1 Tesalonica 5

Magin Handa tu Kássole nu Panginoon

1Kákkapátkákka ko hide, awan ku dán kailangan a isulat pa nikam ni nikan a mangyare i bagayan hidenye. #5:1 Basaán tu Gimet 1:7. 2Dipo tukoy moy dán a u káddemát nu Panginoon ay konna tu káddemát nu mágtakaw ti gibi.#5:2 Basaán tu 1 Corinto 1:8. 3Kapag kagiyán nu tolay hide a, “Tehhod a kapayapaan sakay awan kitamon ti kabalisaan” ay hed hod a bigla a dumemát u parusa a konna tu biglaan a paggássok nu essa a mabuktet. Kaya awan hide makaiwas ti iye.#5:3 Basaán tu 2 Tesalonica 1:9.

4Pero awan kamon tu kadiklámman kákkapatkákka, kaya awan kamon mabigla ni dumemát dán u Aldew nu Pághatul a konna tu káddemát nu essa a mágtakaw.#5:4 Basaán tu 1 Juan 2:8; Gimet 26:18. 5Sakup kamon nu Diyos. Kaya mabiyag kamon a atanan a konna tu essa a katoy tu demlag, bakán a konna tu essa a katoy tu kadiklámman. #5:5 Basaán tu Lukas 16:8. 6Kanya dapat kitam a pirme a lukag sakay nakahanda sakay malinaw ti pággisipan. Bakán a konna tu agum a tidug.#5:6 Basaán tu Roma 13:11; 1 Pedro 1:13. 7Awan beman sáktidug ni tolay ti gibi sakay ti gibi be hide a maglasing?#5:7 Basaán tu Gimet 2:15; 2 Pedro 2:13. 8Pero hikitam a sakup dán nu demlag ay dapat kitamon a magisip ti maayus. U pannampalataya sakay pagmahal u kuman a pangsangga a Isulot tam. Sakay u pag-asa nu kaligtasan a gimitán nikitam nu Diyos u kuman a helmet a mang-ingat nikitam.#5:8 Basaán tu Efeso 6:14, 23, 17; Roma 8:24. 9Awan kitam pinile nu Diyos para parusaan nan para iligtas na kitam tu pamamagitan nu Panginoon tam a ti Jesu Cristo.#5:9 Basaán tu 1 Tesalonica 1:10; 2 Tesalonica 2:13; Roma 14:9. 10Natay ti Jesu-Cristo para nikitam tánni maski natay kitamon oni biyag palla kássole na a huway ay mabiyag kitam a kaguman na. 11Kaya pabegsákkán moy u isip nu balang essa sakay magtulungan kam konna tu gággimitan moy nadid a panahun.

U Dimodyan a Bilin

12Kákkapatkákka mi hide, mákkekagbi kame nikam a igalang moy u nagpagud hide nikam, a pinile nu Panginoon a mamahala sakay magtoldu nikam.#5:12 Basaán tu 1 Corinto 16:18; 1 Timoteo 5:17; 1 Corinto 16:16; Roma 16:6, 12; 1 Corinto 15:10; Hebreo 13:17. 13Igalang moy hide ti husto sakay pakamahalán dipo tu tarabaho de nikam. Mamággagum kam ti maayus sakay mapayapa.#5:13 Basaán tu Markos 9:50.

14Kákkapatkákka mi hide, ipákkekagbi mi nikam a pagkagiyan moy u tamad hide sakay pabegsákkán moy u isip nu mágkahina hide sakay tulungan moy hide. Pagtiyagaan moy u atanan a tolay.#5:14 Basaán tu Isaias 35:4 Roma 14:1; 1 Corinto 8:7; 2 Tesalonica 3:6, 7, 11. 15Diyan kam gumante tu naggimet nikam ti madukás nan itulos-tulos moy la a maggimet ti maganda tu balang essa sakay tu atanan a tolay.#5:15 Basaán tu Roma 12:17; 1 Pedro 3:9 16Pirme kam a magsaya.#5:16 Basaán tu Roma 12:17; 1 Pedro 3:9. 17Pirme kam a magdasal.#5:17 Basaán tu Efeso 6:18. 18Sakay magpasalamat kam tu Diyos maski anya u mangyare. Dipo sa iye u kagustuwan nu Diyos a gimitan moy nadid a nakpagkaessa kamon ni Cristo Jesus. #5:18 Basaán tu Efeso 5:20. 19Dyan moy pugáddan u Banal a Ispirito.#5:19 Basaán tu Efeso 4:30. 20Dyan moy baliawanan u adal a gábwat tu Diyos. #5:20 Basaán tu 1 Corinto 14:31. 21Pagadalan moy ti husto u toldu hide ni iye ay gabwat tu Diyos oni awan sakay ni anya u maganda ay sala itod u sunudan moy. #5:21 Basaán tu 1 Corinto 14:29; 1 Juan 4:1. 22Umadeyo kam tu atanan a madukás.

23Nakwa ay lalu kam a gimitán a banal nu Diyos a tagapangatád ti kapayapaan. Sakay nakwa ay panatiliyán na a awan ti kapintasan u buo moy a pagkatolay, u ispirito moy, kaliduwwa sakay u baggi moy hanggan tu kássole nu Panginoon a ti Jesu-Cristo. #5:23 Basaán tu Roma 15:33. 24Matapat u Diyos a nangdulaw nikam kaya tupadán na iye a talaga. 25Kákkapatkákka mi hide, ipagdasal moy kami be. 26Sakay ikumusta moy kame ped hina tu kákkapatkákka tam hide.#5:26 Basaán tu Roma 16:16. 27Ipákkekakagbi me nikam tu ngahan nu Panginoon a basaán i sulatán iye tu kákkapatkákka tam hide a atanan. #5:27 Basaán tu Colosas 4:16. 28Pagpalaan kam nakwa nu Panginoon a ti Jesu-Cristo. #5:28 Basaán tu Roma 16:20; 2 Tesalonica 3:18.

Currently Selected:

1 Tesalonica 5: MBJC

Highlight

Compare

Copy