I. TIMOTHEUSUN 2
2
1Nekuhgaundwa dush ahpeche netum, cheähnuhmeätuhmahwindwah, cheguhnooduhmoowindwah, kuhya chemahmooyahwahmahwindwah kuhkenuh enenewug;
2Egewh Keche‐Oogemaug, kuhya kuhkenuh nahgahnezejig, chepezaun‐bemahdezeyung emuh kuhkenuh Kesha‐Muhnedoo‐wahdezewining, kuhya quuhyuk‐wahdezewining.
3Me muh oo‐oo wanesheshing, kuhya manwandahgwuk emuh anahsuhmuhbid Kesha‐Muhnedoo Bamahjeënung;
4Owh anandung kuhkenuh enewh enenewun chebemahjeëmind, kuhya chekekanduhmenid ewh dabwawin.
5Pazhigoo muh Kesha‐Muhnedoo, kuhya pazhigoo owh ganooduhmahgad emuh nesahwuhyeëe ahyaud Kesha‐Muhnedoo kuhya ahyahwaud egewh enenewug, owh enene Christ Jesus;
6Owh kahpuggedenedezood cheöonje‐bemahjeäud kuhkenuh, ewh kawahweenjegahdag uhpe dabishkoosag chewahweenjegahdag.
7Ewh kahoonje‐ahnoonegooyaun chekuhgequa‐weneneweyaun, kuhya cheäpostleëweyaun, (dabwamahgud ewh akedooyaun emuh Christing, kah dush nekuhkenuhwishkese;) nindezhekekenooähmahwaug egewh mayuggezejig emuh dabwayanduhmoowining kuhya dabwawining.
8Benuh dush, nindenandum mezewa cheähnuhmeähwaud enenewug, oombenuhmoowaud pahnudenegin ooneenjemaun, kuhnuhga nishkahdezesigwah kuhya ahgoonwatunsigwah.
9Me suh kuhya nahsaub, egewh equawug chepesekuhmoowaud enewh dabussandahgwudenegin ahgwewinun, mahmahwe ahgujjewin kuhya dahbussanemoowin; kahween cheöokahdanuhmoowaud oowenesissewaun, gamuh cheähyoowaud oozhahwah‐shooneyah, gamuh pearlun, gamuh kache ahpeetandahgwudenegin ahgwewinun;
10Enewh suh atuh (azhenundahwandahgoozewaud equawug wuhyahweendungig Kesha‐Muhnedoo‐wahdezewin) wanesheshingin ahnookewinun.
11Mahnoo equa oogahnundahkekandaun gagoo emuh pezaunezewining kuhya kuhkenuh puggedenedezoowining.
12Kahween nepuggedenuhmahwahse equa chekekenooähmahgad, gamuh chekuhgaunzemahpun enewh enenewun, ewh suh atuh pezaun cheähyaud.
13Netum suh Adam keöozheäh, nahguj edush Eve keöozheäh.
14Kahween Adam keähwese netum kahwuhyazhemind, equa atuh kahwuhyazhemind kemujjeëzhechega.
15Pooch edush tahbemahjeäh emuh negeähwuhsoowining, kishpin minjemenuhmoowaud ewh dabwayanduhmoowin kuhya sahgeëwawin kuhya peenezewin mahmahwe ewh nebwahkahwin.
Currently Selected:
I. TIMOTHEUSUN 2: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
