Popular Bible Verses from I. TIMOTHEUSUN 1

Share

Dabwamahgud suh maunduh ekedoowin, kuhya ahpeetandahgwud kuhkenuh enenewug cheöodahpenuhmoowahpun, owh suh Christ Jesus kepeëzhaud oomah uhkeeng chebemahjeäud enewh majeëzhewabezenejin; anduhshewaud egewh neen nemahmahwe‐mujjeëzhewabiz.

Me suh oo‐oo kahoonje‐shahwanemegooyaun, emuh neyowing neen mahyahmahwe mujje‐ezhewabezeyaun, Jesus Christ chewahbundahewad kuhkenuh shuhshebanduhmoowin, cheöonje‐kekenoo‐wahbunduhmoowaud kuhkenuh egewh nahguj kadabwayanemahjig cheöonje‐kahgega‐bemahdezewaud.

Me suh wanje‐duhgoomahguk ewh kuhgequawin chesahgeëding oonje emuh pahnuk oodaëmaung, kuhya menoo‐kekanindezoowining, kuhya oonje wuhyazhingamahgussenook dabwayanduhmoowin

Mahnoo dush kahgenig uhpena kahgenig tahkechetwahwandahgooze kuhya tahkeche‐peshegandahgooze owh Keche‐oogemah Kahyahgega‐bemahdezid, wekah kaneboosig, wuhyahbunjegahzoosig, owh nezheka nabwahkaud Kesha‐Muhnedoo. Amen.

Kekanduhmung oo‐oo, kahween ewh tebahkoonegawin keöonje‐oozhechegahdasenoon owh quuhyuk‐azhewabezid, oonje atuh egewh quuhyuk‐azhewabezesigoog, kuhya oonje egewh kagaunzetungig, oonje egewh bameetahwahsigoog Kesha‐Muhnedoon, kuhya egewh maje‐ezhewabezejig, oonje egewh wahnezejig kuhya maje‐kezhwajig, oonje egewh nasahjig enewh oosewaun kuhya egewh nasahjig enewh oogeewaun, oonje egewh nasahjig enewh enenewun, Oonje egewh pazhigwahdezejig, oonje egewh wahneëdezoojig oonje wepamahwaud weej‐enenemewaun, oonje egewh kamoodejig enenewun, oonje egewh kanenuhwishkejig, oonje egewh banahjetoojig oomushkahwe‐kezhwawinewah, kishpin dush gagoo pakaunuk anduhgoogwan wanje‐bahnahjechegahdag menoo‐kuhgequawin