I. CORINTHIANUN 10
10
1Kah muh nindenanduhse nejekewaëdoog, chekekanduhsewag kuhkenuh egewh kooseminahbuneeg keähgooshkahgoowaud ewh ahnuhquud kuhya kuhkenuh keähzhahwuhgummeöosawaud emuh kechegummeeng;
2Kuhya kuhkenuh kebaptizooëgoozewaud emuh enuhkuhkayah owh Moses emuh ahnuhquudoong kuhya emuh echegummeeng;
3Kuhkenuh dush kemeejewaud ewh nahsaub oojechaugoowine meejim;
4Kuhya kuhkenuh kemenequawaud ewh nahsaub oojechaugoowine menequawin: kemenequawug muh oonje enewh wajechaugwandahgoozenejin ahzhebikoon kahpemeweejewegoowahjin, owh dush ahzhebik me suh owh Christ.
5Nebewah dush enewh kahween owh Kesha‐Muhnedoo oogeminwanemahseen: suhswayeëe muh kenesahwug emuh buhgwuhduhkummig.
6Benuh dush oonoo keëzhewabudoon, chekekenoowahbunduhmung kenuhwind, chenunduhwanduhsewung enewh mujje‐uhyeëwishun, nahsaub wenuhwah kahnunduhwanduhmoowaud.
7Kagoo kuhya muhzenenekakagoon, nahsaub ahnind egewh kahezhechegawaud, debishkoo azhebeëgahdag, Egewh ahnishenahbag kenuhmuhduhbewug chewesenewaud kuhya wemenequawaud, kuhya kepuhsegwewug weöoduhmenoowaud.
8Kagoo kuhya peshigwahdezesedah, kahezhechegawaud egewh ahnind, kuhya ningoo‐kezheguk neshtuhnuh ahshe neswe duhsoo metauswauk keneboowug.
9Kagoo kuhya kuhgwajeähsedah owh Christ, egewh ahnind kahezhechegawaud, kenesegoowaud dush enewh mujje‐kenabigoon.
10Kagoo kuhya nahneebeketahgoozekagoon, nahsaub egewh ahnind kahezhechegawaud, kuhya keneeshwuhnah-jeëgoowaud enewh nashwuhnahjeëwanejin.
11Benuh dush kuhkenuh oonoo uhyeëen keëzhewabudene, chewahbundahegooyung: kuhya chekuhgekemegooyung oonje‐oozhebeëgahdawun kenuhwind puhguhmish-kahgooyung ewh uhpe gagah weïshquah‐uhkeewung.
12Benuh dush owh nesoongekahbow ananindezood tahaungwahmeze chekahwesasig.
13Kahween gagoo pukkaun kuhgwajeëdewin kegepuhgummishkahgoosenahwah ewh suh atuh doowah moonzhug puhgummishkahgoowaud enenewug: Kesha‐Muhnedoo quuhyuk‐ezhewabeze, kah dush kegahpuggedenuhmahgoosewah chekuhgwajeëgooyagoobun ahwahshema ewh kaëzhekushketooyagoobun; kagwajeëgooyagoon ween suh kegahoozhetahmahgoowah kaöonje‐kushkoonduhmag.
14Me dush kache‐sahgeënenuhgoog kaöonje‐oozhin-duhmag ewh muzzenenekawin.
15Nindezhekekid debishkoo azheguhnoonindwah egewh nebwahkah‐wenenewug; nahnahgahdahwanduhmook ewh akedooyaun.
16Ewh shahwanjegawine‐menequahjegun shahwanduhmaung, kah nuh ween ewh ahwunsenoon wanje‐oodahpenuhming ewh oomisqueem owh Christ? Kuhya owh buhquazhegun pabuhquabenungid, kah nuh ween owh ahwese wanje‐oodahpenuhming ooweyow owh Christ?
17Kenuhwind dush ahnoo bahtuhyeëenooyung kepazhegoo‐buhquazhegunewemin, kuhya kepazhegoo‐weyowemahemin: kuhkenuh muh kedoodahpenahnaun owh pazhik buhquazhegun.
18Benuh azhechegad owh Israel emuh weyahsemaung; kah nuh ween egewh mahjejig ewh sahsahgewejegun oodoodahpenunsenahwah enewh dabandahgwukin emuh sahsahgewejegun‐ahbikoong?
19Ahneen dush ekedooyaun? ningood nuh cheënandahgoozid owh muzzenene, gamuh ningood anandahgwuk ewh pagidenahmahwindwah egewh muzzeneneeg?
20Oo‐oo atuh nindekid, enewh uhyeëen egewh mayuggezejig suhyahsahgewetoowaud oosahsahgewetuhmahwahwaun enewh mujje‐muhnedoon, kahween dush enewh Kesha‐Muhnedoon: kah dush nindenanduhse cheweedookahwagwah egewh mujje‐muhnedoog.
21Kahween kedahkushketooseem chemenequayag oomenequahjegun owh Tabaningad, kuhya oomenequahjegunewah egewh mujje‐muhnedoog: kahween kekushketooseem cheöondenegayagoobun emuh ooduhdoopoowining owh Tabaningad, kuhya emuh ooduhdoopoowinewaung egewh mujje‐muhnedoog.
22Kewenishkeähnaun nuh owh Tabaningad? ahwahshema nuh kenuhwind kemushkahwezemin dush ween Kesha‐Muhnedoo?
23Nepuggedenuhmahgoo ahnooj gagoo, kahween oonesheshinsenoon ahnooj cheëzhechegayaunbaun: nepuggedenuhmahgoo ahnooj gagoo, kah suh ahnooj gagoo nindoonje‐oondezese.
24Kah ween ahweyah enene oogahnundahwandunse tebenuhwa oodoondezewin, kuhkenuh dush egewh enenewug oogahnundahwandahnahwah pakahnezejig oodoondezewinewah.
25Wagoodoogwan atahwangan emuh ahtaundewining, me suh kameejeyag, kuhnuhga kuhgwadwasewag kekekanindezoowinewah oonje:
26Owh muh Tabaningad ootebandaun ewh uhkee, kuhya kuhkenuh emuh ayaugin.
27Kishpin ahweyah duhyabwayanduhsig nundoomenag cheweseneyag, enanduhmag dush weëzhahyag; wagoodoogwan kaähchegahdagwan emuh anahsuhmeyag, meejeyook, kuhnuhga gagoo kuhgwadwasewag kekekanindezoowinewah oonje.
28Kishpin atuh ahweyah enene oo‐oo enenag, Me suh maunduh kahsahsahgewetuhmahwindwah egewh muzzeneneeg, kagoo meejekagoon oonje owh kahwahbundahenag, kuhya kekanindezoowin oonje; owh muh Tabaningad ootebandaun ewh uhkee, kuhya kuhkenuh emuh ayaugin:
29Kekanindezoowin, nindekid, kahween keen tebenuhwa kekekanindezoowin, owh atnh pakahnezid ookekanindezoowin; ahneeshwin dush neen nepuggedenegoowin enanjegahdag debishkoo pakahnezid ookekanindezoowin?
30Kishpin neen shahwanjega‐weedookahgooyaun oonje‐oodahpeningayaun, wagoonash dush wanje‐mujje‐duhzhemegooyaun oonje ewh wanje‐mahmooyahwayaun?
31Kishpin dush wahsenewagwan, gamuh manequawagwan, gamuh wagoodoogwan azhechegawagwan, chepeshegandahgoozid owh Kesha‐Muhnedoo oonje‐ezhechegayook.
32Kagoo wuhsittah‐doodahwahkagoon egewh Jewyug, gamuh egewh Mayuggezejig, gamuh egewh tabandahgoozejig emuh oodahnuhmeähwining owh Kesha‐Muhnedoo:
33Debishkoo azheminwanduhmooügwah kuhkenuh enenewug enewh kuhkenuh uhyeëen, nunduhwanduhsewaun neen cheöondezeyaun, cheöondezewaud atuh nebewah chebemahjeïndwah.
Currently Selected:
I. CORINTHIANUN 10: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
