I. CORINTHIANUN 8
8
1Duhzhinduhming dush uhyeëen kahsahsahgewetuhmoowindwah egewh muzzeneneeg, kekekandahmin ewh kuhkenuh ahyahmung ewh kekanjegawin. Kekanjegawin kekechetwahwanemooëgoomin, sahgeëdewin dush kesoongekahbahweëgoomin.
2Kishpin ahweyah, nekekandaun gagoo, enanindezood, kah ween muhshe gagoo ookekanduhseen kaëzhekekandungebun.
3Kishpin ahweyah sahgeäud enewh Kesha‐Muhnedoon, mesuh owh kakanemegood enewh Kesha‐Muhnedoon.
4Benuh dush meejing oonoo uhyeëen kahsahsahgewetuhmoowindwah egewh muzzeneneeg, kekekandahmin suh kuhnuhga enandahgoozesig owh muzzenene, kah kuhya ahweyah pakahnezid muhnedoo ahyahse me atuh owh puhyazhikood.
5Ahnahween dush ayahwaud keche‐muhnedoog anindjig, ewede kezhegoong gamuh oomah uhkeeng, (azhebahtuhyeïnwaud egewh keche‐muhnedoog, kuhya bahtuhyeïnwaud egewh tabaningajig.)
6Kenuhwind dush ween kedahyahwahnaun pazhik atuh Keche‐Muhnedoo, Wayoosemind, wanje‐ahyaugin kuhkenuh uhyeëen, kuhya owh bameetuhwung, kuhya pazhik Tabaningad Jesus Christ, wanje‐ahyaugin kuhkenuh uhyeëen, kuhya kenuhwind wanje‐bemahdezeyung.
7Kah gooshah kuhkenuh enenewug oodahyaunsenahwah oo‐oo kekanjegawin: ahnind muh nahnauzh egoo noongoom gagoo enanemahwaud enewh muzzeneneen oodezhemeejenahwah debishkoo gagoo kahsahsahgewetuhmahwind owh muzzenene; ookekanindezoowinewah dush shahgwewemahgudenig weenejegahdane.
8Kahween meejim ahwunsenoon kaöonje‐minwanemenung owh Kesha‐Muhnedoo; ahnahween goo weseneyung, kahween gagoo keöondezesemin; kishpin dush wesenesewung, kahween kenoondasasemin.
9Ahyaungwahmezeyook koonemah maunduh azhepuggedenegooyag ananduhmag cheëzhechegayag tahgeöonje-pukketashinoog egewh shuhyahgwewejig.
10Kishpin muh ahweyah enene wahbuhmik keen kakanjegawin ayahyun weedoopungayun ewede oodahnuhmeä‐weguhmigoong owh muzzenene, kah nuh ween owh shahyahgwewid emuhookekanindezoowining tahoonje‐soongedaäse chemeejid enewh uhyeëen kahsahsahgewetuhmahwindwah egewh muzzeneneeg;
11Oonje ewh kekekanjegawin owh shahyahgwewid wejekewaëmah tahbahnahdeze, enewh kahnebootahwahjin owh Christ?
12Uhpe oo‐oo azhemujje‐doodahwagwah egewh wejekewaëmaug, bahnahjetoomahwagwah shuhyahgwemahgudenig ookekanindezoowinewah, kemujje‐doodahwahwah owh Christ.
13Ahneesh, kishpin nemeejim oonje mujje‐ezhechegad owh nejekewa, kahween nindahmeejese weyaus kaähpeech uhkeewung, koonemah nejekewa neen oonje tahgemujje-ezhechega.
Currently Selected:
I. CORINTHIANUN 8: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
