I. CORINTHIANUN 4
4
1Mahnoo enene Christ oobuhmeetahgunun ningahenanemegoonaun, kuhya guhnuhwanduhmaung mamuhkauj‐ookekanjegawinun owh Kesha‐Muhnedoo.
2Menuhwah nundahwandahgoozewug egewh enenewug ganuhwanjegajig cheäungwahmezewaud.
3Neen dush ween goo kahween nepahbahmanduhseen ewh tebahkooneyag, gamuh ahweyah enene ootebahkoonegawin: kah suh dush netebahkoonedezoose.
4Kah muh nekekanindezoose gagoo; kah dush oo‐oo nindoonje‐quuhyuk‐ezhewabezeëgoozese; owh suh tabahkoonid me suh owh Tabaningad.
5Me suh oo‐oo kaöonje‐tebahkoonunsewag gagoo chepwah oojechesag chetuhgwishing owh Tabaningad, ween suh kapewahsashkung enewh kuhyahjegahdagin emuh magwa puhsuhgish‐tebik, kuhya kamezheshuh‐wahbundahewad ananduhmoomahguk enewh oodaëmah: me dush uhpe anduhshid enene cheminwahjemegood enewh Kesha‐Muhnedoon.
6Oonoo dush uhyeëen, nejekewaëdoog, emuh kekenoowahjecheguning ningeäunjetoonun neen tebenuhwa neyowing kuhya owh Apollos kenuhwah oonje, chekekenooähmahgooyag emuh neyowenahning, ahwahshema chekechetwahwanemahsewagwah enenewug dush ween ewh azhebeegahdag, kuhnuhga ahweyah anduhsheyag chemuhmikwahzoosig oonje keche‐weedookahwaud ahweyah enenewun.
7Ahwanan owh ahwahshema wanje‐keche‐ahpeetandahgoozeyun dush ween pakahnezid? wagoonan dush ewh ayahyun kahmeenegoosewun? kishpin dush kemeenegooyun, wagoonash wanje‐kechetwahwanemooyun, debishkoo meenegoosewunbun?
8Noongoom ketabesineem, noongoom kewahnuhdezeem, kegeöogemahwim debishkoo keche‐oogemaug nenuhwind ahyahsewaung: Ahpakish oogemahweyagoobun, kuhya nenuhwind cheweeje‐oogemahwemegooyagoobun.
9Nindenandum dush ewh Kesha‐Muhnedoo keëzheeyungid nenuhwind apostleëweyaung cheïshquayandah-goozeyaung, debishkoo enandahgoozeyaung chenebooyaung: neguhnuhwahbuhmegoonaun muh mezewa oomah uhkeeng, kuhya ninguhnuhwahbenegoonahnig egewh angenug kuhya egewh enenewug.
10Nenuhwind muh nekuhkebahdezemin oonje owh Christ, kenuhwah dush kenebwahkaum emuh Christing: nenuhwind neshahgwewemin, kenuhwah dush kemushkahwezeem; kenuhwah dush kekechetwahwandahgoozeem, nenuhwind dush kahween ningood nindenandahgoozesemin.
11Nahnauzh egoo noongoom nepukkuddamin, kuhya nekishkebahgwamin, nepingweshahgedemin, nepukketa-oogomin, kah dush ningooche nindahsemin;
12Ninduhnookemin, tebenuhwa neneenjenahnin ahyooyaung; uhpe maje‐guhnoonegooyaungoon neguhnoodahmahgamin; quatuggeëgooyaungoon, mahnoo nindenandahmin;
13Uhpe maje‐duzzhemegooyaungoon, bakah nekekedoomin; nindezheähyahmin debishkoo uhkeeng duhzhe weneezewin, kuhya weyuggussaïshing cheguhduhuming nahnauzh egoo noongoom kezheguk.
14Kahween oonoo kedoonje‐mahjebeähmoosenoonim cheähgujjeëgooyag, kekuhgaunzoominim suh debishkoo suhyahgeüggig nenejahnesug.
15Ahnoo ween goo metahching metauswauk duhshewaud kakenooahmoonagoog emuh Christing, kahween bahtuhyeënsewug wayoosemagoog: emuh muh Christ Jesusing neen kegeöonejahnesenenim oonje ewh minwahjemoowin.
16Me suh wanje‐pahgoosanemenenuhgoog chekekenoowahbuhmeyag.
17Me suh kahoonje‐ezhenahzhahmoonenuhgoog owh Timotheus, mesuh owh suhyahgeüg ningwis, kuhya ahyaungwahmezid oonje owh Tabaningad, mesuh owh kamequanduhmoonenag nindezhewabezewinun azhewabezeyaun emuh Christing, debishkoo azhekekenooähmahgayaun mezewa anduhzhe ahyahwaud egewh anuhmeähjig.
18Noongoom dush ahnind kechetwahwanemoowug, debishkoo wahoodissesenoonuhgoogebun.
19Kagate wuhyebah kegahahweöodissinenim, kishpin enanemid owh Tabaningad, kuhya ningahkekandaun, kahween ookekedoowinewah egewh kachetwahwanemoojig, oomushkahwezewinewah atuh.
20Ewh muh oodoogemahwewin owh Kesha‐Muhnedoo kahween duhgoomahgussenoon emuh kekedoowining, emuh atuh mushkahwezewining.
21Ahneen ananduhmag? Ningahahwegegezin nuh uhpe nuhyaunzekoonuhgoog ewh puhzhunzhaëgun, gamuh emuh sahgeëwawining, kuhya nookahdezewining?
Currently Selected:
I. CORINTHIANUN 4: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
