I. CORINTHIANUN 3
3
1Neen dush ween, nejekewaëdoog, kah ningekusketoose cheëzheguhnoonenuhgoog kaëzheguhnoonindwahpun egewh ayahwahjig enewh Keche‐Oojechaugwun, egewh atuh kayahbe nuhyahnahgahdahwandungig ewh weyahsemah, ahbenoojeeïng anandahgoozeyag emuh Christing.
2Doodooshahboo suh kegeähshumminim, kah dush meejim kegeähshummesenoonim: nahnauzh egoo noongoom kahween kegekushketooseem chemeejeyag, kah dush muhshe kedahkushketooseem.
3Kayahbe muh kemekindahnahwah ewh weyahsemah; kayahbe muh kekeshahwanindim, kekekaundim, kepukkaëdim, kah nuh ween kemekinduhsenahwah ewh weyahsemah, kuhya eneneeng kedezhebemoosaseem?
4Magwah pazhik oo‐oo ekedood, Neweedookahwah owh Paul; menuhwah pazhik, Neweedookahwah Apollos; kah nuh ween kemekinduhsenahwah ewh weyahsemah?
5Ahwanan dush owh Paul, kuhya ahwanan owh Apollos? kuhgequa‐wenenewug atuh kahoonje‐dabwayanduhmag, debishkoo owh Tabaningad kahezhepuggedenuhmoowaud kuhkenuh enewh enenewun?
6Neen suh ningeketega, Apollos dush keseguhunjega; Kesha‐Muhnedoo dush oogenetuhwuggetoon.
7Kah dush ningood enandahgoozesewug owh kategad kuhya owh sahgahunjegad; Kesha‐Muhnedoo atuh owh natuhwuggetood.
8Benuh dush pazhegood owh kategad kuhya owh sahgahunjegad: anduhshewaud egewh enenewug tahezhetebahahmahwahwug anandahgwudenig oodahnookeewinewah.
9Neweej‐ahnookeemahnaun owh Kesha Muhnedoo: kenuhwah dush kedahwim Kesha‐Muhnedoo ooketegawin, kuhya Kesha‐Muhnedoo oodooshegawin.
10Azhekushkechegamahgudenig ooshahwanjegawine‐wedookahgawin owh Kesha‐Muhnedoo kameenegooyaun, debishkoo nabwahkaud keche‐ooshega‐wenene, ningeähtoon ewh kaöonje‐minjemoosing wahkahegun, menuhwah dush pazhik oogijuhyeëe ooshega emuh; tahaungwahmeze suh anduhshid enene kaëzheöozhegad emuh.
11Kah muh ahweyah ookushketooseen pakahnuk minjemoosechegun cheähtood, me atuh ewh ahzhuh ahyahchegahdag, me suh owh Jesus Christ.
12Kishpin dush ahweyah enene oogijuhyeëe ooshegad emuh oo‐oo minjemoosecheguning ahsaud oozahwah‐shooneäun, shooneäun, kache‐ahpeetandahgoozenejin ahsineen, metigoon, mezhushkin, pahquazhegunushkoonsun;
13Tahkekanjegahdane anduhshid enene oodahnookeewin: ewh uhpe kekezheguk tahwahweenjegahda, ishkootang muh tahoonje‐kekanjegahda; ishkoota muh oogahkuhgwatebandaunun kuhkenuh enenewug oodahnookeewinewaun nuhmunj azhewabudenenoogwan.
14Kishpin ahweyah enene oodahnookeewin bemahdudenig oogijuhyeëe kahahtood, tahtebahahmahwah.
15Kishpin dush ahweyah enene oodahnookewin kechahgahketanig, oogahwunetoon: ween dush tahbemahjeäh; debishkoo emuh oonje ishkootang.
16Kah nuh kekekanduhsenahwah kenuhwah ahweyag oodahnuhmeä‐weguhmigoom owh Kesha‐Muhnedoo: kekishkahwag dush Oojechaugwun owh Kesha‐Muhnedoo?
17Kishpin ahweyah enene weenetood oodahnuhmeä‐weguhmigoom owh Kesha‐Muhnedoo, mesuh enewh Kesha‐Muhnedoo kabahnahjeähjin; peenudene muh oodahnuhmeä‐weguhmigoom owh Kesha‐Muhnedoo, ewh ahnuhmeä‐weguhmig kenuhwah kedahwim.
18Kahween ahweyah enene tahwuhyazhindezoose. Kishpin ahweyah enene anduhsheyag nebwahkaung anandahgoozid oomah uhkeeng, mahnoo tahkuhkebahdanemoo cheöonje‐nebwahkaud.
19Oomah mahween uhkeeng duhzhe nebwahkahwin kuhkebahdezewin ahwun anahsuhmid owh Kesha‐Muhnedoo. Oo‐oo muh ezhebeëgahda, Ootuhkoonaun enewh nabwahkahnejin emuh tebenuhwa ookuhkuhyanezewinewaung.
20Menuhwah dush, Owh Tabaningad ookekanduhmoowaun nabwahkahnejin oonahnahgahdahwanduhmoowinene, ningood enahbuttussenenig.
21Kah gooshah ahweyah enene oogahwahwezhanemahseen enewh enenewun; Kenuhwah muh kedebandahnahwah kuhkenuh uhyeëen;
22Owh Paul, gamuh owh Apollos, gamuh owh Cephas, gamuh ewh uhkee, gamuh bemahdezewin, gamuh neboowin, gamuh enewh uhyeëen noongoom ayaugin, gamuh enewh uhyeëen katuhgwishenoomahgukkin; kuhkenuh kedebandahnahwah;
23Kuhya kenuhwah ketebanemegoowah owh Christ; kuhya dush owh Christ ootebanemegoon enewh Kesha‐Muhnedoon.
Currently Selected:
I. CORINTHIANUN 3: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
