I. CORINTHIANUN 6
6
1Kah nuh ween tahshahgwanemoose ahweyah kenuhwah anduhsheyag kishpin gagoo enanemaud pakahnezenejin, wetebahkoonedeyag anahsuhmuhbenid enewh maje‐ezhewabezenejin, kah dush ween anahsuhmuhbenid enewh anuhmeähnejin?
2Kah nuh ween kekekanduhsenahwah egewh anuhmeähjig wetebahkoonahmoowaud ewh uhkee? kishpin dush wetebahkoonuhmag ewh uhkee, kah nah ween kedenandahgoozeseem chetebahkoonuhmag kache‐dahbussandahgwukkin uhyeëen?
3Kah nuh ween kekekanduhsenahwah ewh wetebahkoonungwah egewh angenug? Ahneen dush ahwahshema enewh uhyeëen dabandahgwukkin oomah bemahdezewining?
4Kishpin dush ahyahmag tebahkoonedewinun wetebahkoonegahdag enewh uhyeëen dabandahgwukkin oomah bemahdezewining mahnoo kegahahsahwaug kache‐noondaush‐ahpeetandahgoozejig emuh ahnuhmeähwining chetebahkoonegawaud.
5Cheähgujjeëgooyag nindoonje‐kekid. Kagate nuh ezhewabud, kah nuh ahweyah ahyahse nabwahkaud anduhzhe ahyahyag? Kah nuh ahweyah kakushketoopun chetebahkoonaud enewh wejekewaün?
6Owh suh wejekewaëmah oodezheweenaun enewh wejekewaün emuh tebahkoonegawining anahsuhmuhbenid enewh duhyabwayanduhsenegoon.
7Kagate suh kemujje‐doodahdim, tebahkoonedeyag mamashquaud. Ahneeshwin mahnoo ananduhsewag maje‐doodahgooyagoon? ahneeshwin mahnoo enanduhsewag wuhyazhemegooyagoon?
8Kagate suh, kemujje‐doodahwahwaug, kuhya kewuhyazhemahwaug pooch egewh kejekewaëwaug.
9Kah nuh kekekanduhsenahwah egewh majeëzhewabezejig wekah wetebanduhsigwah ewh oodoogemahwewin owh Kesha‐Muhnedoo? Kagoo wuhyazhindezookagoon: egewh pazhigwahdezejig, egewh manedookajig, kuhya egewh equang andoodungig tebenuhwa weyowewaun, kuhya egewh pazhigwahjeweejewahjig weej‐enenemewaun,
10Kuhya kamoodishkejig, kuhya egewh oonzaum nebewah gagoo nanduhwandungig, kuhya kawushquabishkejig, kuhya kakaungajig, kuhya wahyazhingashkejig, kahween oogahahyaunsenahwah oodoogemahwewin owh Kesha‐Muhnedoo.
11Me suh ahnind kenuhwah keëzhewabezeyagoobun: noongoom dush kekesebegenegoom, kepeeneëgoom, kequuhyuk‐ezhewabezeëgoom, emuh oodezhenekahzoowining owh Tabaningad Jesus, kuhya oonje enewh Oojechaugwun Kekesha‐Muhnedoomenaun.
12Ahnooj gagoo nepuggedenuhmahgoo, kah suh tahoonesheshinsenoon ahnooj gagoo cheöodahpenuhmaun: kagate ahnooj gagoo nepuggedenuhmahgoo, kah dush gagoo ningahmahmahzheëgooseen.
13Meejim emuh mesudahmaung tebandahgwud, kuhya ewh mesudahmah oonje ahyahmahgud chepeendegamahguk meejim: Kesha‐Muhnedoo oogahbahnahjetoonun nuhyazh oomesudahmah kuhya meejim. Kah dush tebandahgwussenoon weyowemah emuh pezhigwahdezewining, owh suh Tabaningad ootebandaun, kuhya owh Tabaningad ooguhnuhwandaun ewh weyowemah.
14Kesha‐Muhnedoo dush oogeähbejebahaun enewh Tabaninganejin, kuhya kegahahbejebahegoonaun kenuhwind emuh tebenuhwa oomushkahwezewining.
15Kah nuh ween kekekanduhseem enewh keyowewaun oopukkawezewinun owh Christ cheähwung? ningahoodahpenaunun nuh oopukkawezewinun owh Christ, chepuggedenuhmahwug owh pazhigwahdezid equa? Kah bahpish tahezhewabussenoon.
16Ahneen? kah nuh ween kekekanduhseem owh wahdegamaud enewh pazhigwahdezenejin equawun ewh pazhikwunenig ooweyowewaun? Oo‐oo muh keëkedoo owh Kesha‐Muhnedoo, Egewh neezh tahpazhikwunene ooweyausewah.
17Owh dush tabandahgoozid emuh Tabaningang pazhikoowun enewh Oojechaugoowaun.
18Meweetooyook ewh pezhigwahdezewin. Kuhkenuh mujje‐ezhewabezewinun andoodung enene, ahgwahjuhyeëe ahtanoon emuh weyowemaung; owh pazhigwahdezid enene oomujje‐doodaun tebenuhwa weyow.
19Ahneen dush? kah nuh ween kekekanduhsenahwah ewh keyowewah ahyahwung oodahnuhmeäweguhmig owh Keche Oojechaug, owh kakishkahwag, mahnenag owh Kesha‐Muhnedoo, kah dush ketebanindezooseem?
20Kegekishpenuhnegoom muh enuhginzoowin: me dush kaöonje‐peshegandahgooäg owh Kesha‐Muhnedoo, emuh keyowewaung, kuhya emuh kejechaugoowaung, enewh Kesha‐Muhnedoo dabandungin.
Currently Selected:
I. CORINTHIANUN 6: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
