I. CORINTHIANUN 5
5
1Kagate kedenahjemegoom, pezhigwahdezewin duhgoomahguk anduhzhe ahyahyag, ewh dowah peshigwahdezewin kuhnuhga duhgoomahgussenook emuh anduhzhe ahyahwaud egewh mayuggezejig, enene weedegamaud oosun wewene.
2Kekechetwahwanemoom dush kenuhwah, kah dush kegekushkanduhseem cheëkoonegahzood owh oo‐oo kahezhechegad emuh oonje ahyahyag.
3Neen dush ween, ahnahween goo ahyahsewaun anduhzhe mahwunjeëdeyag emuh neyowing, weejewenuhgoog emuh ninjechaugoong, ahzhuh ningeënahkoonega, debishkoo goo keweejewenenuhgoogebun, kaëzheähyaud owh oo‐oo mujje‐uhyeweesh kahdoodung;
4Emuh oodezhenekahzoowining owh Tabanemenung Jesus Christ, uhpe mahwunjeëdeyag, kuhya ninjechaug, emuh oomushkahwezewining owh Tabanemenung Jesus Christ.
5Chepuggedenuhmoowag owh Satan wah‐owh ooweyow, cheöonje‐bahnahdudenig ooweyaus, chebemahjeëmind oojechaugwun uhpe ookezhegudoom owh Tabaningad Jesus.
6Kahween oonisheshinsenoon ewh wanje‐wahwezhane-mooyag. Kah nuh ween kekekanduhsenahwah punge oombesechegun wanje‐oombesechegahdag kuhkenuh buhquazhegun?
7Wabenuhmook ewh kata‐oombesechegun, ewh cheooshke‐buhquazheguneweyag, ewh azheöombesechegah-zoosewag. Pooch muh Christ kekuhbekoosa‐mahnishtahneshinsemenaun kenuhwind keöonjenesah:
8Umba suh guhnuhwandundah ewh wekoondewin kah kedahahyaunsemin ewh kata oombesechegun, kah kuhya ewh sheenganingawine mauzhenenewuggezewine oombesechegun; ewh suh dush ween peenezewine kuhya dabwawine‐puhquazhegun wambejishkuhwuggesinsig.
9Kegeëzhebeühmoonenim emuh muzzeneëguning cheweejewahsewagwah egewh pazhigwahdezejig:
10Kahween dush egewh pazhigwahdezejig debandahgoozejig oomah uhkeeng, gamuh egewh nanduhwandungig oonzaum nebewah gagoo, gamuh wuhyazhingashkejig, gamuh anuhmeätuhwahjig enewh muzzenechegunun; mesuh uhpe kagenundahwandahgoozeyag chesahgijishkuhmag ewh uhkee.
11Noongoom dush kegeëzhebeühmoonenim cheweejewahsewag, kishpin ahweyah wejekewaëmah azheweenind, pezhigwahdezid, gamuh nundahwandung oonzaum nebewah gagoo, gamuh muhnedookad, gamuh kekaungashkid, gamuh kewushquabishkid, gamuh wuhyazhingashkid; kahween kuhnuhga kegahweedoopuhmahsewah oo‐oo dowah.
12Wagoonan dush kaöonje‐tebahkoonugwahpun egewh ahgwahjeeng ayahjig? kah nuh ween kenuhwah ketebahkoonahsewaug egewh peendig ayahjig?
13Kesha‐Muhnedoo dush ootebahkoonaun enewh ahgwahjeeng ayahnejin. Medush kaöonje‐sahgechewabenag owh majeëzhewabezid emuh anduhzhe mahwunjeëdeyag.
Currently Selected:
I. CORINTHIANUN 5: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
