suh wanje‐minjemoosing kuhya wanje‐soongesing ewh dabwawin.
16Kagate egoo keche‐ahpeetandahgwud ewh ahnuhmeähwine kekandahsoowin: Kesha‐Muhnedoo kepenahgoozid emuh weyausemaung, kequuhyuk‐wandahgoozid emuh Oojechaugoomaung, kewahbuhmegood enewh angenun, kedebahjemind emuh anduhzhe ahyahwaud egewh mayuggezejig, kedabwayanemind oomah uhkeeng, keëzheöombenegahzood emuh pezhegandahgoozewining.
Currently Selected:
I. TIMOTHEUSUN 3: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
