Popular Bible Verses from I. CORINTHIANUN 2

Share

Ewh suh azhebeëgahdag, Kahween ooshkinzhegoomah oogewahbunduhseen, kuhya kahween ootuhwugahmah oogenoonduhseen, kah kuhya kepeendegamahgussenoon emuh oodaïng ahweyah enene enewh uhyeëen kahwahwazhetuhmahwahjin owh Kesha‐Muhnedoo enewh suhyahgeëgoojin.

Owh muh tebenuhwa oodenahdezewining anahdezid enene kahween oodoodahpenunsenun ooduhyeemun Kesha‐Muhnedoo Oojechaugwun, ookuhkebahdandaunun suh, kah dush ookushketooseen chekekandungebun, owh Oojechaug muh ahwe wanje‐kekanjegahdag.

Kegewahbunduhegoonaun suh owh Kesha‐Muhnedoo oonje enewh Oojechaugwun: owh muh Keche‐Oojechaug oonoondoonaäunun kuhkenuh uhyeëen, mesuhwah goo kahmoodukkin ooduhyeemun owh Kesha‐Muhnedoo.

Kenuhwind dush kegeöodahpenahnaun, kahween uhkeeng duhzhe oojechaugoomah, oojechaugoomah atuh Kesha‐Muhnedoong wanjeed; cheöonje‐kekanduhmung enewh uhyeëen wanepuzh kahmenenung owh Kesha‐Muhnedoo.

Kuhya ninkekedoowin kuhya nekuhgequawin kahween keëzheähyahsenoon emuh manootahgwuk ekedoowining azhekeezhwamahgudenig enene oonebwahkahwin, emuh atuh oowahbunduhewawining owh Keche‐Oojechaug kuhya emuh mushkahwezewining. Ewh kedabwayanduhmoowinewah cheähyahsenook emuh oonebwahkahwinewaung egewh enenewug, emuh atuh oomushkahwezewining owh Kesha‐Muhnedoo.