I. CORINTHIANUN 2
2
1Neen dush ween, nejekewaëdoog, uhpe kepenaunzekoonenuhgoog, kahween emuh kache‐oonisheshing kekedoowining gamuh nebwahkahwining, kegeëzhenaunzekoonenim kedebahjemootuhmoonenuhgoog oodekedoowin owh Kesha‐Muhnedoo.
2Ningeënahkoonediz suh kuhnuhga gagoo chekekanduhsewaun anduhzhe‐ahyahyag, me atuh Jesus Christ, owh suh kahsuhsuhgahquahoond.
3Kegeëzheweejewenenim emuh shahgwewewining, kuhya emuh sagezewining, kuhya emuh keche‐nuhningishkahwining.
4Kuhya ninkekedoowin kuhya nekuhgequawin kahween keëzheähyahsenoon emuh manootahgwuk ekedoowining azhekeezhwamahgudenig enene oonebwahkahwin, emuh atuh oowahbunduhewawining owh Keche‐Oojechaug kuhya emuh mushkahwezewining.
5Ewh kedabwayanduhmoowinewah cheähyahsenook emuh oonebwahkahwinewaung egewh enenewug, emuh atuh oomushkahwezewining owh Kesha‐Muhnedoo.
6Nedebahdooduhmin suh ewh nebwahkahwin emuh anduhzhe‐ahyahwaud egewh kache‐nesittootahgajig: kahween oomah uhkeeng duhzhe‐nebwahkahwin, kah kuhya oonebwahkahwinewah egewh oomah uhkeeng duhzhe oogemaug, kanishwahnahdezejig:
7Nedebahdooduhmin dush ween oonebwahkahwin owh Kesha‐Muhnedoo emuh muhmuhkauj‐kekanjegawining, ewh kuhyahchegahdag nebwahkahwin, Kesha‐Muhnedoo kahahtood chepwah uhkeewung cheöonje‐peshegandahgoozeyung:
8Egewh oomah uhkeeng duhzhe oogemaug kahkekanduhsigwah: kishpin muh kekekanduhmoowahpun, kahween oodahgeähgwahquahahsewaun enewh Tabanduhmenejin peshigandahgoozewin.
9Ewh suh azhebeëgahdag, Kahween ooshkinzhegoomah oogewahbunduhseen, kuhya kahween ootuhwugahmah oogenoonduhseen, kah kuhya kepeendegamahgussenoon emuh oodaïng ahweyah enene enewh uhyeëen kahwahwazhetuhmahwahjin owh Kesha‐Muhnedoo enewh suhyahgeëgoojin.
10Kegewahbunduhegoonaun suh owh Kesha‐Muhnedoo oonje enewh Oojechaugwun: owh muh Keche‐Oojechaug oonoondoonaäunun kuhkenuh uhyeëen, mesuhwah goo kahmoodukkin ooduhyeemun owh Kesha‐Muhnedoo.
11Ahwanan muh enene kakandung ooduhyeemene enewh enenewun, mesuh atuh enene oojechaugwun enewh peenjenuh ayahwahjin? mesuh kuhya ooduhyeemun owh Kesha Muhnedoo kahween ahweyah ookekanduhsenun, me atuh Oojechaugwun owh Kesha‐Muhnedoo.
12Kenuhwind dush kegeöodahpenahnaun, kahween uhkeeng duhzhe oojechaugoomah, oojechaugoomah atuh Kesha‐Muhnedoong wanjeed; cheöonje‐kekanduhmung enewh uhyeëen wanepuzh kahmenenung owh Kesha‐Muhnedoo.
13Mesuh enewh dabahdooduhmaungin, kahween enewh ekedoowinun nindahyoosenahnin azhekekenooähmahgamahguk enene oonebwahkahwin, me atuh azhekekenooähmahgad owh Keche‐Oojechaug; mahwahwe nahnahgahdahwandahmaung wajechaugwandahgwukkin uhyeëen.
14Owh muh tebenuhwa oodenahdezewining anahdezid enene kahween oodoodahpenunsenun ooduhyeemun Kesha‐Muhnedoo Oojechaugwun, ookuhkebahdandaunun suh, kah dush ookushketooseen chekekandungebun, owh Oojechaug muh ahwe wanje‐kekanjegahdag.
15Owh dush ayahwaud enewh Keche‐Oojechaugwun ootebahkindaunun kuhkenuh uhyeëen, ween dush ween kahween ootebahkoonegooseen ahweyah.
16Ahwanan dush owh kahkekandung oodenanduhmoowin owh Tabaningad, cheöonje‐kekenooähmahwaud enewh? Nenuhwind suh nindahyahmin oodenanduhmoowin owh Christ.
Currently Selected:
I. CORINTHIANUN 2: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
