I. CORINTHIANUN 13
13
1Mesuhwah goo inwayaun oodinwawinewah egewh enenewug kuhya egewh angenug, ahyaunsewaun dush ewh sahgeëwawin, oozahwahbik matwayahbikahuh-mingin, gamuh kuhya muhtwayahbikaheguning nindezheahyah.
2Mesuhwah goo netuh‐aunwahjegayaunbaun, kuhya kekekanduhmaunbaun kuhkenuh enewh kahmoodukin, kuhya kuhkenuh kekanjegawinun; mesuhwah goo mahmahwe dabwayanduhmooyaunbaun ewh chekushketooyaunbaun cheëkoonuhmaunbaun enewh wahjewinun, ahyaunsewaun dush ewh sahgeëwawin, kah ningood nindahpeetandahgoozese.
3Kuhya mesuhwah meegewayaun kuhkenuh enewh ninduhyeemun cheähshummugwahpun egewh katemahgezejig, kuhya puhgedenuhmaun ewh neyow chechahgezuhming, ahyaunsewaun dush ewh sahgeëwawin, kah gagoo nindoondezese.
4Sahgeëwawin zebishkahje‐kedahzoomahgud, kuhya nookahdezemahgud; sahgeëwawin kahween sheenganjegamahgussenoon, kuhya kahween wahwezhanindezoomahgussenoon, kuhya kahween kechetwahwanemoomahgussenoon.
5Kahween wuhsittahwe‐ezhewabezemahgussenoon, kahween nunduhwanduhmoomahgussenoon tebenuhwa ooduhyeemun, kahween wuhkawegedahzoomahgussenoon, kah kuhnuhga mujje‐enanduhmoomahgussenoon;
6Kahween moojegezemahgussenoon oonje ewh mujje‐ezhewabezewin, dabwawin atuh oonje‐moojegezemahgud;
7Mahmahwe soonguhmunduhmoomahgud, mahmahwe dabwatuhmoomahgud, mahmahwe ahpanemoomahgud, mahmahwe aunwahdanduhmoomahgud.
8Sahgeëwawin kah wekah tahishquahsasenoon: mesuhwah atag enewh aunwahjegawinun, tahishquahsawun; mesuhwah atag inwawinun, tahishquahsawun; mesuhwah atag kekanjegawin, tahungoomahgud.
9Punge muh atuh kekekanjegamin, kuhya punge atuh kedaunwahjegamin.
10Uhpe dush ewh quuhyukwanjegawin tagwishenenoomahguk, me dush uhpe ewh pangeshawuk kaüngoochegahdag.
11Magwah ahbenoojeëweyaunbaun, ahbenoojeëeng ningeëzhekekid, ahbenoojeëeng ningeëzhenesittootum, ahbenoojeëeng ningeënandum: uhpe aneneweyaun, ningewabenaunun enewh ahbenooje‐uhyeëen.
12Noongoom suh ahgahwah kewahbemin, debishkoo ahweyah wahbunjegad emuh wahbumoojechaugwuning; bahnemah dush azhewahbundewaud egewh pashoo wuhyahbundejig kegahezhewahbemin; noongoom ahgahwah nekekanjega; bahnemah dush ween ningahezhekekanjega debishkoo azhekekanemegooyaun.
13Noongoom dush duhgoomahgudoon oonoo neswe, dabwayanduhmoowin, ahpanemoowin, kuhya sahgeëwawin; mahmahwe suh goo keche‐enandahgwud ewh sahgeëwawin.
Currently Selected:
I. CORINTHIANUN 13: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
