Colosas 2

1Nadid, gusto ko a matukuyan moy ni sa kodya ti kadakál u pághirap ko para nikam, konna be tu taga-Laodicea hide, sakay tu atanan a awan palla hide naketa nikán. 2Gággimitán ku iye para pabegsákkán takam a atanan sakay pagkaessaán a magmahalan tu balang essa. Tánni matukuyan sakay maintendiyan moy ti husto u plano nu Diyos a inlihim na tu itod tungkul ni Cristo. 3Katoy nikuna u atanan a karunungan nu Diyos. Siya u kumán a suse para maitendiyan u isip nu Diyos.#2:3 Basaán tu Isaias 45:3.

4Kákkagiyán ko iye nikam tánni awan kam metawtaw nu deyaman tu pamamag-itan nu mágkaganda a pággupos. 5Maski ni awanák hina, ay lagi kam tu isip ko. Masayaák dipo mapayapa u kákkabiyag moy sakay matibay u pánnampalataya moy ni Cristo.

Ganap a kákkabiyag ni Cristo

6Ta tinanggap moy dán ti Cristo Jesus bilang Panginoon, ay dapat mabiyag kam a karapat-dapat nikuna. 7Manatile kam nikuna sakay tulos-tulos a lumagu tu pákkakilala moy nikuna. Magpakatibay kam tu pánnampalataya a netoldu nikam, sakay lagi kam a magpasalamat tu Diyos.

8Magingat kam tánni awan kam madaya nu maskin deya tu pamamag-itan nu awan hide ti kabuluhan a makadaya a toldu a awan naggábwat ni Cristo, nan kagi-kagi la nu mágkatanda hide sakay nu mágkadukás a ispirito. 9Kaya diyan kam padaya dipo u buo a pagka-Diyos ay katoy ni Cristo maskin nagin tolay siya. 10Sakay dipo tu pákpagkaessa moy nikuna, ay hod dán nikam u atanan a kailangan moy tu pánnampalataya moy. Ti Cristo u puno tu atanan a te kapangyariyan sakay kapamahalaan.#2:10 Basaán tu Efeso 1:21-22.

11Dipo tu pákpagkaessa moy ni Cristo, ay kumán kamon a nature. Pero bakán a tu págture a gimitán nu tolay nan u págture a gábwat ni Cristo, a awan ti agum nan tu páng-adág tu mágkadukás a kagustuwan nu bággi. 12Sakay nikuna mabawtismuwan kamon, ay kumán kamon a nelábbáng a kaguman ni Cristo sakay nabiyag kam a huway a kaguman na dipo tu pánniwala moy tu kapangyariyan nu Diyos a nangbiyag nikuna a huway.#2:12 Basaán tu Roma 6:4. 13Tu itod, ay nebilang kam a patay dipo tu kasalanan moy hide. Pero nadid ay biniyag kamon nu Diyos a kaguman ni Cristo. Sakay pinatawad na u kasalanan tam hide.#2:13 Basaán tu Efeso 2:1-5. 14Tehhod kitam nakwa a panagutan tu Diyos dipo awan tam natupad u Kautusan. Pero imbut iye nu Diyos tu pamamagitan nu kákkepako ni Cristo tu kudus. Kaya awan na kitamon parusaan.#2:14 Basaán tu Efeso 2:15. 15Tu pamamag-itan nu kákkatay na tu kudus, ay natalo na ti Satanas sakay u mágkadukas hide a ispirito a pamunuwan na. Sakay impeta na tu atanan a hide ay awan dán ti kaya a mamuno nikitam Iye u katunayan a nagtagumpay siya.#2:15 Basaán tu Efeso 1:21.

16Kanya dyan kamon pasakup tu ánya man a patakaran tungkul tu makan oni mainom, tungkul tu piyesta, tu bigu a bulan oni tu Aldew nu Káimang.#2:16 Basaán tu Roma 14:1-12. 17Iye hide ay anino la nu bagay hide a pademát. Pero ti Cristo u katupaden ni iye hide a atanan.#2:17 Basaán tu Efeso 1:23. 18Dyan kam maniwala tu mángpeta hide tu liwat de a págpakumbaba sakay magsamba tu anghel hide. Ipagmadakál de a mas higit hide nikam dipo tu pangitain de hide pero u tatahoden ay magmadakál la hide magmadakál la hide dipo tu makamundu de a isip. 19Awan hide magpasakup ni Cristo bilang ulo sakay te kapangyariyan tu buo a bággi a namagtongko-tongko sakay mangalaga nikitam a kumán a bággi na. Tu konna hod ay lumagu kitam ayun tu páglagu a gusto nu Diyos.#2:19 Basaán tu Efeso 1:22, 4:16.

U Bigu a Biyag ni Cristo

20Nákkatay kamon a kaguman ni Cristo sakay awan dán tu kapangyariyan nu mágkadukás hide a ispirito a maghare ti munduwáy. Bakin a sumunud kam pa tu patakaran hide a konna tu,#2:20 Basaán tu Galacia 4:3. 21“Diyan kumahap ti iye,” “Dyan umennam ti iye,” “Dyan kahapán iye”? 22Iye hide ay utus sakay toldu la nu tolay tungkul tu bagay hide a mawan.#2:22 Basaán tu Isaias 29:13, Markos 7:7. 23Ti bigla ileng, kumán ngane a maganda u págsamba tu anghel hide, u male a gággimitán a págpakababa sakay págpasaket tu bággi de. Pero iye hide ay awan ti metulung para mapigilan u mágkadukás a kagustuwan nu pilas.

Currently Selected:

Colosas 2: MBJC

Highlight

Compare

Copy