نامَه اَفسوسی کلیسارا 4
4
مسیح تَنیکا ایلَه آبِه
1پس اَز کن خداوندیرا زیندانیکامَه، شمَکا خاشتو خازِمه صلاییی کن بَشمَه ژَشونه شئنی نَه، رفتار بکرَ، 2کامیلَه فروتنی و مولایمتینَه؛ و صبرینَه و موحبتینه یَندِ تاو بوعَرَ. 3تقلا بکرَ تا اَ ایلَه آبِه، کن خدا روح کارَ، صلح و سلامتینَه غَم برَ. 4هَته کن ایلَه تَن، ایلَه روحه، خدا نی اَ موقه کن بَشِمَه صَلا ژِشَه ایلَه اومید بَشِمَه آداشَه؛ 5ایلَه خداوند، ایلَه ایمان، ایلَه غسل تعمید؛ 6و ایلَه خدا و گردی دَدَ کن گِردیکا کفاتَرَ، گِردی دلَکا کار بَکَی، و گِردی دلَکارَ.
7ولی اَمه هر کِرَمیرا مسیح بخشِشی اَندازَ، فِیضِشون بخشِستیَه. 8اِمی خاطر کیتاو مَزمور باتیَه:
«هَنگومی کن اَ عرش بَرینیرا کَفا شَه،
ایی لَشکَر اسیرونکا بَشتنَه بَردِش،
و اَ برکَه خلااون مردومی آداشَه.»
9اِم گَف کن «اَ کفارا شَه»، معنی چِه چییَه، غَیرَاز اِمکن زَمینی پست ترین جِگا اونرا بِن ویرمَه بَه؟ 10اَ کن بنیرا ویرمَه، هیَه کن گردِ آستامونونکا کفاتَر شَه، تا همَه چییون اِشتَن حِضورینه پتلمَه آکَرِ. 11و هَیَه کن رسولِنِش آدوعَه و پیغمبَرون، و موبَشِرون، شونَه اِن، موعَلَّیمِون آداشَه، 12تا موقدسَه آدَمون خیدمت کَردِ کاریرا آمادَ آکَرِ، مسیح تنی بَنا آکَردِرا، 13تا زمانی کن گرد ایمانیکا ایلَه آبَم و خدا زوعَه آزنِستِه کا ایلَه آبَم، تا اِنترَکه ایلَه کامیلَه اینسانی اَندازَ یال آبَم، تا مسیح برزَ قامتیکا آرَسَم.
14پس دِ هنته خِردَنون شیوار آنیمونَب، کن موجون نَّه اَمه هر طَرَفیرا ویدارِن و موختلیفَه آموجن و آدَمون مکر و حیلَه وا، اَ نقشَه اونیکا کن چَمَه گومرا کردِرا بَکشتین، اَمه اِم وَر اَ وَریرا ببَرِ. 15بسکم حَییقتی واتِه نَه، موحبَتیکا، هر لحاظیکا، اَ کَسی کن سَرَ اَندازَ، یعنی مسیح، پِ روعَم. 16چَی دلَکارَ کن تَنی گردِ جِگا اِن، چَتوَرینَه کن بَی مربوطه یَندِ دَنَه چیکِست و آمبَست آنَّب، تا هر کِرَم عُضوونکا دِرِست کار بِکَن، تَن پِرَرا و و بَشتَن موحبَتی دلَکا بنا بَکَی.
تازَ زندَگی
17پس اِمی باتیمَه و خداوندیکا هَنی باتیم، کن دِ شمَه رفتار نِباید هنتَه اَ قامِنی شیوار کن خدا آنینَزنِست ببو، کن اِشتَن دَدارَ فکرونَّه رفتار بَکَن. 18چَوون عَقِل تاریک آبیَه، و نافَم گیری خونه کن چَوون سنگ دلی نتیجه یَه، خدا زندَگیکا رَت آبَه این. 19اَیِن سنگ دل آبَه اینَه، و بَشتَنِشون هرزَگی دَست آدوعَیَه، اَنه کن طمَه کردِ نَه هر ناپارکیرا بال بَژَن. 20ولی شمَه مسیحِرون اِنتَرَ آموج گَتَرون نییَه، 21البَت کن اَگَم گَمون بکرَم، کن چَی خونه درَستَرون و اَ حَییقتی سَردِرِ کن عیسی کا اَ، آموج گَتَرون. 22تا شمه گذَشته زندَگی روِش، یعنی اَ قدیمَه اینسانی کن حیلَه بازَ مِیلون واسیطنَه مِچِم بَه، شمَه تَنیکا بِرِنِرون بَروَرد. 23شمه فکر روح دلَکا تازَ آبو، 24و تازَ اینسانی، کن حییقیَه صالِح بِه و قودوسیَّتیکا اَ، و هنتَه خدا شیوار خلق آبَیَه، دکَرَ.
25پس، دِروو کا دس پِگِرَ، هر کِرَم شمَکا اِشتَن خَمسوعَنَه، راستَه گف بواجِه، چیرا کن اَمه گِرد، یَندِ ایلَه اَعضاایمون. 26«آسرَنگَه، ولی گِناخ نِکَرَ» نَرزَ شمه روج تمون آبو و شمَه هَنوزَنی غَضَّبیکا بِبَه، 27و ابلیسی فِرصَت نِدَرَ. 28پِتارچی دِ مَپِتارِ، بَسکم زَمَت بکَشِه، و اِشتَن بالونَّه صیداقَتینَه کار بکَرِ، تا بشا دَسدَریسون نی چیی ایی بدرِ.
29شمَه گَو بَدَ گفیرا آج آنِبو، بَلکَم شمَه گَفِن گِرد دییَرَ آدَمون بنا کردِرا کار با و نیازی براووردَ بکرَ، و اَدَرَسونرا فیض آرَسونِه. 30خدا موقدسَه روح کن اَینَه رخِستِه روجیرا مُهر بَه ایرون، برضَخ آنِکرَ. 31هر مودیل تِل گیری، غَضَّب، آسرَنگِستِه، جِکَّله، ایفترا و هر مودیل بَد پیستِه بَشتنکا رَت آکَرَ. 32یَندِ نَه مِربان دلسوز ببَه و هته کن خدا بشِمَه مسیح دلَکا بخشِستِشَه، شمه نی یَندِ ببَخشَه.
Currently Selected:
نامَه اَفسوسی کلیسارا 4: CTB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
