Colosas 4

1Amo hide, magin mabait kam sakay pantay u pángtrato moy tu alipin hide. Alalahanán moy a tehhod kam be a Panginoon ti langet.#4:1 Basaán tu Levitico 25:43, 52; Efeso 6:9.

Bilin Hide

2Dyan kam magsasawa a magdasal. Ituun moy a pirme u isip moy tu págdasal sakay lagi kam a magpasalamat tu Diyos.#4:2 Basaán tu Roma 12:12. 3Ipagdasal moy kame be a atádden kame nu Diyos ti pagkakataun a mepahayag me u upos na tungkul ni Cristo a nelihim tu itod. Iye u dahilan nu kákkepireso ko nadid. 4Ipagdasalák moy be a mepangaral ko iye ti maganda, sakay tu nerarapat.

5Magingat kam tu pákpággagum moy tu awan hide mánnampalataya. Samantalaán moy u atanan a pagkakataun a mebahagi u pánnampalataya moy.#4:5 Basaán tu Efeso 5:16. 6Pilitán moy a mawile hide tu pákpágguhon de nikam sakay adalán moy ti maganda ni kodya moy a tábbegán ti tama u balang essa.

Pangdimodyan a Pángngumusta

7Ti Tiquico a mahal me a kapatkákka ti pánnampalataya sakay kapareho ko be a alipin nu Panginoon, u mángbaheta nikam tu atanan a bagay tungkul tu kalagayan kuhe.#4:7 Basaán tu Gimet 20:4, 2 Timoteo 4:12. 8Pinaangay ko siya hina para matukuyan moy u kalagayan me, tánni bumegsák u isip moy.#4:7-8 Basaán tu Efeso 6:21-22. 9Sakay kaguman na ti Onesimo, u tapat sakay mahal tam a kapatkákka ti pánnampalataya. Hide u mángbaheta nikam tu atanan a nangyare he. #4:9 Basaán tu Filemon 1:10-12.

10Kumustaán kambe ni Aristarco a kaguman ko be a nakapireso, sakay ti Markos a pensan ni Bernabe. (Konna tu imbilin ko nikam tu itod tungkul ni Markos, tanggapán moy siya ti mahusay káddemát na hina.)#4:10 Basaán tu Gimet 19:29, 27:2, Filemon 1:24, Gimet 12:12, 25, 13:13, 15:37-39. 11Kumusta kam kálla be kagi ni Jesus a nginahanan de a Justo. Hide la a tállo u Kristiyano a Judio he a timmulung nikán tu pángngaral tungkul tu pághare nu Diyos. Hide u nangpabegsák tu isip ko.#4:10-11 Basaán tu Gimet 19:29, 27:2, Filemon 1:24.

12Mákkumusta be nikam u kabanuwan moy a ti Epafras a alipin ni Cristo Jesus. Pirme nakam a idáddasal ti mataimtim a manatile kam a matatag, lumagu, sakay pirmi a sumunud tu kaluuban nu Diyos.#4:12 Basaán tu Colosas 1:7, Filemon 1:23. 13Tistiguwák tu págsumikap na para nikam sakay tu katoy hide ti Laodicea sakay Hierapolis. 14Mákkumusta be nikam ti Lukas, u mahal tam a doktor, sakay ti Demas.#4:14 Basaán tu 2 Timoteo 4:10-11, Filemon 1:24.

15Ikumustaák moy dálla tu kákkapatkákka tam hide ti Laodicea, ni Nimfa sakay tu mánnampalataya hide a mamággipun-ipun tu bilay na. 16Pákkabasa moy ti sulatan iye, ay ipabasa moy be tu mánnampalataya hide ti Laodicea. Sakay basaán moy be u sulat ko a gábwat hod. 17Sakay kagiyán moy pay ni Arquipo a itulos-tulos na u gawain a tinanggap na tu Panginoon.#4:17 Basaán tu Filemon 1:2.

18Hikán a ti Pablo i nágsulatay ti iye a pángngumusta, tánni matukuyan moy a iye a sulat ay talaga gábwat nikán. Diyan moy kalimunan a nakapiresuwák ipagdasalák moy.

Pagpalaán kam nu Diyos.#4:18 Basaán tu 1 Corinto 16:21.

Currently Selected:

Colosas 4: MBJC

Highlight

Compare

Copy