I. CORINTHIANUN 12
12
1Anandahgwuk dush ween enewh oojechaugoowine‐meegawawinun, nejekewaëdoog, kahween nindenanduhse chekekanduhsewag.
2Kekekandahnahwah suh chepwah ahnuhmeähyag, keëzheweenegooyag emuh ahyahwaud egewh natuh‐kekedoosigoog muzzeneneeg, kahezhesahgahbegenegooyag.
3Keweenduhmoonenim dush, kahween ahweyah enene oonje kekedood emuh Oojechaugoong owh Kesha‐Muhnedoo, kuhgwahnesuggandahgooze oodenahseen enewh Jesusun: kahween kuhya ahweyah enene kushketoose tebaninga owh Jesus cheëkedood, kekenooähmahgood atuh enewh Keche‐Oojechaugwun.
4Puhpukkaunandahgwudoon suh dush enewh meegewawinun, me dush goo ween nahsaub Oojechaugoomah.
5Kuhya puhpukkaunandahgwudoon enewh ahnookeewinun, ween goo nahsaub Tabaningad.
6Puhpukkaunandahgwudoon enewh kushkeäwezewinun, me dush goo owh nahsaub Kesha‐Muhnedoo anookeed kuhkenuh enewh uhyeëen emuh weyowening kuhkenuh enenewun.
7Ewh dush ween Keche‐Oojechaug oowahsayahzewin anduhshid enene meenah cheöondezid.
8Pazhik suh oomeenegoon enewh Keche‐Oojechaugwun ewh nebwahkahwine ekedoowin; pakahnezid dush kekanjegawine ekedoowin nahsaub enewh Keche‐Oojechaugwun;
9Pakahnezid dabwayanduhmoowin oomeenegoon enewh nahsaub Keche‐Oojechaugwun; pakahnezid noojemooëwawine kushkeäwezewinun nahsaub egoo enewh Keche‐Oojechaugwun;
10Pakahnezid mahmaunduh‐ahnookeewinun; menuhwah pakahnezid aunwahjegawin; menuhwah pakahnezid chekekanemaud enewh oojechaugoomaun; pakahnezid dush ahnooj papukkaunukkin inwawinun; pakahnezid dush cheähneekenootung inwawinun:
11Me dush kuhkenuh oonoo ahnookeed owh puhyazhegood Oojechaug, muhmeenaud kuhkenuh enenewun ween egoo enandung.
12Debishkoo muh azhepazhikwung weyowemah, bahtuhyenudoon dush pukkawezewinun, kuhkenuh dush pukkawezewinun ahnoo goo bahtuhyeënuk, tebandahgwudoon pazhik weyowemaung: mesuh azheähyaud owh Christ.
13Oonje mah pazhik Keche‐Oojechaug kuhkenuh kebaptizooëgoomin emuh pazhik weyowemaung, kishpin Jew-ewewungan gamuh mayuggezewungan, kishpin buhmeetahgawungan gamuh tebanindezoowungan; kuhya kegepuhgedenahmahgoomin chemenequayung emuh pazhik Keche‐Oojechaugoomaung.
14Kah muh pazhikwunsenoon ewh pukkawezewin emuh weyowemaung, bahtuhyeënudoon suh goo.
15Kishpin oosittahmah oo‐oo kaëkedoomahguk, Oonje ooneenjemah ahwesewaun, kah nintebandahgoozese emuh weyowemaung; kah nuh oo‐oo oonje‐tebandahgwussenoon emuh weyowemaung?
16Kishpin dush ootuhwugahmah oo‐oo kaëkedoomahguk, Oonje ooshkinzhegoomah ahwesewaun, kah nintebandahgoozese emuh weyowemaung; kah nuh oonje‐te bandahgwussenoon emuh weyowemaung?
17Kishpin kuhkenuh anegookwaug weyowemah ooshkinzhegoomah ahwungebun, ahneende kaöonje‐noondahgang? Kishpin dush kuhkenuh anegookwaug weyowemah ootahwugahmah ahwungebun, ahneende kaöonje‐menaun-jegangebun?
18Benuh dush Kesha‐Muhnedoo oogeähtoonun kuhkenuh enewh pukkawezewinun emuh weyowemaung, debishkoo ween azheminwandung.
19Kishpin pazhigwungebuneen enewh pukkawezewinun, ahneende dush ewh weyowemah?
20Bahtuhyeënudoon gooshah enewh pukkawezewinun, pazhikwun dush ewh weyowemah.
21Ewh dush ooshkinzhegoomah kahween oogahedunseen ewh ooneenjemah, Kahween kenunduhwanemesenoon: menuhwah dush ooshtequaunemah kahween oogahedunseenun enewh oosittahmaun, kahween kenunduhwanemesenoonim.
22Kagate ahwahshema nundahwandahgwudoon oonoo pukkawezewinun emuh weyowemaung, nahwuj naneenuh-mukkin anandahgwukkin:
23Kuhya dush oonoo pukkawezewinun emuh weyowemaung, noondaush ahpeetandahgwudoon ananduhmaung, me suh ween oonoo kache‐menoo‐guhnuhwanduhmaung, kuhya enewh mahyahnahbuhmenahgwukin kepukkawezewinenahnin, mesuh oonoo ahwahshema anookeetuhmungoon cheminwahbuhmenahgwuk.
24Kah muh enewh manwahbuhmenahgwukkin kepukkawezewinenahnin mahnazemahgussenoon: Kesha‐Muhnedoo oogemahmahwesittoon ewh weyowemah, ahwahshema cheähpeetandahgwuk ewh pukkawezewin noondaush kahahpeetandahgwuk:
25Cheduhgoomahgussenook pukkaëdewin emuh weyowemaung; kuhkenuh dush enewh pukkawezewinun nahsaub chebahbahmanindemahguk.
26Kishpin dush pazhik pukkawezewin kootuggetoomahguk, mahmahwe kootuggetoomahgudoon kuhkenuh enewh pukkawezewinun; kishpin pazhik pukkawezewin kechetwahwechegahdag, ooweeje‐moojegezetuhmahgoon kuhkenuh enewh pukkawezewinun.
27Kenuhwah dush kedahwim ooweyow owh Christ, kuhya anduhsheyag kedoopukkawezewinemegoowah.
28Kesha‐Muhnedoo dush oogeähsaun enewh ahnind emuh ahnuhmeähwining, netum apostleün, menuhwah dush aunwahjega‐wenenewun, menuhwah dush kakenooahmahganejin, menuhwah dush enewh mahmaundahwejegawinun, menuhwah dush enewh nahnaunduheëwawine meegewawinun, weedookahgawinun, oogemahkundahgawinun, papukkaun inwawinun.
29Kuhkenuh nuh apostleëwewug? kuhkenuh nuh aunwahjega‐wenenewewug? kuhkenuh nuh kekenooähmahgawug? kuhkenuh nuh mahmaundah‐ahnookeewug?
30Kuhkenuh nuh oodahyahnahwah nuhnaunduhewawine‐meegewawinun? kuhkenuh nuh inwawug ahnooj papukkaun inwawinun? kuhkenuh nuh ahneekuhnootahgawug?
31Ahpeche nunduhwanduhmook enewh mahyahmahwe wanesheshingin meegewawinun: pooch edush kewahbunduhenim nahwuj wanesheshing meekunuh.
Currently Selected:
I. CORINTHIANUN 12: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
