I. CORINTHIANUN 9
9
1Kah nuh ween nindapostleëwese? kah nuh ween netebanindezoose? kah nuh ween ningewahbuhmahse owh Jesus Christ Tabanemenung? kah nuh kenuhwah kedahweseem ninduhnookeewin emuh owh Tabaningad?
2Kishpin apostleëwesewaun ahnind enuhkayah, kagate nindahpostleëwh kenuhwah enuhkayah: nindahpostleewine uhkookuhwussegun kenuhwah kedahweem emuh owh Tabaningad.
3Mesuh oo‐oo kanuhquatuhwugwah egewh kagwaje-mejig.
4Kah nuh ween nindenandahgoozesemin cheweseneyaung kuhya chemenequayaung?
5Kah nuh ween nindenandahgoozesemin chepahpah-weejewungid oodoowamahmah, weedegamahgun, debishkoo azhechegawaud ahnind apostleüg, kuhya debishkoo wejekewaün owh Tabaningad, kuhya Cephas?
6Gamuh neen atuh kuhya Barnabas, kah nuh ween nindenandahgoozesemin chepoonetooyaungebun ewh ahnookeewin?
7Ahwanan kuhnuhga ahbeting nandoobunid ween tebenuhwa oondenuhmahdezood? ahwanan kategahdung ewh shoowemine‐ketegaun, meejesig dush ewh azhemeenewunenig? gamuh ahwanan ashummaud enewh mahnishtahnishun, menequasig dush oodoodooshahboomewah egewh mahnishtahnishug?
8Eneneeng nuh nindezhekekid oonoo? kah nuh ween nahsaub ekedoomahgussenoon ewh tebahkoonegawin?
9Oo‐oo muh ezhebeëgahda emuh ootebahkoonegawining owh Moses, Kahween kegahtahkoobetuhwahse pezheke oodoon paginduhung ewh pahquazhegunushk. Oobahbahmanemaun nuh Kesha‐Muhnedoo enewh pezhekewun?
10Gamuh ekedoo nuh mamwach kenuhwind oonje? Kagate suh kenuhwind keöonje‐oozhebeëgahda oo‐oo: owh pahgooboojegad cheëzhepegooboojegad emuh ahpanemoowining; owh dush pagindashkahegad emuh ahpanemoowining, cheöodahpenung ewh kahahpanemoojin.
11Kishpin keketegahduhmahgooyag enewh wajechaugwandahgwukkin, keche‐uhyeëewun enuh kishpin suhgukkenuhmaung oomah uhkeeng duhzhe keduhyeemewah?
12Kishpin pakahnezejig oo‐oo ezhetebanemenagwah, kah nuh ween nenuhwind ahwahshema? Kahween ahnahwe ningeähyoosemin maunduh kushkeäwezewin; mahnoo nindenandahmin chepwah‐doodahgooyaung, koonemah nindahgekebishkahtoomin ewh oominwahjemoowin owh Christ.
13Kah nuh kekekanduhseem mahkindungig enewh ahnuhmeä‐weguhmigoong duhzhe uhyeëen meejewaud ahnuhmeä‐weguhmigoong duhzhe meejim? egewh dush bameetungig ewh sahsahgewejegun‐ahbik meenahwug papunge enewh uhyeëen tabandahgwukkin emuh sahsahgewejegun‐ahbikoong?
14Me nahsaub kahenahkoonegad owh Tabaningad egewh pabahdebahdoodungig ewh minwahjemoowin minwahjemoowining tahoonje‐bemahdezewug.
15Kahween ningeähyoosenun oonoo uhyeëen: kah kuhya oonoo ningeöonje‐oozhebeünsenun, oo‐oo chedoodahgooyaun: ahwahshema muh tahoonisheshin chenebooyaun, dush ween ahweyah enene chebahnahjetoopun ewh wanje‐muhmequahzooyaun.
16Ahnahween goo pahbahdebahdooduhmaun ewh minwahjemoowin kahween gagoo nindahyaunse kaöonje‐muhmequahzooyaun: nindahpeche‐nundahwandahgooz chepahbahdebahdooduhmaun ewh minwahjemoowin; Aahe nindahgekeche‐uhnegahediz kishpin pahbahdebahdoodunsewaunbaun ewh minwahjemoowin!
17Kishpin neen tebenuhwa enanduhmaun azhechegayaun, nindahyaun ewh tebahahmahgoowin: kishpin dush enanduhsewaun, pooch egoo nepuggedenuhmahgoo ewh minwahjemoowin cheäungwahme‐guhnuhwanduhmaun.
18Wagoonash dush netebahahmahgoowin? Kagate uhpe dabahdooduhmaunin ewh minwahjemoowin, wanepuzh chedebahdooduhming oominwahjemoowin owh Christ, chebuhnahjetoosewaun nekushkeäwezewin emuh minwahjemoowining.
19Ahnuhween goo oobuhmeetahgunemesig ahweyah enene, ningepuggedenaun neyow cheöobuhmeetahgunemewaud kuhkenuh egewh enenewug, nahwuj nebewah chekushkeügwah.
20Anahsuhmewaud egewh Jewyug ningeëzhewabiz debishkoo azhewabezewaud egewh Jewyug, cheöonjekushkeügwah egewh Jewyug; anahsuhmewaud egewh tabandahgoozejig emuh tebahkoonegawining, debishkoo tabandahgoozeyaunbaun emuh tebahkoonegawining, cheöonje‐kushkeügwah egewh tabandahgoozejig emuh tebahkoonegawining;
21Anahsuhmewaud egewh ayaunsigoog ewh tabahkoonegawin, debishkoo ahyaunsewaunbaun ewh tebahkoonegawin, (ahnahween goo ahyahmaun ootebahkoonegawin owh Kesha‐Muhnedoo, buhmeetuhmaun dush ootebahkoonegawin owh Christ, cheöonje‐kushkeügwah egewh ayaunsigoog ewh tebahkoonegawin.
22Anahsuhmewaud egewh shuhyahgwewejig debishkoo shahgwewing ningeëzheähyah, cheöonje‐kushkeügwah egewh shuhyahgwewejig: ahnooj nindezhewabezeëdiz anahsuhmewaud kuhkenuh enenewug, ahbetakummig chebemahjeügwah ahnind.
23Me suh ewh minwahjemoowin wanje‐dooduhmaun oo‐oo cheweeje‐oondezemenuhgoog kenuhwah.
24Kah nuh kekekankuhseem, egewh kagwajekunedejig pemebuhtoowug kuhkenuh, pazhik atuh oodoodahpenaun ewh poonegahjegun? Ezhepemebuhtooyook cheoodahpenuhmag.
25Kuhkenuh enenewug wahkoojetoojig ewh puhkinah-gawin, kahween oonzaum oodahyoosenahwah gagoo. Benuh oo‐oo ezhechegawug wenuhwah, chekushketoowaud suhsagahwine‐wewuhquaun banahduk: kenuhwind dush ween wewuhquaun wekah kabahnahdussenook.
26Nindezhepemebuhtoo suh dush neen, kahween ahneshah; nindezhemegauz, kahween ewh azhemegahzood ahweyah papukkettaüng ewh noodin:
27Nemahmauzhetoon neyow, kuhya neshahgoojetoon; koonemah kagate, uhpe kekuhgekemugwah egewh pakahnezejig, neen tebenuhwa nindahgewabenegauz.
Currently Selected:
I. CORINTHIANUN 9: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
