I. TIMOTHEUSUN 1
1
1Paul oodahpostleëmun Jesus Christ oonje ahnoonegood enewh Kesha‐Muhnedoon Bamahjeënung, kuhya Tabaningad Jesus Christ, nindahpanemoowinenaun;
2Nindoozhebeühmahwah Timotheus tebenuhwa ningwis oonje ewh dabwayanduhmoowin: shahwanjegawine‐weedookahgawin kuhya shahwanjegawin kuhya pezaunewawin, kegahmeenegoog Kesha‐Muhnedoo Koosenaun, kuhya Jesus Christ Tabanemenung.
3Kahezhekuhgaunzoomenaun kayahbe cheduhnezeyun ewede Ephesusing, uhpe keëzhahyaun ewede Macedoniäïng, cheähyaungwahmemindwah ahnind, pukkaun kuhgequawin cheëzhekuhgequasigwah.
4Chebahbahmanduhsigwah enewh kuhkenuhwishke‐debahjemoowinun kuhya enewh ahneka‐bemahdezewine‐debahjemoowinun wahyaquahsasenoogin wanje‐kekaunding, kahween dush oonje‐wahweengazesewug chebuhmeetahwahwahpun Kesha‐Muhnedoon oonje ewh dabwayanduhmoowin:
5Me suh wanje‐duhgoomahguk ewh kuhgequawin chesahgeëding oonje emuh pahnuk oodaëmaung, kuhya menoo‐kekanindezoowining, kuhya oonje wuhyazhingamahgussenook dabwayanduhmoowin:
6Emuh dush ahnind kahoonje‐pukkawaud keëzhahwug emuh ningood anahbuttussenook kekaundewining;
7Nunduhwanduhmoowaud chekekenooähmahgawaud ewh tebahkoonegawin; kahween oonesittootunsenahwah ewh akedoowaud, kah kuhya ewh dabahdooduhmoowaud.
8Kekekandahmin dush ween cheöonesheshing ewh tebahkoonegawin, kishpin enene menoo‐ahbujjetood;
9Kekanduhmung oo‐oo, kahween ewh tebahkoonegawin keöonje‐oozhechegahdasenoon owh quuhyuk‐azhewabezid, oonje atuh egewh quuhyuk‐azhewabezesigoog, kuhya oonje egewh kagaunzetungig, oonje egewh bameetahwahsigoog Kesha‐Muhnedoon, kuhya egewh maje‐ezhewabezejig, oonje egewh wahnezejig kuhya maje‐kezhwajig, oonje egewh nasahjig enewh oosewaun kuhya egewh nasahjig enewh oogeewaun, oonje egewh nasahjig enewh enenewun,
10Oonje egewh pazhigwahdezejig, oonje egewh wahneëdezoojig oonje wepamahwaud weej‐enenemewaun, oonje egewh kamoodejig enenewun, oonje egewh kanenuhwishkejig, oonje egewh banahjetoojig oomushkahwe‐kezhwawinewah, kishpin dush gagoo pakaunuk anduhgoogwan wanje‐bahnahjechegahdag menoo‐kuhgequawin;
11Debishkoo anahjemoomahguk ewh pashegandahgwudenig oominwahjemoowin owh shawandahgoozid Kesha‐Muhnedoo, ewh suh goo kahpuggedenuhmahgooyaun cheguhnuhwanduhmaun.
12Nemegwachewanemah dush Jesus Christ Tabanemenung, kahmeezhid mushkahwezewin, ewh ahyaungwahme‐guhnuhwanjega keënanemid, keähnoozhid chekuhgequayaun;
13Neen kuhyet kahmujje‐duhzhinduhmaun ahnuhmeahwin, kuhya kahkooduggeëwayaun, kuhya mujje‐doodahgayaun: ningeshahwanemegoo dush ewh, oonje kekekanduhsewaun kahezhechegayaun magwah dabwayanduhsewaunbaun.
14Kuhya kekeche‐meshenudene ooshahwanjegawin Tabanemenung mahmahwe ewh dabwayanduhmoowin kuhya sahgeëwawin ayahmahguk emuh Christ Jesusing.
15Dabwamahgud suh maunduh ekedoowin, kuhya ahpeetandahgwud kuhkenuh enenewug cheöodahpenuhmoowahpun, owh suh Christ Jesus kepeëzhaud oomah uhkeeng chebemahjeäud enewh majeëzhewabezenejin; anduhshewaud egewh neen nemahmahwe‐mujjeëzhewabiz.
16Me suh oo‐oo kahoonje‐shahwanemegooyaun, emuh neyowing neen mahyahmahwe mujje‐ezhewabezeyaun, Jesus Christ chewahbundahewad kuhkenuh shuhshebanduhmoowin, cheöonje‐kekenoo‐wahbunduhmoowaud kuhkenuh egewh nahguj kadabwayanemahjig cheöonje‐kahgega‐bemahdezewaud.
17Mahnoo dush kahgenig uhpena kahgenig tahkechetwahwandahgooze kuhya tahkeche‐peshegandahgooze owh Keche‐oogemah Kahyahgega‐bemahdezid, wekah kaneboosig, wuhyahbunjegahzoosig, owh nezheka nabwahkaud Kesha‐Muhnedoo. Amen.
18Maunduh kuhgequawin kepuggedenuhmoon, ningwis Timotheus, debishkoo enewh aunwahjegawinun kezhah kahenahjemegooyun, oonje enewh chemegahzooyun ewh wanesheshing megahzoowin;
19Minjeminuhmun ewh dabwayanduhmoowin, kuhya menoo‐kekanindezoowin; ewh ahnind kahwabenuhmoowaud oogepeegoobetoonahwah ewh dabwayanduhmoowin tahnuhsug nahbequaun pegoobejegahdag;
20Mesuh azhewabezewaud Hymenæus kuhya Alexander; egewh kahpuggedenuhmahwuggig Satan, chekekanduhmoowaud menuhwah chemujje‐kezhwasigwah.
Currently Selected:
I. TIMOTHEUSUN 1: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
