I. CORINTHIANUN 11
11
1Kekenoowahbuhmeshig, debishkoo kuhya neen azhekekenoowahbuhmug Christ.
2Benuh dush, nejekewaëdoog, keminwanemenim ewh mequanemeyag enewh kuhkenuh uhyeëen, kuhya guhnuhwanduhmag enewh kuhgequawinun, kahezhepuhgedenuhmoonuhgoog.
3Kenunduhwanemenim dush chekekanduhmag, ewh Christ negahnezekundahwaud enewh kuhkenuh enenewun; kuhya owh enene negaunezekundahwaud enewh equawun; kuhya owh Kesha‐Muhnedoo negahnezekundahwaud enewh Christun.
4Anduhshid enene kishpin anuhmeähjin gamuh kagequajin ooweewuhquahnid oobahpenoodaun ooshtequaun.
5Kuhya anduhshid equa uhpe anuhmeähjin gamuh kagequajin kakeejewewuhquaunad, oobahpenoodaun ooshtequaun me goo debishkoo moozhwoond.
6Kishpin dush equa ahyoosig ewh wewuhquaun, mahnoo tahmoozhwah: kishpin ahgujjeed equa chemoozh-woondepun, mahnoo tahoowewuhquaune.
7Kah suh kagate tahoowewuhquaunese owh enene, ween muh ahwe oodezhenahgoozewin kuhya oopeshegandahgoozewin owh Kesha Muhnedoo: owh dush equa ahwe oopeshegandahgoozewin owh enene.
8Kah muh enene keöonjeese emuh equang: equa atuh keöonjee emuh eneneeng.
9Kah kuhya owh enene keöonje‐oozheähse enewh equawun; equa atuh keöonje‐oozheäh enewh enenewun.
10Mesuh kaöonje‐oowewuhquaunid owh equa oonje enewh angenun.
11Benuh dush, kahween tahahyahse owh enene ahyahsig owh equa, kah kuhya owh equa tahahyahse ahyahsig owh enene, oonje owh Tabaningad.
12Debishkoo muh owh equa oonje ahyaud enewh enenewun, me suh kuhya owh enene oonje‐neegid emuh equang; kuhkenuh dush ween enewh uhyeëen oonjeemahgudoon emuh Kesha‐Muhnedoong.
13Nahnahgahdahwanindezooyook; minwahbuhmenahgooze nuh owh equa ahnuhmeätuhwaud enewh Kesha‐Muhnedoon oowewuhquaunesig?
14Kah nuh pooch kenuhwah tebenuhwa kedenahdezewinewah kedoonje‐kekanduhseem, ewh kishpin kuhgaunwahnequad owh enene tahahgujjeäh?
15Kishpin atuh equa kuhgaunwahnequad, mesuh oopeshegandahgoozewin, cheähgwid muh kahoonje‐meenind oomenesisun.
16Kishpin dush ahweyah enene wekekahwetung, kahween maunduh ezhewabezewin nindahyaunsemin, kah kuhya egewh tabandahgoozejig emuh oodahnuhmeähwining owh Kesha‐Muhnedoo.
17Maunduh dush waunduhmoonenuhgoog kahween kewahwezhanemesenoonim, kahween oonesheshinsenoon azhemahwunjeëdeyag, mahnahdud suh goo.
18Netum, uhpe mahyahwunjeëdeyagoon emuh ahnuhmeä‐weguhmigoong, nindenetahga chepukkaun‐anindeyag; kuhya anewak nedabwatum.
19Nunduhwandahgwud muh cheähtag pukkaun‐anindewinun emuh anduhzhe‐ahyahyag, cheöonje‐mezheshuhwahbuhmenahgoozewaud egewh manwandahgoozejig kenuhwah anduhsheyag.
20Mahyahwunjeëdeyagoon, kahween chemeejeyag ewh Tabaningad ooshuhkuhmooningawin kedoonje‐mahwunjeëdeseem wahseneyagoon.
21Tatabenuhwa anduhsheyag kemeejenahwah kewesinewinewah chepwah wesenewaud pakahnezejig: pazhik dush puhkudda, menuhwah dush pazhik kewushquabe.
22Ahneen? kah nuh ween kedahyaunsenahwah enewh wegewaumun kaduhzhe‐weseneyagoobun kuhya kaduhzhe-menequayagoobun? kewebahpenuhdahnahwah nuh ewh Kesha‐Muhnedoo oodahnuhmeä‐weguhmig, kuhya kedahgujjeäug egewh wuhyahnuhdezesigoog? Ahneen kaënenuhgoog? kegahoonje‐wahwezhanemenim nuh? Kah suh ween kewahwezhanemesenoonim.
23Ningewahweenduhmaug gooshah owh Tabaningad ewh kahwahweenduhmoonenuhgoog, owh Tabaningad Jesus ewh tebekudenig uhpe bahyahtuhind oogeöoodahpenaun buhquazhegun:
24Kahmahmooyahwad dush, oogebuhquabenaun, oo‐oo dush keëkedood, Oodahpenik, ahmook: me suh oo‐oo neyow, kenuhwah wanje‐pegoobejegahdag: oo‐oo ezhechegayook chemequanemeyag.
25Me dush nahsaub kahishquah‐wesenid, keöodahpenung ewh menequahjegun, oo‐oo keëkedood, Me suh maunduh menequahjegun ahyahwung ewh ooshke‐kekindewin emuh nemisqueeming: oo‐oo ezhechegayook, duhshing manequayagoon, chemequanemeyag.
26Menik duhshing amwagoon wah‐owh buhquazhegun, kuhya manequayagoon maunduh menequahjegun, kewahbundahewanahwah ewh ooneboowin owh Tabaningad nahnauzh egoo chetuhgwishing.
27Ahwagwan dush kaäumwahgwan wah‐owh buhquazhegun, gamuh kamenequagwan oo‐oo Tabaningad oomenequahjegun, anandahgoozesig, oobahpenoodaun ewh weyow kuhya ewh oomisqueem owh Tabaningad.
28Mahnoo tahnahnahgahdahwanindezoo enene, me suh dush kaëzheäumwaud enewh buhquazhegunun, kuhya kaëzhemenequad ewh menequahjegun.
29Owh muh wahsenid kuhya manequad anandahgoozesig, oomeejin kuhya oomenequan tebenuhwa oonahneboondewin, kah muh oonahnahgahdahwanduhseen Taba-anejin weyowene.
30Me suh oo‐oo nebewah wanje‐shahgwewewaud kuhya wanje‐ahkoozewaud anduhzhe ahyahyag, ahnind dush wanje‐nebahwaud.
31Kishpin muh tebahkoonedizzooyungoobun, kahween kedahgetebahkoonegoosemin.
32Uhpe dush tebahkoonegooyung, kekooduggeëgoonaun owh Tabaningad, chetuhgoo‐nahneboomegoosewung oo‐oo uhkee.
33Benuh dush, nejekewaëdoog, uhpe pahmahwunje-edeyagoon cheweseneyag, peëdeyook suh.
34Kishpin dush ahweyah puhkuddad, mahnoo andaud tahnahkahwa‐wesene; cheëzhemahwunjeëdesewag emuh nahneboondewining. Enewh dush ween ahnind ningahquuhyukoosittoonun bahnemah tagwishenaun.
Currently Selected:
I. CORINTHIANUN 11: OTW
Highlight
Copy
Compare
Share
Want to have your highlights saved across all your devices? Sign up or sign in
Psalms published by the Canadian Bible Society 1856. New Testament and Pentateuch published by the Society for Promoting Christian Knowledge (SPCK) 1861-1874.
